26‏/02‏/2007

فبركة جريمة قتل واشياء اخري












انتظرت ولم يخب ظني صرخة شقت قلب
الظلام يا لهوي الحقوني الحقوني.........يي

كتمت ضحكاتي وهرعت الية........ حلوة هرعت دي
مالك ياسمسم بدلعة كمان فية اية؟ تتتتتتتت ب نف ت ق ك قتتتتت


ده هو بيحاول يتكلم فية وحده مقتولة جوة

فين فين باستهبال ومين قتلها ؟؟ انت.. يعني ولا اية واتبعت اشارة يدة وفتحت الباب وبحركة مصطنعة

يا لهوي يا لهوي ده صحيح ... مزيد من الاستهبال جريت لبرة وكأني ههرب........ هحكيلكم القصة من الاول وربنا يستر ومتخدوش عني فكرة كدة ولا كدة
خارج بالليل بعد يوم شغل ممل وانا شارد شوية وماشي ناحية عربيتي كانت الساعة 9 بالليل تقريبا


وقبل ما اوصل العربية بلحظات لمحت حاجة غريبة مرمية في الارض انا اصلا راكن العربية بعيد

عن المحلات في ساحة كده علشان مفيش حد يقفل علي ومعرفش اخرج

اية ده انا بسئل نفسي ده منيكان الي بيحطوة في المحلات علشان يعرضو علية الملابس وكانت علي هيئة وحده ست بس بصراحة كانت من غير شعر
يعني منيكان زي القمر هههه علطول الفكرة اتخمرت

ومن غير ما حد ياخد بالة فتحت شنطة العربيه بسرعة ونظرة كدة رادار علي كل شء حوالية


وهب ارمي بسرعة في العربية ولفيت وركبت ولا من شاف ولا من دري طول الطريق اضحك واضحك


لاني بتخيل الموقف بالظبط وصلت عند البيت طبعا نزلت عادي وسيبت الامانة تحت ......بالليل وبعد الكل ما نام


نزلت بخفة وجبت الامانة (المنيكان) ودخلت بهدوء..... هسسسسسس دول علي فكرة اصحابي ...... طبعا انا عايز اخلي


لكل واحد نصيبة من ان المنيكان يرحب بية بطريقة خاصة المهم اتنين نايمين وواحد كان لسة برة


ركبت المنيكان هو كان مكسور في النص كده فية مسمار بيتربط منة واخيرا المليكان وقف علي رجلية


طبعا انا اطلع في البلكون اضحك اضحك وارجع بعد كدة رحت لافة بملاية سرير بقي زي الفل


وحدة ست واقفة وكانها حقيقي والليل بيساعد ...... شيلت الست دي واخدتها علي الحمام

المنيكان لحسن حد يفهمني غلط وفضلت اختار الاماكن الاستراتيجية للكارثة المحققة وقفتها

ورا الباب علطول .... وطفيت النور......... ورحت نمت بس مراقب كل حركة جة اول ضحية


مسكين مش عايز يزعجني بهدوء بيتصرف ومستغرب اكيد لاني اول مرة بنام بدري


مضيعش وقت بصراحة اخد فوطة وراح للحمام وانا وراه بهدوء.....فتح الباب ذهل رجع انصدم


وتلقائي لقيتة بيقفل الباب ويشد فية لبرة ويشد ومذعور انا هنافضلت اراقب واكتم في نفسي علشان
الضحك يعني هيفضح الدنيا ولما حسيت اني خلاص مش قادر امسك نفسي قلت يالا وقت الضحك

وشديتة ناحية البلكونة وكان زي الطفل الصغير مهاود جدااا وبهدوء اقنعتة انة يسكت علشان المقلب

يتعمل في الكل سكت يمكن علشان ميكونش حد احسن من حد .....عملت اخراج تاني لفيلم جديد


بنفس البطلة ........... المره دي حبكة سينمائية وعلي وزن افلام الرعب نيمتها في الحمام بالملاية
ومليت البانيو وهسسسسسسسسسسسسسسس....... نوم.... الضحية التانية الصباح باكر جداااا

