وانا بصورها تخيلت الوردة ساعة والنحلة عقاربها ... وهي بتلف عكس عقارب الساعة وكانها بتسبق الزمن
عارفة المطلوب منها بالظبط ... وقارنت بين الاجازات الطويلة دي ... ومدي حبنا احنا البشر في الانتاج
ياتري لية بنحب الاجازات ؟؟ واية معني الاجازة لكل واحد فينا ؟؟
اعتقد أن إجازة عيد الأضحى تحديداَ
ردحذفكنت في شوق إليها من شدة ضغوط العمل والتي وصلت إلى درجة أنها كانت فوق طاقتي وكانت الإجازة حتمية حتى أستطيع مواصلة المسير
الإجازة شيئ ضروري ومهم جداً لتجديد النشاط .. من أجل العودة من جديد
----------
وقد يكون مرجعية ذلك أن النحل يسبقنا بمرااااحل
وكل سنة وأنت طيب
تحياتي
وليد
وليد
ردحذفانا بتكلم عن الاجازات الطويلة
الي بتكون جاية من غير ما انت تطلب اجازة
اما المرجعية دي فضحكتني انا بعتقد ان كل ما خلق علي الارض جعلة الله في خدمة الانسان ومن ناحية تاني للتأمل في خلقة
ومعرفة نعم الله
وانت طيب وبخير يا ابو المراحل
ههههههههه
الصوره تحفه بجد ياعادل والوانها جميله وزاهيه
ردحذفالاجازه بالنسبه ليا يعنى نوووووووووم ونت
بس لسه مش ببقى مشتاقالها للدرجه يعنى لانى مش مطحونه فدوامه الشغل اساسا
الأجازة اللي بحق وحقيق هي الأجازة امشتركة بينك وبين الجميع .. يعني الكل مش في الشغل .. يعني مش ممكن يكون فيه إزعاج أو قلق أو دماغ مشغولة
ردحذفأما لما بتاخد أجازة لوحدك فبتبقى متوتر وقلقان ودماغك بتودي وتجيب
أخبار الكويت إيه؟
الأجازه بالنسبه لي
ردحذفو قت اعمل فيه حاجات مش بعرف اعملها براحتي في اوقات الشغل و ده لضيق الوقت
و كمان وقت للراحه عشان اعرف اريح الجته و لما ارجع الشغل انتج
الاجازه كسل
ردحذفاستراحه
توقف عن الخدمه
رااااحه
رفاهيه
حريه
عدم تقييد
اووووووف
الاجازه لها معاني كثيره :)
ليه بنحب الاجازات؟
ردحذفعشان احنا لينا قلوب بتحتاج للتأمل و السكون من فترة لفترة
لان لينا عقول بتجهد مش زيهم ماعندهمش غير الطاقة وبس
تصدق اني استنتجت معلومة واضحة جدا بالنسبة لي دلوقت
ان الاجهاد بيجيلنا من القعل مش من نفاذ الطاقة
يعني ساعات قدرتنا على التفكير بتكون هي سبب اجهادنا و حاجتنا لأجازة
أجازة للعق مش للبدن.. ما فيه ناس في الاجازة تروح تلعب ماتش محتاج مجهود بدني أضعاف مجهود العمل
سيبك انت
الصور تحفة .. عارف أكتر حاجة عجبتني فيهاايه؟؟
شايف اللون الفاتح في قلب الاوراق اللي كإنه نقطه.. عامل زي نقاط الساعة نفسها
يعني حسيت ان كل العوامل اتفقت مع انطباعك عشان تبرزه قوي
اول مرة ألاحظان دوار الشمس فيه فقلبه نقط فاتحة زي ده
أما النحلة فكرتني بالنحل اللي كنت بصطاده من جنينة جامع ورا بيتنا
كان لازم تمسك الجناحين مع بعض و الا لو فلت واحد حاتعرف النحلة تتدير و تحط الدبوس بتاعها في صعبك
ومرة شكتني ووجعتني قوي
ولقيت حاجة عجيبة انها بعد ما بتسيب الدبوس بتاعها فيك بتموت
لما ماتت حسيت بتأنيب ضمير شديد قوي فاكرة يومها انه اداني انطباع نفي سء قوي بحسه بوضوح كل ما بشوف جنينة الجامع دلوقتي
شفت اديني عوضت كل الفترة الللي فاتت و رغيت كالعادة
كانت واحشاني صورك و حكاياتها
بنحب الاجازات عشان بنرتاح فيها من شغل معظمنا مش بيحبه حتي لو كان ماهر فيه
ردحذفوتحياتي للنحلة
سؤال جاااااامد
ردحذفتصويرك جميييييييييييييييل جدا
وواضح فيه اووووي قدرتك على التامل
يمكن علشان كده لازم ناخد اجازه
طويييييييله قصيره
المهم توصل لهدفك في اخرها
يمكن يختلف مفهوم الاجازه عند ناس
كل واحد حسب احتياجاته منها
بس اعتقادي
انها لازمم تكون علشان تكسر ملل وروتين حياتي
فرصه انك تتامل حاجات بتعدي عليك واعتادت عينك عليها من غير لحظه تفكير
راحع للبدن والعقل
لان المجهود البدني او العقلي الزايد بيخليك تنسى حاجات حواليك جميله فلازم وقفه باجازه علشان ما تضيعش الحاجات دي
أدينا مستنيين
ردحذفولكن بالنسبة للأجازة فلو طولت بتبقي رخمة ولو كانت اصيرة برضو رخمة بس هي حلوة وبتخلينا نرتاح من الدراسة شوية
ردحذفالسيد الأستاذ/ عـادل
ردحذفصاحب مدونة / كراكيب عادل
" تحية طيبة" وبعد..
