الحياة .... الوان من تاني

هرجع لكم تاني .... ومحمد هيكون اول خطوات رجوعي للتدوين من تاني .... وحشتوني كلكم

امتداد

قالوا زمان ان الصورة مخزن صغير لمعلومات كثيرة لم اجد ما يكتب هنا لاعبر عنة اكثر من الصورة نفسها

نظرة رضا ونظرات اخري من الرجل لابنة الذي سوف يخلفة في صناعة الخبز ....... وتستمر الحياة

عكس عقارب الساعة

وانا بصورها تخيلت الوردة ساعة والنحلة عقاربها ... وهي بتلف عكس عقارب الساعة وكانها بتسبق الزمن

عارفة المطلوب منها بالظبط ... وقارنت بين الاجازات الطويلة دي ... ومدي حبنا احنا البشر في الانتاج

ياتري لية بنحب الاجازات ؟؟ واية معني الاجازة لكل واحد فينا ؟؟

عالمك سحري ومجنون

دخان وخيال . وفكرة في لحظة تتهد .. وناس بتحب .. وناس تطلب بس الود

عالمك دة سحري ومجنون .. بيفكرني بمشعوذ نصاب عامل لة دقن .. انا كمان اقدر

اعمل من الدخان .. بيت وستاير ومخدة حرير .. والي يصدق يبقي . بالكذب مفتون

بكرهك من كل قلبي

ليلي الي اتكسر يتصلح ؟؟

صورة بالابيض والاسود .. مفيش الوان .. زي ما نورها انطفي وانكسرت .. والي الي .. لة لي لي .. ميكسرهاش

محاولة لمحاكاة الطبيعة !!!!

محاولة لمحاكاة منظر طبيعي.... في لوحة ..كان من رسمة يحاول ايضا ... .. بالظل والضوء

وجعلت من صورتي ... مشاركة .... ويبقي ما في داخلي سر ... كما رفضت هي البوح بة !!!

حظي مال !!!!!!!

والمال مال ... ومش عارف الي حظة من مال ... يفرح ولا يشكو الحال ؟؟؟

ليس للبيع ولكن للاهداء !!!

كل سنة وانتوا طيبين ..... وبخير ... وقلوبكم عامرة بالخير ... دي صورة العيد

تحديث

تم اضافة الصورة بالابيض والاسود وفية اختلافات واضحة

عفوا ان القلب المطلوب لا يمكن الاتصال بة الان

اختنقت في بعدك وطفت شموعي .... ثم فرحت بوهم ابث بة همومي لطيف غيابك الذي اخرس مني كل شئ

فهروبي لم يفي بالوعد ان يطفئ تلك النيران بين ضلوعي ......

اللهم تقبل منا رمضان

اللهم تقبل منا رمضان وان تغفر لوالدي وبشكر كل انسان وقف جنبي ومبارك عليكم الشهر الكريم

وفاة والدي

توفي والدي بتاريخ 21 - 5 - 2008

اسئل كل من يدخل الي هنا في يوم من الايام انا يدعو لة بالرحمة

تلاضم جاية من لضم يعني

يالا نتلاضم ..... ولو معرفناش نتلاضم يبقي نتلامض ....ونفك الخيط الي ربطنا ... ونتدحرج ...بس مش من حقك تسأل رايح علي فين !!!!

هدوء مؤقت

هناك حيث تسكن الاحلام وتظل حبيسة لا يوقظها الا من يشتهي الحزن تارة او من يعبث بالخواطر

بالرغم من انك قد رحلت ومرت سنوات علي وفاتك لا تزال تحتفظ بنفس الملامح ونفس الابتسامة

سكنت الاحلام هنا وانا من ايقظها بصورة من مكانك المفضل ولكن الغريبة انها تشبة نفس الاحلام

ونفس الهدؤ المؤقت ............

صقيع بطعم الدفء

قديم هذا الشجن قديم جداااا قديم حتي لو كان من صقيع ولكن بالنسبة لي دفء اعترف انني احترف الشجن ومعة الانتظار ..... وانا الان اكتب القليل وما تيسر من الشجن

تتوارد في ذاكراتي صور كثيرة من الماضي وانا اجتمع مع اطفال من هم في سني نلعب ونجري

وكل مرة تذكرني تلك الصور بالماضي الذي عبثا استطيع ان اعود ولو للقليل منة كل شئ تغير

اعترف انني اريد ان اهرب من تلك البرودة التي تلازم ملامحي وعندما استطيع الهروب منها

اجد البرودة تسكن في كل شئ الا انا ..... وهكذ مرت الايام وانتهي الشتاء وعدت

لاجد حرائق الشجن تلتهم كل شئ مع قدوم الصيف التقطت تلك الصورة عزاء لي وذكري من موسم المطر

من وحي غروب

اعمي البصر لايحتاج لنور الشمس فمن البديهي ان لا يحتاج لنور المصابيح بالنهار

واعمي البصيرة يسكن الظلام في داخلة ومن البديهي ان تتساوي معة جميع الانوار

اختار ما يحلو لك

سجن ينتهي باعدام .......ام سجن يحبسك في داخلة .....او يحبس الخارج عنك ..... ام حياة عدم تحياها .....ام

ما تفعلة اشد تعقيدااا وايلامااا....... فقط بالايمان تحيا وتحلو ايامك

مجهولة النسب ...

كل ما اردتة وهم .... فصلت الامر علي مقاس دهشتي ...اردتها ان تنتمي الي سلالة البني غير معلوم ... ولكن علمت بعد فوات الاوان ان ضحكتها دائما تنتهي الي سراب ....

انا ضدك وانت ضدي

اانا ضدك وانت ضدي بس اية يمنع اننا نكون اصدقاء ؟؟

تحديث

اعتذر عن عدم الرد علي التعليقات في البوست السابق وعدم متابعة مدوناتكم لفترة مؤقتة لعدم تمكني من

دخول الشبكة العنكبوتية ليلا حلوة عنكبوتية دي باختصار لغاية ما ادخل اشتراك في الشقة الجديدة اة فية صور جميلة في المدونة التانية زي قصة مصورة تعالو بقي اتفرجوا اللينك يمينكم اهو

