13‏/05‏/2007

من وحي شمعة وشموع الافراح ...والنور


مساء الخييييير مساء النور والحب مساءكم كلة افراح وشموع

وانا بصور الشمعة دي جات في بالي افكار كتير عن ارتباطنا بالشموع

يعني لما طفل بيتولد بيقيدوا شمع ولما بنحتفل بعيد ميلاد بنقيد شمع

وبعدين نخلوا المحتفي بية يطفي الشمع وبعدها تهليل وهيصة وتصقيف

ولما حد بيتجوز لازم من الناحيتين يكون فية شمع والمرة دي شمع طويل

ولما بنفتكر الرومانسية نلاقي الشمع جة في بالنا انا بحب الشمع يا جماعة

طيب لية انتوا متكونوش زي الشمع مش قصدي تولعوا في نفسكم نار يعني

انا قصدي تجيبوا مادة سريعة الاشتعال الاول اية الي انا بقولة دة قصدي

لو كل واحد ووحدة اقتبس من الشمعة نورها وكان لاقرب الناس لة نور

امل تفاؤل مش لازم انور الدنيا كلها بس حتة صغيرة بدل الظلام واليأس

ابتدي بنفسي وبعدين اقرب الناس لو كل حد عمل كدة هنلاقي حجات كتير اتغيرت

خلينا زي ما بنحتفل بحجات كتير نفتكر الشمعة شمعة افراح شمعة نور

هناك 124 تعليقًا:

بحبك يا مصر يقول...

تصدق أول مرة أخذ بالى من أن الشمع يعمل كل ده

بس بجد دعوة جميلة من شخص أجمل .. أحييك
ربنا يديم عليك نعمة التفاؤل يا رب وتفضل متفائل على طول

صاحب البوابــة يقول...

افكارك جميلة

وارتباطنا بالشمع فعلاً غريب

تحياتي عزيزي

Sampateek يقول...

الوان النص جميلة و مضيئة و الصورة دافية و مشعللة

ننور منورش ليه

:)
انما اية موجة التفاؤل دي انت بتحب و لا اية
ار و اعترف

Mohamed A. Ghaffar يقول...

مش عارف

Hannoda يقول...

الصورة جميلة قوي

والأجمل منها دعوتك يا عادل

إنت عارف؟؟ ... كان فيه حد قاللّي إني شمعة بتتحرق عشان اللي حوليها.. زماااان كان الكلام ده

ولحد غنهاردة الحد ده مازال شمعة في حياتي رغم إني انطفيت بالنسبة له من زمان جدا


دايما صورك و تعليقاتك بتنكش في ذكرياتي على فكرة

safa7_karmooz يقول...

ياااه كل ده من شمعه واحده ؟؟؟

ممكن برضه...فكرة على فكرة يا عادل..

سير...واحنا وراك...

على ضوء الشمعه ;)

يا مراكبي يقول...

حلو قوي قوي عنوان البوست .. إحساس عالي بجد

حتى كمان موضوع إننا نكون شمعة للآخرين .. موضوع أنا بأشجعه جدا .. إعمل الخير وما تستناش المقابل .. دايما خليك واثق إن ربنا هيعوضك عن كل خير تبذله .. وإن ما كانش في الدنيا هتلاقيه في الآخرة

تحياتي

loumi يقول...

حاضر يا عادل حنولع فى نفسنا لو هو ده اللى حيزيد تفاؤلك:):):):)
جميل ان يكون كل منا شمعه تضىء فى حياة الاخرين ومش لازم الاخرين دول يكونوا كتير لو كان انسان واحد حيعمل تأثير برضه بس بشكل عام اللى بيضىء حياة شخص بيبقى عنده الاستعداد انه يضىء حياة كثيرين.

Esmeralda يقول...

بس مين يستاهل

انت قصدك ايه ان دافيد بيصيت لى

هو عمل ايه؟؟

و بعدين انا بقول كلام و السلاااااااااام مش كلام و خلاااااص

نركز بقي شويه

انا بحب الصور اواواواواويييييي

REEMOO يقول...

أجمل ما فى الشموع
إنها ممكن تكون خافته جدا
لكنها بتنور كل اللى حواليها
الصوره جميله
تحياتى

bastokka طهقانة يقول...

يا حبيب انت
شموع
و تورتة
و سبوع

الف حمدله على السلامة
اوروفوار

أمــانــى يقول...

