الليل ...جميل والنوم احلي بس لازم تكون في امان .... ...تخيل وانت نايم مثلا...انكتصحي من النوم وتلاقي السرير الي انت نايم علية بيتهز بقوة وبيرتفع كمان
وتلاقي ديل معزة بيطير في الجو..... ولسه السرير بيتهز ....هتلاقي اكيد نفسك
بتصرخ وتطلب النجدة
نشوف الموضوع الازرق دة حصل ازي .......لو بتخاف اقفل المدونة لغاية اما اكتبلك حاجة حلوة
طبعا مفيش حد ينكر ان احلي ايام بتكون ايام الدراسة واصحاب الدراسة وكل ما كانوا الاصحاب منسجمين
وفية بينهم حب صعب يزعلوا من بعض بسرعة....بصراحة انا بستغل الموضوع دة
واحد من اصحابي دول كان من النوع الي بيفتخر انة بيخاف تخيلوا واحد بيفتخر انة بيخاف
فضلت اخشن فية جاية من الخشونة يعني يا واد اخشن شوية مفيش فايدة ...قلت لازم اديلة
درس خوف يا يحرم يخاف يااما يبقي يكمل حياتة في ام الخوف دة
انا كنت برسم وعايش في دور الفنان الي معاة الحامل واللوحات وعدة الرسم كاملة
والرسم دة والعدة بالذات ليها قصص كتير جاية وقصص اللوحات كمان
المهم حسيت ان ام الالهام في الفن مش هيجي غير فوق السطح اخدت العدة وطلعت
فوق السطح وندهت علي طيري ....اية الي انا بقولة دة...قصدي نصبت العدة وفضلت
ارسم علي بنت الجيران....قصدي ارسم علي اللوحة...وبصراحة ولا نفع السطح
اصلا كان فية رياح شديدة ...وموج اة موج.. في البحر يعني مش فوق السطح
لفت نظري ان وسط شوية كراكيب كدة خلي بالكم من كراكيب دي امال تسمية المدونة
جات من فراغ....لا دة كل حاجة ليها سبب ..هو احنا بنلعب...وسط الكراكيب دي
فية حاجة غريبة فيها شعر انا قربت اشوف اية دة لقيتة ....ديل معزة...لاوالظاهر كانت
معزة عايقة حبتين شعرها طويل اكيد كانت بتستخدم بانتين ...ولابرت بلص..ضحكت
ورميتة مكانة بس مش عارف انا الافكار عندي بترتب بعضها...اخدت الحجات بتاعتي ونزلت
ولا رسمت ولا حاجة....تاني يوم عدي عادي خالص...بس فاكر الاحساس دة انا كنت مرهق جدااا
ونمت شوية الظهر لقيت الاخ بيحاول يعمل في مقلب ..انة يحطلي قرطاس من ورق
الجرايد بين صوابع
رجلي ويولع فية ...انا كنت عايز اي حد بصراحة يعمل حاجة علشان يكون لي حجة
الرد ...وعلي راي
المثل القائل ...البادي اظلم... وتستخبالي في الدرة هستخبالك في القصب يا
عيسوي...سيبتة لغاية لما ولع
ورحت ببساطة ومن غير فزع شايلة ...وكملت نوم بس قبل ما انام قلت لة بس الي
ميزعلش...هولع فيك
بالسبيرتو...وكان عندي فعلا سبيرتو كنت بستخدمة في تثبيت الالوان في رسومات الفحم والباستل
بس ...قلت لا ...الليلة ليلتك ... وطلعت في البلكونة انا موضوع البلكونة دي بيجيب معاي سحر
مش عارف حسيت فية حاجة دلوقتي بتتسحب من عقلي الباطن ...أة...أة ..ديل المعزة...علشان
الشعر كان طويل ...فضلت وقت ..تنسحب...طبعا اخوكم نايم الظهر ومصهلل بالليل...الاخ قال
تصبحوا علي خير ودخل نام كانت الساعة 1 بعد منتصف الليل يعني عز الشغل...اتاكدت انة نام
وفتحت الباب ورحت فوق السطح ...بس مندهتش علي طيري لان
الجو...ليل ...اخدت..الديل ونزلت