يذهب الي الحمام كعادتة ........ يفتح الباب تن تن تن تن تن تن بربم بربم الموسيقي بتاعة افلام الرعب دي دة بئي صرخة من القلب


يا لهوي يا لهوي فية وحدة مقتولة جوة بس مسكين اتكعبل من كتر الخوف ووقع وحجات كتير


دة بئي زعل مني بعد ما عرف بس صالحتة وبرضو اقنعتة انة يسكت الغريبة برضو وافق .... الاخير


برضو مع تغير الاخراج ........... شوية بسيطة بس ده اتفزع من جوة دي بتبان علي ملامح الوش


لكل واحد تعبيرة عن الخوف وكل واحد الاشياء الي بيخاف منها دة بئي كان تعبيرة مزهل

بس من غير صوت بس نقدر نقول صرخة مكتومة ......بعد ما خلص الموضوع قابلتنا مشكلة
وهي ازي نتخلص من المنيكان ده طبعا مينفع يترمي علي السلم علشان حارس العمارة ينزلة
ولا ينفع حد ياخدة يرمية ممكن حد يقول حاجة مبدئيا قلت ارمية في البلكونة لغاية اما نشوفلة
حل بعد يومين نفس الشخص بتاع يا لهوي كان داخل البلكونة اتفزع تاني وقالي بحزم يا اخي
شوفلك صرفة في الزفت دة طبعا انا فضلت اضحك وهو فضل متغاظ لقيت ان الجيران كمان
بيبصوا للبلكونة بشئ من الريبة ...... اخدت قرار اني اقتلها بجد لا وكمان قطعت جثتها
في منتهي القسوة طبعا انك تقتل منيكان كان بيلبسوة الملابس علشان الناس تشتري
اهي ارتاحت من الوقفة طول الوقت في الفترينات....وحطيت راسها في كيس زي ما بشوف
في صفحات الحوادث....وبعد يومين تانين كنت جاي من الشغل لقيت قطع منها مرمية في الشارع
وعيونها بتبوصلي وتعاتبني انا اسف يا (منيكان ) مكنتش المقصود...........يتبع

هناك 29 تعليقًا:

غير معرف يقول...

مالك يا..... فية اية تتتتتتتت ب نف ته ق ك

ده هو بيحاول يتكلم فية وحده مقتولة جوة


انا مت من الضحك وتخيلت الموقف ده

بسرعه حط الحجات التانية ضحكتني بجد

مجهول يقول...

ايه يا عدوول
انته غيرت نشاطك الي مجرم و لا ايه؟
المهم ربنا يوفقك
بس بص عايز مفاجأت في المره الجايه

كراكيب عادل يقول...

مجهول

ازيك انت مشوفتش النهاية ارجع شوفها

تصدق بقيت مجرم فعلا فين ناس شغلتها قتل علطول لو اعتبرنا ان ده اجرام زي النجار حضرتة شغال بالمنشار الله ينور والحداد برضو عالم مجرمة يابا

غير معرف يقول...

انت شاطر جدا في تقطيع وتشريح الجسد وتمزيق روح حواء بمنتها القسوة بس اكيد دي مش اخر جريمة صح ؟؟ خليها سر بيني وبينك

كراكيب عادل يقول...

Anonymous

روح مين وحواء ايه

هلبس تهمة انا كدة ارجع ارجوك اقرا من تاني

غير معرف يقول...

سهل اوي نتكلم عن التفكير بعمق لكن صعب نقدر علية لان زي ماقلت ممكن نغرق في ملايين الافكر البشعة خصوصا لو كان عندك ذكريات مؤلمة لما بنفكر بصدق مع النفس ممكن تلاقي بعض الحلول ( انت بجد قلبت علية المواجع

كراكيب عادل يقول...