السلام عليكم
ايه الكلام الجامد ده والله طلعت كراكيب من نوع خاص
بس تصدق انا الشمعة بتمثل عندى اشياء مختلفة ولما باكون عايزة اوصف شئ مش كويس اجيب الشمعة مثال سبحان الله طلع مخى ضيق اوووى
ربنــا يــكـرمك ياااااااااااارب ويجعل كل ايامك نور يا استاذ عادل يااااااااااارب آمـــــــــين
فعلا بشروا ولا تنفروا
لازم الواحد يكون امله كبير فى ربنا
تحياتى لحضرتك

توتة توتة يقول...

نسيت تقول ان احنا بنروح نولع لام العجايز و سيدنا الحسين كان شمعة

حلوة مساء الخييييييييييير دي
مساء الخييييييييييييييييير عليك يا سيدي

sendbad يقول...

مساء الخير
دي اول زيارة ليا في مدونتك عجبني اوي اسلوبك بالنسبة للبوست قالوا زمان لا تلعن الظلام ولكن انر شمعة تفتكر ممكن الشمعة تنور لينا طريقنا
تحياتي

شادي فايد يقول...

عايزنا نولع في نفسنا

ماسي

ماشي

:)

أحمد مختار عاشور يقول...

و احلى شمعة لأجمل كراكيب لأرق عادل
.......
تحياتى

رينـــــــــــا يقول...

الشمع دوما ما يحترق من اجل ان ينير طريق للاخرين

انا بحب الشمع وبحب اضاءته وتضحيته بنفسه

ياريت الواحد فينا فعلا يقدر يكون زى الشمع
تقبل احترمى لشخصك الكريم

Ma-3lina يقول...

يا سيدى على الرومانسية و المشاعر من امتى يعنى؟؟؟

ايه عيد جوازك قرب و بتفكر نفسك و لا ايه

الدمعه يقول...

انت عملت موضوع جميل وخالتني اخد بالي فعلا من الشمع هو مهم في حياتني فعلا ليه منخدش الشمع مثال لينا مثل ما قلت
بس فكرة حلوة فعلا
وبوست جميل من غير كراكيب
وعلى فكرة صورة الحصان الي بيجري دي خطيرة جدا ورمز كبير ليك
تحياتي على البوست

نقطة مية يقول...

احيانا حاجات صغيرة لما بندقق فيها بنلاقي ان قيمتها اكبر..موضوع ملفت

احييك

بياترتس يقول...

سبحان الله
انا كنت رايقه جدا ولما دخلت عندك رقت اكتر
الله عليك

david santos يقول...

Blogues puts all the MADELEINE photo in yours, a girl of 4 years of age that was abducted in day 4 in the Beach of the Light, in the Algarve, Portugal. They send the image of MADELEINE to all blogues of Morocco, Tunisia and Argel, thanks a lot

sabrina يقول...

حلو المود دة
go on!

koukawy يقول...

انا الشمعه بتحسسني اكتر لاتضحيه
لأن بحس انها بتموت نفسها عشان تنورلي لما الكهربه تتقطع

A.SAMIR يقول...

ممكن برضة اكون شمعة بس علسان تلسع اللي حواليها
تحياتي واحتراماتي

محض روح يقول...

ممممممممممم
مشاء الله بتشع تفؤال يارب ديما
احنا كبشر ديما بنحب الرموز
وعلشان كده بناخد الشمع رمز الرومانسيه او العطاء
وزيه زي الورد بالظبط

يمكن من وحي البوست
ومن وحي الشموع
وبرضه من وحي الأمتحانات
طلعت فكره غريبه في دماغي
كل واحد فينا عنده مش شمعه وحده حياته
لا شموع
بس اهم شمعه هيه الي موجوده جواه
ولو انطفت في يوم عمره ماهيحس
بنور الي حوليه

فهمتني

كلام لوجيك يقول...

تصدق بالله
انت مالكش حل
عجبنى جدا اسلوبك الغير تقليدي فى الكتابة
والموضوع نفسه جميل وكلنا لينا ارتباطات بيه
خالص مودتى

قناوية تعشق أسيوط يقول...

اهلا
ايه ياعم العظمة دي
علي فكرة انا بحب التصوير جدا جدا
لكن مقدرتش اعمل ده
فاتجهت للتصوير ع الورق
التصوير الشعري والقصصي
واهو الواحدة بتمشي حالها

بس علي فكرة طالما انت بتصور
يبقي في حاجة جواك مني
يعني ان شاء الله هبقي زائرة دائمة

gohayna يقول...

اهه انا فعلا محتاجه دلوقتي بجد شمعه تحترق جنبي علشان اشوف نفسي فيها

واحس بدفئها وانا هنا في الكويت

عادل انا بجد بشكرك من كل قلبي علي اهتمامك بالسؤا ل عليا


بجد الف مليون شكر

انت انسان اخلاق وسعيده بمعرفتك

تحياتي يا اخي العزيز جدا

محمد فوزي آل ربيع يقول...

أنا مش عارف لية الشمع مرتبط عندي بالنار و الولعة

شكلي حالة خاصة

هأروح أولع شمعة دلوقتي و أقعد مع نفسي أشوف إية الموقف اللي اتأثرت بيه في طفولتي خلاني أحس بكده

و هأحاول أزرع حب الشمع في قلبي

و الشمعدان كمان

و البسكوت بالمرة

تحياتي

شــــمـس الديـن يقول...

افضل التدوينات الخفيفة اللي فيها فكرة عالية

نكون زي الشمع

عارف
اغلب الناس تحب تاخد مش تدي

بس مجتمع التدوين علي فكرة قائم علي اساس نبذ الانانيين

لما حد بيتقوقع علي نفسة و مش بيدي للناس وقتة و يقرأ لهم و يسيب تعليق للي بيعجبة ... الناس بالتبعية بتنساه

اللي عايز ياخد لازم يدي

الناس لو اتعودت علي كدا في كل شئ ... حياتنا هتتغير و تبقي احسن

التدوينة معبرة و متأملة و جميلة
خالص التحية

ملحوظة

الصورة تجنن و خاصة صورة الطماطماية دي ... ملهاش حل

Tamer Nabil يقول...

دعوة جميلة

وتصوير الشمع والتحدث على لسانة رائع

ربنا يوفقك

تحياتى

bos bos يقول...

فكرة جميلة وموضوع أجمل
تحياتى

قصاقيص يقول...

كتير كنت بتعجب من هوايتي الغريبة وهي اني احتفظ بالشمع المميز في ذكرياته معايا او حتي شمعه من مناسبات مميزة في حياتي
بس بيتهيألي فهمت دلوقت:ان الشمع فلسفه واسرار قبل مايكون مجرد نور

shermen يقول...

زمن الرومانسية ولى وانتهى
وأصبحت الشموع تمثل لنا بصيص الأمل
والطريق المنير بالضوء حتى لو كان الضوء ده عباره عن نار
سبحان الله

عاشقة الوطن يقول...

الله على الشموع
الله على رأيك بان كل واحد يبدأ بنفسه

كلامك رائع جدااااا ياعادل

وأكيد لازم كل واحد فينا يبدأ بنفسه من التغيير للأصح واللى مفروض عليه

شكرا ليم على البوست الجميل ده

وربنا معانا ونقدر نتغير للأحسن

ياسمين يقول...

أن تشعل شمعة خيرا من أن تلعن الظلام

انت الان تشعل شمعة وتدعونا ان نفعل مثلك وألا نلعن الظلام
تحياتى

أحمد سلامة يقول...

والله دعوة جميلة يا عادل
تقدر تسميها دعوة الي النور
ومش اي نور
ده نور الشمع البكر
النظيف
بس المهم نحول قد ما نقدر نبعده عن تيارات الهوا الشديدة
وفي نفس الوقت من غير ما نكتوه لا ينطفي
:)
فكرة احييك عليها يا صديقي

Yosif يقول...

"كل واحد ووحدة اقتبس من الشمعة نورها وكان لاقرب الناس لة نورامل تفاؤل " ..كلامك جميل يمكنه تفعيل مشاعرنا الجميلة المخبوءة أو المكبلة و انعاشعا من سباتها .. لكن للاسف .. هل يخلقها لو استبدت بنا نفوسنا الضيقة و قتلت بداخلنا كل وميض ؟؟..
لي نظرة متواضعة في الصورة نفسها .. يخيل الي ان مسافة التصوير قريبة لو انها زادت قليلا لكانت الصورة اروع و اقوي سحرا و تاثيرا .. أقصد لو فتح المجال اكثر للوهج الفياض .. تحياتي

bocycat يقول...

حلوة حكاية الشموع دى بس تفتكر ممكن حد يكون زى نور الشمع لحد تانى ؟؟ جايز لفترة قصيرة اوى بس ما حينوبنا انه حيبقى جوانا شوية امل وفجأة يضيع ومنلاقيهوش .. وبصراحة كمان انا بخاف من حكاية حد ماسك شمع ورا العروسة وجنبها وخصوصا اما يكونوا اطفال يعنى لو وقعت الشمعة على طرحو العروسة او فستانها ده مش حيبقى فرح ....؟؟؟ بس فى النهاية انت بجد تصويرك رائع وبيعجبنى وعلى فكرة انا بحب اوى الصور الزيتية اللى فيها اشخاص مش عارفة انت بترسم كمان وللا لأ ؟ سلام

كراكيب عادل يقول...

كل تعليق من تعليقاتكم بيولع لي شمعة لغاية اما خلاص قربت اولع

ولعوا كمان شعللوها

متابع انا

بكل حب

بكل حرارة

نسرين - أمة الله يقول...

السلام عليكم
كراكيب ايه بقى
ده كلام مفهوش كركوبه واحده حتى
كلام فعلا جميل
يعنى الواحد بيكون فى مود معين بيدخل عندك بيتغير كل الاحاسيس اللى عنده
ربنا يخليك للغلابه المتنكدين وتديهم كده امل دايما

ريما يقول...

طيب لية انتوا متكونوش زي الشمع مش قصدي تولعوا في نفسكم نار يعني


ههههههههههههههههههههههههه

عندك حق والله وفكرة البوست تجنن

Sampateek يقول...

لسة الشمعة مولعة؟
طيب التورتة فين؟
:)

Blank-Socrate يقول...

اهلا عادل
فى اول زيارة شمع
انا مدمن شمع
دايما لما احب احس ان لسه فى امل او حب بأولع شمع
مرة كنت متضايق ولعت 41 شمعه ارتحت بعدها :)

كراكيب عادل يقول...

بحبك يا مصر

اظرف شئ اني القي اول تعليق اسمة بحبك يا مصر وكل ما افتح القي الكلمة دي علشان كدة البوست دة وتعليقاتة كانت فيه الجملة دي علامة وانت الي حطتها اول تعليق الشمع واي حاجة بسيطة ممكن تعمل حجات كتير المرة الجاة خد بالك وفي طريقك للبيت خد شمع وهيص

تحياتي

كراكيب عادل يقول...

وصاحب البوابة

تسلم يا صديقي العزيزة والشئ المرتبطين بية مهما كان بسيط ممكن

نعزز محبتنا لية او نعبر عنة

تحياتي ليك

كراكيب عادل يقول...

احلي سمباتيك


كلمة الصورة دافية دي معبرة جدااا

الشمع فعلا فية دفء غريب مع اضاءة هادية

والوان النص من ايحاء الدفء دة

كلنا بنحب وانا معترف من غير كلام

هههههههههههههه

تحياتي

كراكيب عادل يقول...

محمد عبد الغفار

مش عارف وكلام الاذكياء الذي نفهمة بالايحاء مثل الشموع تشع ولا تعرف انها تنير ما حولها

تحياتي لاحلي مش عارف

:)

كراكيب عادل يقول...

هنودة المصرية جدااا

انا بستني منك كلمة انت عارف ؟؟

وعلامتين الاستفهام دول

بحس ان بعدها هسمع احلي كلام

من انسان تهتم بالتفاصيل وتعشق
الاماكن وتحن للاصالة

ربنا يخليك علطول شمعة لمن حولك
وتجي هنا كل مرة تنوري بتعليقاتك
المضيئة والساحرة

كراكيب عادل يقول...

سفاح كرموز المرعب

طبعا انت مش عايز غير شمعة شكلك ناوي علي عملة سودا في الظلام

لازم كل واحد يولع شمعة يا اما ميمشيش في المسيرة

هو انا بس الي هولع لا يا عم السفاح يفتح اللة

كراكيب عادل يقول...

يا مراكبي واحلي مهندس احمد

كلامك الناضج و فعلك للخير فعلا بدون انتظار المقابل ارقي انواع العطاء

الاحساس العالي جزء من شخصيتك المحبوبة لكل من يعرفك ويعرف افكارك

تحياتي

كراكيب عادل يقول...