احتياج جارف

مؤلم ان احتاجك ولا اجدك وان احبك ولا اكون معك

رؤس قابلة للاشتعال مرة واحدة

مجرد نقاش او اختلاف

اشتعال وتصاعد وحسرة وعالم بتتفرج


نتيجة حتمية وولعت الافكار واطاحت بالرؤس

انتهت مهمة الشجعان بس يا تري دي شجاعة ودي حلول اصحاب العقول ؟؟؟

اقلام من مكتبي بس خايفين من الخط

وحشتوني جداا وبشكر كل الي سئل عني وهفضي وارد علي كل

التعليقات

مضغوط في الشغل شوية

الصورة دي لسة حالا مصورها

لوحة مرسومة ومسموعة ومكتوبة للعندليب

اللوحة رسمتها بالوان الزيت واصعب انواعة البورتيرية

وفيها نقطتين تحدي هسيبكم تعرفوهم وتقروا الكلام وتسمعوا الاغنية

فينك يا عبد الحليم تنقذنا من صعاليك الفن

اي دمعة حزن لا لا لا لا لا ... اي جرح في قلب لا لا لا لا لا ... اي لحظة حيرة لا ... لا لا لا لا حتى نار الغيرة لا ... لا لا لا لا لا ... عايشين سنين احلام .. دايبين في احلى كلام .. لا عرفنا لحظة الم .. ولا خوف .. ولا خوف من الايام قلبي دق دق دق ... دق .. قلت مين عالببان دق ..؟ قلي افتح ده الزمااان ... قلتلو يا قلبي لاء جاي ليه يا زمااان ؟ بعد ايه يا زمااان ...؟ من كام سنه قلبي و انا عايشين هناا .. من كام سنه من كاام سنه دنيا الهناا بضمناا .. من كام سنه وال ايه جاي الزمان يداويناااا .. من ايه جاي يا زماان تداوينااا ؟؟ ده الامل في عنيناا .. والفرح حواليناا حواليناا سأل الزمان و قال ايه غير الاحوال ؟ قلنالوو حبينااا ... و ارتحناا و انسينااا ... الجرح بتاع زماااان ده احنا حبيناا .. اه حبينااا وارتحنا و انسيناا .. الجرح بتاااع زمان احنا حنا ... احنا اللي امناا للزماان .. احنااا وحنا حنا .. احنا اللي خد منا الامان وجرحناااا احنا احنا .. احناا اللي طواعنااا احناا .. و عمرو في يوم ما ريحناا لا ملامه علينا لا ملامه .. ده تعبنا و دبناا ياماا وما نادينا عليه يداويناا .. عمره ما فكر في يوم يجيناا و ادينا عايشين و بقينا عاشقين ... لا جراح في قلوب و لا دمع حزين .. ولما دق الحب بابنااااااااا ... الربيع نور شبااابنااا وفي ليلة مش ناسيهاا .. سهران الفرح فيهاا جاني الزمان و معااه .. هدية فرحت بيهاااااااا حبيبي الاولالالالالاني .... سافرت كتير معااه .. كتير كتير معااه في احلام في هوااااه ... كتير كتير معااااه سقيتو من حناني .. و بنيت معااه اماني .. وقلت يا دنيااااااااا .. تديني عمر ثاني .. وصحيت على العذاب .. لقيت الفرح غاااب و الحب يا عين داب ... اتاري الزمان كذاب .. وقدرت يا زمااان .. في رحلة النسيااااااان انسى اللي كان و ارتاااااح ... وابعد عن الاحزااان شوف يا قلبي شوووف .. شوف الدنيا قلبي .. حلوة حلوة ازااي بالحب يا قلبي .. عمرك شفت قمر سهراان ... غير للعشااااق ولا نجمه جاايبة كلامة .. غير للمشتاااااااق كل العاشقين زيناااا عايشين .. لا جراااح في قلوووب ... ولا دمع حزين .. وال ايه جاي الزمان يداويناااا .. من ايه جاي يا زماان تداوينااا ؟؟ ده الامل في عنيناا .. والفرح حواليناا حواليناا سأل الزمان و قال ايه غير الاحوال ؟ قلنالوو حبينااا ... و ارتحناا و انسينااا ... الجرح بتاع زماااان

تحديث

حطيت صور جديدة في البلوج التاني علي يمينك اللينك

من وحي شمعة وشموع الافراح ...والنور

مساء الخييييير مساء النور والحب مساءكم كلة افراح وشموع

وانا بصور الشمعة دي جات في بالي افكار كتير عن ارتباطنا بالشموع

يعني لما طفل بيتولد بيقيدوا شمع ولما بنحتفل بعيد ميلاد بنقيد شمع

وبعدين نخلوا المحتفي بية يطفي الشمع وبعدها تهليل وهيصة وتصقيف

ولما حد بيتجوز لازم من الناحيتين يكون فية شمع والمرة دي شمع طويل

ولما بنفتكر الرومانسية نلاقي الشمع جة في بالنا انا بحب الشمع يا جماعة

طيب لية انتوا متكونوش زي الشمع مش قصدي تولعوا في نفسكم نار يعني

انا قصدي تجيبوا مادة سريعة الاشتعال الاول اية الي انا بقولة دة قصدي

لو كل واحد ووحدة اقتبس من الشمعة نورها وكان لاقرب الناس لة نور

امل تفاؤل مش لازم انور الدنيا كلها بس حتة صغيرة بدل الظلام واليأس

ابتدي بنفسي وبعدين اقرب الناس لو كل حد عمل كدة هنلاقي حجات كتير اتغيرت

خلينا زي ما بنحتفل بحجات كتير نفتكر الشمعة شمعة افراح شمعة نور

من غير سبب مش عارف لية عندي امل !!