اعتذر عن الخروج من موضوع التدوينة، لكنني أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية.
أرجو الاهتمام والرد سريعا بالإيجاب أو السلب.
تحياتي وتقديري
شيماء إسماعيل
باحث ماجستير- كلية الآداب جامعة القاهرة.
انت لسه فالكويت يا عادل ؟
ردحذفاصلي جيت السالمية وسالت عليك ملاقتكش ليك اثر
اتضح انك مشغول مع النحله
الله يسهلك يا سيدي
بجد وحشتنني المدونه والدخول والتعليق عندك
يارب تكون بالف خير
امتى بقى آجي والاقيك رادد على التعليقات وحاطط بوست جديد
ردحذفشفت أهي جهينة كمان ظهرت وشكلنا حانرجع زي زمان تاني
وحشتنا يا عادل
يارب تكون بخير
اعتقد الاجازه هى فتره استرخاء للاعصاب غالبا مع تحديد المشاريع والخطط الجايه
ردحذفبس بتكون خطط غير ملزمه بمعنى انى مش هتعب اعصابي اووى ف التفكير
لكن مينفعش اوقف دماغي في الاجازه خالص
على فكره
المنظر تحفههههه؟؟؟
ده تصويرك؟؟؟؟؟؟؟
يا عـــــادل
ردحذفماهو ماتقولش انك سبت التدوين و مشيت
أصل مش معقول حاتسيبه كده من غير حتى ما تقول
و مافتكرش كمان انك من اللي حايسيبوا التدوين
وبعدين مش كفاية جهينة و روزا لومي حاتبقى انت كمان
انا كده حاسة اني لوحدي
لا لا إنت لا حاتسيبه ولا حاجة
صح؟
صار لي زمان
ردحذفزمان أوي
مشفتش الساعة
و النهاردة
شفتها و يرتني زي النحلة لفيت عكسها
الصورة رائعة
ردحذفاما عن الاجازة فهي الراحة بعد اسبوع من العمل او هي وقت تقدر تشوف فيه اصدقائك بعد يوم العمل وده يخليك ترجع اول الاسبوع او تاني يوم وانت عندك قدرة علي يوم او اسبوع عمل جديد
انت فين
ردحذفمختفي انا قلت اسلم
و عبد العزيز عامل ايه؟؟؟؟؟
للاسف احنا من صغيرنا بقى مفهوم الاجازة عندنا غلط طول السنة دراسة والاجازة تبقى لللعب فلما كبرنا اتعودنا على كده لكن دلوقت واحنا فى الجامعة بتحس ان فيه حاجة غلط لا ان التوزيعه كده مش صح المفروض حاجة تتغير ان السنة كلها على بعضها سنة وبتمر من عمرنا ولازم نستفيد منها دراسة واجازة بس مش عارف ازاى تنسق بين الاتنين
ردحذفأزال أحد مشرفي المدونة هذا التعليق.
ردحذفأزال أحد مشرفي المدونة هذا التعليق.
ردحذفانا النحلة وانا كنت دايخة لمل هو خد الصورة ده مش بمشي عكس عقارب الساعة انا معرفش اه هيا الساعة اصلن
ردحذفالهدف هو الدافع الأساسي للعمل يخلق الطاقه التي يشق الإنسان بها الصخر و إذا لم يوجد الدافع ... الكافي ... يصبح العمل عبئاً و الاجازه هدنه من تلك الحرب الدائرة
ردحذفتسلم ايدك ...
الصور جامدة جدا والتحليل اجمد فنان بالفطرة مشاء الله عليك
ردحذفأول مرة أدخل البلوج الجامد ده ومش هتكون اخر مره
تحياتى
مش ناوي تبطل كذب يا دولة( ن ج لا ء)
ردحذفليه الاختفاء المريب ده ؟؟؟
ردحذفأين ذهب هذا المبلغ الضخم وهو " 130 مليار دولار" ؟.....؟
ردحذففى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟ و لمزيد من التفاصيل أذهب إلى مجموعة مقالات ثقافة الهزيمة فى هذا الرابط:
www.ouregypt.us
أزال أحد مشرفي المدونة هذا التعليق.
ردحذفحلوة اوى الصورة يا باشا
ردحذفبالتوفيق ان شاء الله
اذيك يا صديقى
ردحذفاولا : اود ان اشيد باعجابى الشديد والمنبهر بمدونتك
حقا رائعه
ثانيا اود ان اقوم بعمل تبادل روابط نصيه معك بمدوناتك مع احدى مدوناتى
ان تضع لى رابط احى مدوناتى عندك وان اضع لك رابط احدى مدوناتى عندى
اليك المدونات اختار منهم ما شاءت
موقع الزمالك
موقع جوجو الشامل
موقع الاهلى المصرى 101
موقع اخبار الكورة المصرية,الاوربية,العالمية,الاهلى
موقع النادى الاسماعيلى ,اخبار الاسماعيلى
موقع تعليم الفوركس للمبتدئين اون لاين
موقع شباب بيك
منتظر ردك
بعد ان تضع لينك مدونتى عندك اترك تعليق فى اى مدونه عندى لكى اقوم على الفور
باضافه مدوتك لدى
شكرا لك تقبل خالص مروى وتقدرى واحترامى لك
شكرا لك صديقى
تبارك الله فيما خلق
ردحذفتصورك رااائع
والزهرة في حد زاتها رااائعة جدا
تسلم ايدك يا فندم