Anonymous
لو كانت الذكريات المؤلمة من صنع اللة
كقدر فلا اعتقد انها تستحق الرجوع اليها فقط الاحتساب للاجر لكن لو كانت شئ من صنع انفسنا كفساد في الارض او فسق او قتل او او او او من اهواء النفس البشرية اذن فهو العقاب في الدنيا ولو كانت التوبة الصالحة فلة الاخرة اما المواجع فلا يستطيع احد ان يقلبها انها طافية بقدر قربها من بؤرة الحدث لا تلوم فانا مجرد من كتب عن هذة الافكار

يا مراكبي يقول...

أنا أعرف ناس كتير بتعمل مقالب .. لكن بالشكل الكبير ده .. لأ

ده مقلب كبير ومحتاج إمكانيات وشغل جامد

هو المقلب ده إتعمل هنا في الكويت؟

كراكيب عادل يقول...

يا مراكبي

انا بحس ان المدونة دخلها النور لما بشوفك جاي عندي المقلب ده اتعمل في الكويت اة وفية مقلب تاني اشترك فية 25 واحد في الشركة وكان من اخراجي بس التاني مش عارف اعبر عنة ازي اصلة ممكن يتحكي اكتر وفية في مصر كتير وانا طالب وده الي هكتبة المرة الجاية بس مرعب بجد

يا عم قلت لك ضيفني علشان نتكلم

أبو محمد يقول...

لأ ده انت طلعت حكايه أنا كنت داخل عندك أول مره من باب جبر الخواطر لكن واضح انك هتخلينى اتابعك على طول أسلوبك لذيذ وأتمنى لك التوفيق

كراكيب عادل يقول...

ابو محمد
خلي بالك انا من النوع الي بيتكسف خالص يعني انت كده خليت وشي احمر احمر ولوكتبوا عليه رقم 22 هيفتكروني ابوتريكه
تابع تابع يا عم انت بالذات انا حاسس بيك وعايز اضحكك

حبيبي يا ابو محمد

ام العيال يقول...

عادل افندي مقالب
معلش العيب كان عندي
الصفحه ما كانتش باينه
بس حرام عليك يا راجل
لا الراجل يجيلو جلطه
و تعيش بتانيب الضمير
:p

كراكيب عادل يقول...

ام العيال

انا بكون حريص جداا وفيه حجات كتير لغيتها بس قيد التنفيذ بطريقة خفيفه

شكرا لمرورك

fares يقول...

علي فكره انتا اسلوبك كويس اوي وعاجنبي ياريت تبعتلي وتقولي ايه رايك فيها

Hannoda يقول...

ايه المقالب الي تقطع الخلف ده :))
بس حلوة الروح ده على فكرة... لكن انت مش خايف بقى من رد الفعل

بس بقى يا معلم زي ما فضحتهم كده لازم تيجي تحكيلنا على أول مقلب يتعمل فيك كتخليص حق

متفقين ؟؟؟؟
:)

كراكيب عادل يقول...

Hannoda

مقالب في انا ههههههه كتير محاولات هكتب

بس بعد ما ادي للناس احساس اني واد جامد لان فية منهم حجات تقطع الخلف بجد

شكرا لمرورك

mesh2dra يقول...

السلام عليكم

جميل أوي أسلوبك
خلتنى اتخيل موقف كل واحد من صحابك

بس خلي بالك كما تدين تدان
:)


فكرتنى بمقلب اتعمل فيه زماااااان
حطولى عروسة ولبسوها باروكة وحطوها في
الدولاب على أساس إنى اتفزع
وقد كان:D

كراكيب عادل يقول...

mesh2dra


عروسة وباروكة وقد كان هههههههههه

بس انا هسئلك سؤال بما ان اتعمل فيك مقلب بزمتك بعد فترة من الزمن مش عايزة الوقت ده يرجع وحد يعمل فيك حاجه زي كده يعني ايه احساسك بجد حاليا


حاجة في نفسي عايز اعرفها


شكرا لزيارتك واتمني تكون مستمرة

تحياتي

الأباصيرى يقول...