زي الطيور دي الي صورتها و ثقتها بان ربنا هيرزقها من قلب

البحر دة انا عندي امل ان حجات كتير هتكون احسن

فقط هي دعوة للتفاؤل

اوهام للبيع وهرتلات وارهاصات مغترب

اليوم هحكيلكم حكاية الزلعاوي ...اة الزلعاوي اسمة كدة راجل دايما غامض الناس كلها تتكلم معاة وهو يرد بالقطارة دايما ... يراقب الناس من بعيد بس ابدا ... مكانش بيعمل زيهم الزلعاوي جاب زلع فخار وعباها تراب وركنها في المحل الي ورثة عن والدة ووالدة عن جدة وكل واحد فيهم كان لة نشاط مختلف الزلعاوي محلة وسط السوق والناس حوالية كلها بتبيع حجات مهمة جداا اكل وتمور

واواني فضة ونحاس وملابس وخضار وفاكهة ... وحتي جواري وعبيد ... مهو دة ايام زمان افهموني يا جماعة في يومكم دة الي كلة تراب في الجو

المهم في اليوم المرتقب قعد الزلعاي وقدامة زلع الفخار الي مليانة تراب والناس تروح وتجي وكل الناس مستغربة اية الراجل الاهبل دة .. ومنهم الي يضحك ومنهم الي يسخر منة ... دة حتي فية منهم كان بيحدفة بالطوب ... وهو ساكت ومن غير كلام .... ومرت الايام والزلعاوي يجي الصبح يفتح المحل ويحط الزلع المليانة تراب .... وفي اخر اليوم يدخل الزلع في المحل ويقفل ولا باع منهم ولا واحد .... لغاية ما في مرة من المرات جالة واحد ... من المستغربين دول وسئلة يا زلعاوي بتستفيد اية من الموضوع دة طيب شوفلك حاجة تتباع والناس تستفيد منها حاجة تتاكل او تتشرب

او تتلبس حتي ... رد علية الزلعاوي وقالة ... شوف عايز تشتري اشتري مش عايز امشي الراجل قالة طيب لو انا اشتريت هعمل اية بالزلع التراب دي .... الزلعاوي قالة ولا حاجة انا هجي تاني يوم واشتريها منك بضعف الثمن الراجل استغرب جداا وقال اما اجرب واشتري المهم اشتري زلعتين منة وكان تمنهم عشرة دراهم وراح البيت ونسي موضوع الزلع خالص ... تاني يوم الباب بيدق راح الخادم فتح الباب لقاة الزلعاوي وجاي ياخد الزلعتين بعشرين درهم الراجل استغرب وقال يالا وانا هعمل بيهم اية دنا كنت بس بشوف واجرب الزلعاوي دفع الفلوس واخد الزلع ... الراجل بعد ما مشي وهو بيفطر سئل نفسة دة موضوع مربح جداا انا اخد حاجة بسعر وتاني يوم تكون بضعف السعر اما اروح اكرر التجربة وراح السوق واشتري 10 زلع وتاني يوم جة الزلعاوي وبرضو دفعلوا فيهم ضعف السعر وكرر الراجل التجربة ... مرة تالتة وعلشان طبعا الاخبار مش بتستخبي اتسربت الاخبار

والناس عرفت ان الزلعاوي بيبيع الزلع دي وتاني يوم تكون بضعف التمن الكل حب يجرب وراحت الناس تشوف وتسئل وتزاحم والزلعاوي يبيع ويبيع والناس تخزن في الزلع وبعدين الناس الي في السوق كلهم شالوا بضايعهم المهمة جداا وحطوا زلع التراب واصبح السوق كلة زلع مليانة تراب وناس بتبيع وتشتري والزلعاوي يبيع ويبيع لغاية اما كل الزلع من عندة خلصت وكانت عدد هائل وجة يوم الزلعاوي مراحش السوق ياخد الزلع بضعف السعر كالعادة . بعد ما وصل سعر الزلع لاسعار جنونية وكل يوم تزيد وتزيد وهي اصلا متساويش حاجة.. وانتظرت الناس يوم يومين تلاتة وقرروا يروحوا يسئلوة فينك يا عم ... لية مش بتيجي السوق دحنا حالنا وقف رد عليهم بنفس الهدوء بتاع زمان .... انا خلاص غيرت نشاطي ومش هبيع ولا اشتري زلع .........وبكدة انتهت قصة

الزلعاوي بس هي لسة مستمرة في الواقع ياتري انا بقصد اية بالقصة دي يا جماعة ؟؟؟؟

ملحوظة مهمة جداا: الزلعاوي ساب مضارب بني شعبوكا بفيزا مضروبة وهج

لو انت عصفور بتنظر من هنا لبرة هتشوف اية

عبء الاقوات حني ظهري