وانا بضحك بهستريا...وانا لما اضحك... هتبقي فية مصيبة..الموضوع كبيرويلزمة اكتر من شخص
فيلم الموسم.....قلت لة اية رئيك نضحك...قالي علي اية...طبعا بمسكنة قلت لة شفت محمد عمل اية
قلت لة انا عايز ...العب معاة شوية تلعب معاي....قالي هتعمل اية..قلت لة لا وصحيت
الباقين يشجعواعلشان مفيش افلام من غير جماهير
نور وحسن ...كانت الشقة تلات اوض وصالة ...في حمامات القبة...حد يشتري... هي اتباعت خلاص
دخلت الاوضة الي نايم فية الضحية....وعاينت مسرح الجريمة ولاحتي مسؤل امني كبير
جبت بكرة من خيوط الشبك ...شبك الصيد علشان متينة ومش بتبان بالليل...وربطت
فيها الديل... ورميت الخيط ومررتة فوق مروحة السقف واخدت الباقي وسحبتة
وخليت الطرف برة باب الاوضة.....وعلشان مزيد من الحبكة السرير الي جنبة
نيمت فية مخدة وغطتها....علي اساس ان المواضيع كلها عادي وصاحبة الي معاة
في الاوضة......نايم في سابع نومة ويمكن يكون بدأ في الحلم رقم 9 كان فية ضوء خافت في الاوضة
اديت اشارة البدء.....ودخلت تحت سرير....الضحية وتامر خرج وقفل الباب وفي يدة طرف الخيط
بعد شوية وبعد الاستعدادت اللازمة.....تامر ابتدي يديني علامة ساعة الصفر...يشد الخيط ويرخية
انا جمعت كل قوتي ورفعت السرير....وهزيتة...وخلخلتة....وكل الحركات الي بتتعمل في منصات
البترول...ومصانع الحديد والصلب...الاخ الظاهر صحي مش مستوعب اية الي بيحصل
ولما فتح عيونة .....شاف......اية...دة....ديل معزة
بيطير....وصاحبة..نايم...والباب مقفول
....
والسرير بيتهز....كل دة...مع واحد خواف اصلا....انا حسيت من تحت السرير ان الواد قام ووقف
فوق السرير ....ولزق نفسة في الحيطة...وهاتك يا صراخ....صراخ ...انا طبعا بخاف في الحالات
الي زي دي ممكن يطب ساكت...رحت طالع من تحت السرير...بس كمان الواحد مش بيقدر
يكتم الضحك.....خرجت وجريت علي برة...وهو لما لقي الكل فطسان من الضحك...والي نايم من كثرة الضحك زي ا فلام الكرتون
الضحك والي كان قرب يغمي علية من الضحك المتواصل هستريا ...ضحك اشتغلت في الدور الرابع
في عمارة في اخر الشارع وبجوارها مدرسة....ابتدائي...خليكم متذكرين الكلام دة لان لسة فية بلاوي
المهم ....هو مسكين صعبت علية نفسة وبكي....انا سكت العالم دي وقلت لة لما انت مش اد المقالب
بتعملها لية....الموضوع دة فكرني بنكتة بتاعة ....نسر وحمار وبغبغان ...كانوا راكبين الطيارة
النسر كل شوية يدوس علي الزرار بتاع استدعاء المضيفة....تجي المضيفة تقولة نعم يقولها لا ابدا
كنت ب.....ستهبل....تمشي المضيفة...يقوم البغبغان دايس الزرار....وتجي المضيفة يقولها برضو
كنت ب.....ستهبل وكرروا الموضوع دة كتير....وكل مرة المضيفة تجي....الحمار قال اما ادوس
انا كمان .....داس...جات المضيفة قال لها ابدا كنت ب....ستهبل...راحت المضيفة اشتكت للكابتن
قالها لو حد عمل كده تاني افتح الشباك وارمية منة............... وداس الحمار تاني جات المضيفة
وراحت فاتحة الشباك ورمياهم من فوق....النسر طار لان عندة جوانح...علي وزن الاعلان اياة
والبغبغان طار لانة عندة جوانح....والحمار نازل صاروخ علي تحت....بيعتب علي النسر والبغبغان
قالوا ....لة في نفس واحد لما انت مش اد الا....ستهبال....بتستهبل لية......هنختم القصة دي
علشان انا صوابعي وجعتني من الكتابة ....وانتوا اكيد عيونكم وجعتكم من القراية...طيب ولما انتوا
مش اد القراية بتقروا ....لية المهم صاحبنا اصر انة يرحل عنا يسيب الشقة بالليل طبعا
الكل يحاول معاة.....مفيش فايدة...خلاص اخد قرار...انة يمشي...انا ادخلت برضو بمقلب اخر
وقلت لة بعد ما اديت اشارة ان الكل يسكت ويسيبة يمشي براحتة بس وجهت لة الكلام مباشرة
وقلت لة بس خلي بالك فية عند محطه المترو....عفريت...وانت في حالتك دي جواك استعداد لانك
اتعرضت للخوف الشديد....فممكن يلبسك...ودي حاجة علمية بحتة...انا خايف عليك...هو سمع كدة
ودخل نام علطول......................يتبع
يتبع إيه؟ هو فيه بعد الي إنت قلته ده حاجات تاني؟
ردحذفبعد كده فيه رجل معزة وألا إيه؟
أنا داخل أنام وربنا يستر
يا مراكبي
ردحذفتعرف انا وبكتب القصه كنت بضحك بنفس كمية الضحك الي كانت في الموقف مع ان الموضوع ده بقالة اكتر من 14 سنه تخيل كل الوقت ده ومازال فيه حاجه من الماضي تضحك وبعد ما كتبتها حسيت بالالم فين الناس دي حاليا كل واحد راح في حالة او الحياه اخدتة انا كتبت اسماءهم يمك حد يكون مدون ولا حاجه يعرف نفسة بس بجد الغربة اخدتني من ناس كتير اهو بنحاول نقلب في الدفاتر نلاقي حاجة من الحياة الي كنا بنعشق كل شئ فيه بدل ام الرتابه دي والملل
كالعادة يسعدني مرورك يا صديقي
بصراحة القصة ممتعة وكل ماأقرأ سطر يشدني للي بعدة واسلوبك رائع بس الحكاية دي اكيد من زمن بعيد جدا لان الشباب اليوم بيتسلو بطرق مختلفة وانا فنتظار القصة التالية بكل الشوق استمر والله معك
ردحذفمش عارف الحصان اللي انت حاطة في بروفيلك دة شكلة مش غريب عليا
ردحذفباشبة علية
ياترى انت جايبة منين ؟؟؟؟
looooooooool
ردحذفيخرب عقلك ايه جو الرعب دا
بس صاحبك بجد بيخاف اوى كده؟؟
المدونة عندك جابتلى حول و الله كمية الالوان و الخلفية البمبى الغامقىة دى عمونى
ظبط الالوان ربنا يرضى عندك
دمك خفيف قوي
ردحذفاكسد برج القوس
انا كمان بحب المقالب
:)
-
تعالى عندس انت مدعو
ايدك معانا
س=ي
ردحذفالحصان الاسود
ردحذفهو علشان اسم مدونتك الحصان الاسود هتفضل تشبة علي كل الخيول يا عم
عموما نوصلة للبيت قصدي للمدونة
انا عندي خيول حقيقي
شرفتنا يا باشا
Ma-3lina
ردحذفانا مجرد ما شوفت القط ده عرفتك
انا كنت متوقع انة انفجر خلاص من ساعة ما عملت المدونة وهو بياكل 11 يوم
صاحبي بيخاف بيخاف يعني دنا مش عارف اعبر بالظبط
بالنسبة للالوان اخوك لسه عامل المدونة من 11 يوم بس ولما لفيت لقيت كل المدونات لذيذه وانا عك خالص بس مش عارف اتراجع هنشوف
شكرااا لمرورك يا زوق
Sampateek
ردحذفايه ده ايه ده يخرب عقلك ازي عرفت اني برج القوس والله فعلا بس اول مرة اعرف اني برج القوس بيحبوا الحجات دي
عموما بجد فرحت لزيارتك بس فية حاجه مدونتك الظاهر التعليقات بقت كتير عندك والصفحه تقيلة في التحميل
طب متقولي علي مقلب من مقالبك والمقالب عند بعضها برضو
نجيلك في الافراح
يا مجرم
ردحذفههههههههههههههههههه
كويس انو الراجل ما جالوش حاجه
كان يبقى عليك تار
انا اخويا حب يعمل زي حضرتك قام استخبى في البنيو و قفل الستاره بعد مشاهدتنا لفيلم رعب كان الراجل يقتل الناس و يحطهم في البانيو المهم
قمت دخلت التويلت
و بسرعه قام عمل صوت و فتح الستار بسرعه قمت برقت و اصفريت و اغمى عليه
هو الي اتخض
و من يومها حرم يعمل حاجه علشان خد الواجب من بابا
دا انت كنت شقي
يا عفريت
دستور لا يحضرو
بخ
ام العيال
ردحذفلا منا بعمل حسابي فيه صندوق اسعافات اولية
ههههههههههههههههههه
وبعدين انا كده الي عايز يصاحبني علي عيبي اغير نفسي يعني ده ادمان
وأخيرا
ردحذفبجد تعبت
اصلى بحب الرعب وافلام الرعب جدا
بس ممنوعة منها
لكن المقالب مااااشى
فكرتنى بمقلب الضفدعة
ولكن
فى هذا حديث آآآآخر
:)
سلام
حلم
ردحذفانتي بتعلقيني ليه طب انا انده عليك ازي دلوقتي عايز اعرف موضوع الضفضدعه ده لان برضو فية حاجه كده عندي وفيران وتعابين كمان
عموما في انتظار مرورك تاني
الظاهر ان الصداقه بينكم كانت علي مستوي عالي جدا من التفاهم و الحميميه
ردحذفانا كان لي اصدقاء كنا بنهزر لكن مش للمستوي ده من المقالب
.........................
شوية وعظ
ايها الشباب الروش الذي يضرب زملاءه بالمقالب انكم و ما تفعلون حصب جهنم انتم فيها خالدون
كيف تجرؤون علي انتهاك نومة صاحبكم
الا تشعرون بالرحمه تجاه صاحبكم
انها ايام قليله ثم ندفن في التراب
يوم يفر المرء من اخيه
.......كفايه كده وعظ و تقريع لتاخدني الجلاله و اكمل
لكم تحياتي
هو من الواضح جدا ان المقلب ده حصل من زمان
ردحذفلان وانت بتحكي موضوع القرطاس اللى كان بيولعه ده فكرتني بخالى اما كان بيحكيلنا ايامه مع اصحابه
والمقالب اللى كانو بيعملوها
بس حلوة اوي والله
بس حرام عليك تعمل فيه كده
:(
صعبان عليا
:(
ذو النون المصري
ردحذفاه علاقة جامدة وكل علاقاتي انا جامدة مع اصحابي لدرجة كبيرة الحجات دي حصلت من زمان والناس راضية ومبسوطة
نوم اية يا عم الحج لو جربت انك تكون وحيد عايز حد يضربك حتي ويزعجك بس حد يكون جنبك والنبي انت لذيذ وموضوع الوعظ ده حاجة تاني لو اتكلمنا عنة مش هنخلص مش وقتة بس تابعني وانت تعرفني كويس بنفس درجة المقالب دي انا اتحطيت في مواقف وابتلاءت كتير وفية حجات كتير هكتبها متتعجلش ...ولا في الخيال يا مولانا
تحياتي وشكرا لمرورك انا مش عارف معني الاسم ده ذو النون المصري
يا ريت تفسرهولي
نضال
ردحذفالعلاقة بين الاصحاب وفس سن معينة بتكون فية الحجات دي زي الاكل والشرب
انا مع ان الشاب يكون كدة علشان يتشبع من كل حاجه يضحك ويهزر
عن تجربة الحياة بعد كده بتكون بالنسبة له غير الناس التانية الي بيكون حياتهم مملة ورتيبة وهما صغيرين وبس يتاخر شوية برة بيضربوة بيطلع متعقد الموضوع بسيط شوية حرية للشاب ونكون اصحاب لة ونخلية يضحك زي الطفل نخلية يلعب ده مطلب طبيعي للسن ده بغير كده يا اما يطلع تكفيري يعني لما يكبر كل حد يشوفة يقولة انت كافر وانت عاصي وهلم جرا مع انة لو سئل نفسة هيلاقي عنده انفصام شخصية ونفسة يعيش الحياة الي اتحرم منها
يعني شخصية خالك دي من غير ما اعرفة انسان لذيذ بيعرف متطلبات اولاده كويس ومصاحبهم وبيعرف ازي يدلعهم ويفسحهم وعلاقاتة الاجتماعية ناجحه جدااا وكل الي حوالية مش بيحسوا بالوقت معاه لانة الاوقات بتكون معاه ممتعة وجميله بعكس هؤلاء الي حاسين انهم صح وان هما بس الي ربنا هيدخلهم الجنة والباقي حصب جهنم زي ما قال الاخ فوق فاقد الشئ لا يعطية
اسمحيلي اقولك انا بحب خالك ههههههههههههههههههههههههههههههه
تحياتي
جميل اوي اوي وعجبتني اوي اللي انتا كاتبه ياريت تشرفني علي مدونتي
ردحذفfares
ردحذفطب ايه هو الي كاتبة انا هههههههه
اشيل دراعي لو كنت قريت حاجه فية ناس بتروح علي التعليقات علطول علشان يسيب اسم مدونتة عموما هروح عندك
بس مش هشتري برضو هههههههه غلاسة
i read a little bit of this post and i skimmed through your other posts...interesting read!
ردحذفwhat caught my attention is the colors..your blog is bright pink, and i find it interesting in a way for a "guy" to have pink blog. i mean no offense at all of course! also the colors of the different sentences on each post, i like the way you write too...this is my first visit but it will not be my last..so i will be back! have a great day!
i read a little bit of this post and i skimmed through your other posts...interesting read!
ردحذفwhat caught my attention is the colors..your blog is bright pink, and i find it interesting in a way for a "guy" to have pink blog. i mean no offense at all of course! also the colors of the different sentences on each post, i like the way you write too...this is my first visit but it will not be my last..so i will be back! have a great day!
هههههههههههههههه
ردحذفصباحه رعب يا عم
دة انت طلعت مفتري بقي
فكرتني بنفسي والله
بس مش كنت كدة
يعني كنت علي الخفيف كدة
كويس ان الواد مش جاله سكتة قلبية ووداكوا في داهية
وكنت طول عمرك حاسس بالذنب وكنت تمشي في الشارع وتقول عدول انا وانا عدول
ياه بقى ايه ده انت فيلم رعب متنقل حرام عليك
ردحذفومتعملش كده الا مع واحد بيخاف .؟
حلوة يا عادل ...رسمك حلو ؟
حلللللللوة
ردحذفايه ده يا ابنى؟
ده الساعة 3:30
و حاسس ان الكرسى بيهتز
لا يا عااام انا هامشى
مع السلامة
أنا مصرة إن المقلب الكبيييير اللي اتعمل فيك لازم يتنشر
ردحذفلاااازم
:)))
ايه الهوايات العجيبة ده بس... ديل معزة؟؟؟
هههههههههههه
ردحذفانا لو من صاحبكو كنت اقول عفريت عفريت بس ماقعدش معاكو تاني
بس بجد مقلب شديد...