ههههه

مانت طلعت أبليس أنت كمان أهه

طيب فين الحبكة الدرامية ياعم الحاج
يعنى تلفها بملاية سرير على شوية كاتشب مخفف أو شوية ميكروكروم وتبوظ لمبة الحمام عشان الدنيا تبقى ضلمة ويبقى النور ضعييف.

وبعد ماتحطها فى البانيو تكسر قلم يونيبول حبر أحمر وتطرطشة على البانيو وعلى الحنفية

ممكن تسجيل صغير وتعملة سلك لغاية الصالة وتحط شريط تكون مسجل فية صريخ من اى فيلم رعب وأول لما يكتشف الجثة توصل الكهربا للتسجيل عشان الساوند أفيكت يشتغل

يعنى شوية أفتكاسات كدة كانت هتخلى الموضوع مدمر

وعلى رأى تنظيم الأسرة
أســأل أستشـــير

تعييييييش المقالب
بس مقولتليش..أنت فين فى الكويت
ممكن نعمل كوكتيل مقالب حلو

كراكيب عادل يقول...

اباصيري

يخرب عقلك موتني من الضحك لا لا دنا كدة وكنت خايف يا عم الناس ممكن تموت بس اوعدك لما الاقي الشخص المناسب هقطعلة الخلف هههههههههه

حلوة التوصيلة دي وقلم الحبر هههههه

جريمة كاملة

انا في السالمية ليه هو انت هنا ولا اية انا اعرف يا مراكبي هنا وكلمتة

الأباصيرى يقول...

مش قولتلك عايزين تبادل خبرات وهنبقى زى الفل

أنا جنبك فى خيطان وقريبا إلى السالمية

أبقى ضيفنى عندك
hot_dot83@hotmail.com
hot_dot83@yahoo.com

والنبى ياعم شيل الـ
word vertification

أميرة ويلز يقول...

هههههههههههه

انا بعد ماخلصت ضحك ع الموضوع


ضحكت على تعليق اباصيرى عايز تبادل خبرات عشان تخربوها انتوا الاتنين


كويس ان مكانش فى حد قلبه خفيف كان مات فى ايدك

متشكرة اوى على زيارتك الرقيقة لمدونتى

تحياتى ليك

كراكيب عادل يقول...

اميرة ويلز

اه بتوع المقالب لازم يتجمعو احنا قريب جدا هنطالب بنقابة قريب جداا هتسمعي اخبار من الكويت وهتبقي علي مستوي عادل واباصيري

تحياتي

سلسبيل يقول...

هههههههههههههههههه
حرام عليك انت غاوي مقالب كده علي طول
مره ديل معزة ومره مانيكان
تنفع مخرج افلام رعب تصور

كراكيب عادل يقول...

سلسبيل

لا طبعا مش علطول دة اغلبة زمان بس في نهاية الاسبوع ممكن ةةةةةةةة

مخرج ورعب ممكن بس انا عايز ابطال خوافين

فية عبارة عندك في بوست من بوستاتك بتقول عيونك بقيت زي التانين بتقسي


هروح عندك تاني
تحياتي

هيثم ابوعقرب يقول...

والله يا معلم عادل انت معلم بجد
عكلت المقلب في الكل
وحلوه اوي حته الاخراج
اللي بتغره مع كل ضحيه جديد
شكلك بتحب حلقات
canded camera
الاجنبي
علشان العربي بتاعتنا مضروبه
زي الفل والنبي يا اسطا

كراكيب عادل يقول...

هيثم ابو عقرب

لا والله مش بشوف الحلقات دي بتجي بظروفها واحلي حاجة انها بتكون حاجة في وقتها


بس ايه يا عم الكلام الكبير الي عندك دة في المدونة انت محترف يا باشا

غير معرف يقول...

هاي عدوله انانيس هيرت ممكن تضفني عاوزاك في حاجه مهمه
جدااااااااااااااا
nice_heart852000@yahoo.com

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول