مساء الخييييير مساء النور والحب مساءكم كلة افراح وشموع
وانا بصور الشمعة دي جات في بالي افكار كتير عن ارتباطنا بالشموع
يعني لما طفل بيتولد بيقيدوا شمع ولما بنحتفل بعيد ميلاد بنقيد شمع
وبعدين نخلوا المحتفي بية يطفي الشمع وبعدها تهليل وهيصة وتصقيف
ولما حد بيتجوز لازم من الناحيتين يكون فية شمع والمرة دي شمع طويل
ولما بنفتكر الرومانسية نلاقي الشمع جة في بالنا انا بحب الشمع يا جماعة
طيب لية انتوا متكونوش زي الشمع مش قصدي تولعوا في نفسكم نار يعني
انا قصدي تجيبوا مادة سريعة الاشتعال الاول اية الي انا بقولة دة قصدي
لو كل واحد ووحدة اقتبس من الشمعة نورها وكان لاقرب الناس لة نور
امل تفاؤل مش لازم انور الدنيا كلها بس حتة صغيرة بدل الظلام واليأس
ابتدي بنفسي وبعدين اقرب الناس لو كل حد عمل كدة هنلاقي حجات كتير اتغيرت
خلينا زي ما بنحتفل بحجات كتير نفتكر الشمعة شمعة افراح شمعة نور
.jpg)