تحياتي ليك ولمدونتك الجميله
summer
ردحذفi like the way you commment
welcome anytime
have a great day
الحصان الاسود
ردحذفغلب حصاني
سمراء النيل
اولا شكرا لزيارتك لمدونتي المتواضعة
بالنسبة للجنان كلنا اعتقد بنكلم نفسنا
من الي بنشوفة
اردد بعض الاوقات انا عدول وانا عدول
شيماء الجيزي
ردحذفلا عندي لاب توب
مهو حلاوتها انة يكون جاهز الرسم انا سيبتة في مصر ومجبتوش معاي في السفر هو كان حلو يمكن يكون لسة مستنيني لما ارجعلة مع حجات كتير بس اية صحفية مع ايقاف التنفيذ دي ؟؟؟
تهمة يعني ههههه
khaled
ردحذفابن حلال كنت عايزك في موضوع بخصوص واحد من اصحابك لان شايف تعليقك هناك بيدل علي كده
حاطط صورة هي اصلا معمولة علشان تسئ للمسلمين ولدينا فمش من الظريف اننا نحطها علشان نعبر بيها عن حاجة لو معرفتش مين المقصود ابقي اقولك حتي الموضوع المكتوب انا مرضتش اعلق علية لان لو باختصار ممكن نقول فية فرق بين الدين كصلاة وصوم وذكاة وصدقات وبين الخلق او طباع الشخص يعني ممكن يكون بيصلي وكل الحجات الي بتخص الدين كويسة بس خلقة مش كويس الحديث الشريف بيقول من جاءكم من ترضون دينة وخلقة فزوجوة
يعني مش بس الدين الناس هنا بتخلط بين الاتنين
بالنسبة لموضوع الاهتزاز هو انت منهم ولا اية اثبت يارجل
hannod
ردحذفمنا قلت لك فية كتير محاولات
هختار اكبر حاجة فيها واكتبها
بالنسبة لديل المعزة انا لو لقيت كلب ميت هعمل بية المقلب هههههههههه
تحياتي
سلسبيل
ردحذفعفريت عفريت
دي برضو قصة من القصص وكانك بتقرا افكاري
لا بالعكس دة الجو معانا كان ممتع بنجرح ونداوي
تحياتي
العيب على النت في التحميل يا عادل
ردحذفركب دي اس ال
---
مرة اقنعنا ست كبيرة في عيلتنا ان في مشروع استصلاح زراعي جديد بيدي كل واحد من الخريجين 5 فدادين بس لازم يزرعهم مكرونة علشان الرز غلي و بقى شاحح
و تمادينا و قلنالها انهم حيزرعوا جنبها قوطة علشان تبقى
مكررونة بالصلصة
و الست صدقت
و اتصلت بابنها تقوله الحق احجزلك فدانين
--
اغرفلك بقى مكرونة باللحمة المفرومة بلونيز؟
تحياتي
sampateek
ردحذفدي اس ال مهي مش كل الناس عندها انا كمان مش مصر وعندي اللاب توب بستخدمة من اكتر من مكان عندي حاجه بالاضافة للاشتراك الشهري اسمها air card
بوصل من اي مكان حتي لو في المريخ .....واسعه شوية قصدي من العربية من البلكونة ههههه في بير السلم
مكرونة وجنبها طماطم هههههههههه ضحكتيني ودي هتتزرع ازي في اطقم اركوبال اكيد اغرفي اغرفي باي حاجه لو بمية صاقعة انا جعان
يوووووه الحروف بتسقط في المكرونة بتاعتك
ردحذفانا مصر= انا مش في مصر
والله ترجمة حلوة
أنا نفسي أعرف هو بيعمل أيه دلوقتي لما بينام
ردحذفتلقيه يا عيني ينيمكم كلكم الأول علشان ما حدش يعمل فيه مقلب تاني
أكيد هوة لسة ما تعلمش وبرده بيخاف
مش إشكال برده ده اللي أنتوا عملتوه لو أتعمل في هيركليز هيخاف
ما علينا أنا نفسي يتعمل فيك مقلب زي ده علشان تتعلم
تحياتي على الموضوع الجميل
محمد
ردحذفالموضوع دة قديم من 14 سنة انا نفسي اشوف الناس دي اصلا ياريت الايام تجمعنا تاني
معرفش يمكن يكون اتغير هو حاليا
تحياتي
اللي مش قد الهزار ميهزرش فعلا عيب صاحبكم مش انه بيخاف لا انه قلكم انه بيخاف
ردحذفعادل باشا اسف لتأخري عليك بس ظروف وجوابات كتير
ردحذفثم ايه جو افلام الرعب دي
انته افتكرت نفسك هتشكوك كمان
قشطه يا مان
ايه رأيك في قشطه دي انا بحبها بالعسل
رائع يا عدول
بجد معلم
بس بلاش مقالب لأحسن ما اوريك اللي عمرك ما شفته
شكلك بتموت في المقالب
ربنا يستر
لك تحياتي
اسف مره تانيه اني اكون تعليق بعد 40 تعليق
المفروض اكون الاول
bossy
ردحذفالحق علية الحق علينا الي حصل بئي وبعدين بيكون واضح الموضوع دة
مش محتاجة كلام
راجعي البروفيل عندك فية غلطة
تحياتي وشكرا للزيارة
مجهول
ردحذفبالحضن يا راجل
ولا يهمك لو حتي التعليق الالف برضو مكانك محفوظ توريني ههههه علشان بعيد بتتكلم كدة دنا ممكن اشيبك
هههه
تحياتي
ايه ده موقف جامد قوي بجد فكرت ازاي فيه ده بس
ردحذف:)
وياتري صاحبك بطل خوف ولا بقي يخاف انه ينام
:)
تحياتي
بأه بتعمل كده في صاحبك ...أمال لو كان قتلك قتيل كنت عملتله ايه
ردحذفاسلوب الكتابة جميل جدا و يشد
تحياتي
ههههههههههههههههههههههههههههه
ردحذفاللي يخاف من العفريت يطلعله
انا عايزة اقولك مدونتك هايلة بجد
ردحذفواسلوبك حلو اوى رغم ان الموضوع طويل
بممتع جدا
على فكرة الساعة 3 باليل زى مانت شايف والجميع نيام ومافيش نور غير نور الكمبيوتر بس الحمد لله مابخافش
صحيح ماعفريت الا بنى آدم
هههههههههههههههههه
ههههه
ردحذفحلو موضوع العفريت دة
أنا ليا مقالب على العفاريت
بس عادية
نظام ماسكات وملايات بيضا
شكل أصحابك خلاص كرهوك
عبدالله
ردحذفلما تتغاظ من حد الفكرة بتيجي لوحدها قال عايز يعملي قرطاس مولع قال ميعرفش اني ممكن اضيعة
موضوع الخوف دة لو في حد معتقدش يبطلة اما بيخاف ينام برضو معتقدش يمكن فية حد متسلي علية غيري ههههههه
تحياتي
برايد
ردحذفنورتي المدونة .....قال يعني مكنتش عارف هههههههههه
انا هعمل بوست خاص عن ان برايد جات علقت عندي جاري طباعة التعليق
تحياتي بجد يعني
koukawy
ردحذفوممكن تمشي الي يطلع لة العفريت هيخاف منة للعفريت اكتر من وجة وقناع ممكن كلب اسود وممكن قطة انا مرة طلع لي عفريت علي هيئة نملة
تحياتي
اميرة ويلز حتة وحدة
ردحذفالواحد هيرسم عليك يمكن يبقي حاجة في انجلترا
الساعة 3 دي ما تخوفش لا انتي ادخلي علي الساعة وحدة لازم تشوفي شروط الخوف وميكونش حد نايم جنبك اصلا
تحياتي
اباصيري
ردحذفانا ضيفتك عندي
موضوع المسكات والملايات البيضاء دة بتاع بخ بس ههههههه احنا عايزين حاجة بعيدة الاثر وتمنع الخلفة نهائي الا اذا حدث معة نفس الموقف مرات متكررة يعني برضو علاجة عندي زي الست الي بتكون عايزة تخلف الناس الجاهلة بيحطوها جنب القطار وهو معدي علشان تتخض فتخلف هو القطار دة ........رقابة
اعتدر مقدما و لكنها دعوه لزياره مدونتي التى اشاتها اليوم
ردحذفHello!
ردحذفThis work is very good, thank you
have nice wkend
عايزة اتجوز مدون
ردحذفمش انا
روحي اتجوزي بعيد عني قال تتجوز مدون قال
عموما ربنا يرزق بمدون فاشل
تحياتي
david
ردحذفاهلا يا عم الحج
هههههههههههههههههههههه
ردحذفوالله انا الموقف ده لو حصل فيا كان زمانى مت
a3trafat lylyah
ردحذفاية دة انت تبع الاخ الي بيخاف ولا اية
تحياتي وشكرا لمرورك
نفس الحدوته دي حصلت مع الأباصيري المدون كاتبها عنده في مذكراته
ردحذفهههههههههههههههههههه