لمي

احنا مولعين خلقة مش واخدة بالك انتي الظاهر بس النار جوة

الشمع النار برة هههههههه

فكرتيني بنكتة يالا هقولها وخلاص

بيقولك واحد راح بلد غريبة وشاف كل العربيات من غير حصان بيجرها وهو متعود يشوف اكتر حاجة حنتور او عربية كارو المهم استغرب خالص واحد صاحبة فهمة وقالة هنا الموضوع عندهم بيختلف اصل الحمار جوة مش برة زي عندنا هههههههههههههه

فعلا اي بيحب ميعرفش يكرة والي ينور لحد هينور لناس كتير

تحياتي الا هو اية احسن دوا كحة ؟؟

كراكيب عادل يقول...

ازميرلاد خفيفة الدم

نوري انتي بس وهتلاقي الي يستاهل جة علي النور زي الفراشات بس قبلها علطول طفي النار لحسن يتحرق

كانوا زمان بيقيسوا الكرم باشعال النار طوال الليل لجذب الضيوف

وغيرنا الاسم يا ستي ولا تزعلي قال يعني هتفرق كتير من خلاص للسلام

واحلي سلام لازميرلاد

كراكيب عادل يقول...

ريمووووو الرقيقة الحالمة

سر الشمعة في الضوء الخافت زي ما البنت سرها في ضعفها ورقتها

دايما انا بقول قوة المرأة في ضعفها

والشمعة كدة سرها في ضعف ضؤها

تحياتي ياريموووو

كراكيب عادل يقول...

طهقانة الي معتقدش انها طهقانة خالص

حمدللة علي سلامتك انتي علشان عرفتي تخرجي من المنور

ههههههههههههههههه

تحياتي

كراكيب عادل يقول...

اماني بنت الجنوب الاصيلة

ممكن برضو تتعمل مثال مهي ممكن تلسع برضو وتحرق بس احنا بناخد الجانب الحلو فيها لكل شئ اكيد حاجة حلوة وحاجة مش حلوة

ربنا يكرمك يا رب وبعدين انتي مخك كبير مش ضيق وروحك حلوة

شكرااا لدعاءك الجميل امين يارب

كراكيب عادل يقول...

توتة توتة

لا منستش اننا كنا قصدي الغالبية مننا كانت

تروح تولع شمع وتندر ندور للاضرحة بس دة مش جانب مشرق للشمع علشان كدة مذكرتوش لاني مش بحب الحجات دي بعتبرها شرك اصغر التمسح في الاضرحة والتبرك بها

من مخلفات الفاطميين

يالا ادي انتي جبتي سيرة هههههه

بس اوعي تكوني منهم مع اني معتقدش

ومساء الخيييييييييييير

كراكيب عادل يقول...

سندباد

الرحالة والذي جاء لاول مرة مدونتي شرفتنا

طيب انت قلت شئ ونفيتة

نور شمعة احسن ما تلعن الظلام

وسئلت ممكن الشمعة تكفي

وانا بقول مش احسن من الظلام

مش هلعنة لاني كمان بحب الظلام لان لية جوانب جميلة احنا بنتكلم علي نور من نوع تاني اما الظلام بتاع الليل دة انا بعشقة

تحياتي يا سندباد

كراكيب عادل يقول...

شادي فايد

منا قلت مش قصدي

منستغناش عن الناس الحلوة ابدااا


تحياتي

كراكيب عادل يقول...

احمد عاشور الدماغ والكبير كبير

مقبولة الشمعة شكلها كمان معطرة

تسلم يا عاشور باشا

كراكيب عادل يقول...

رينا الجميلة

فعلا هو دة الشمع وامثلتة

ونقدر نكون زي الشمع علي الاقل محاولة
مادام عارفة الطريق يبقي هتوصلي

وقلب المؤمن دليلة

ربنا يوفقك

تحياتي

كراكيب عادل يقول...

ما علينا واحلي لماضة

كسفتيني ووشي احمر خالص

انا بحاول اكون رومانسي بس الظروف مش مساعدة وعيد زواجي لما هيجي هبقي اقولكم علشان تباركولي

تحياتي

كراكيب عادل يقول...

الدمعة ومش عارف اذا كانت دمعة حزن ولا فرح


منوراني اول مرة دمعة علي وزن شمعة

وتعليقك رقيق وشكرااا ليك بجد

تحياتي

كراكيب عادل يقول...

نقطة مية

رحت هناك لقيت معني نقطة المية القوي

الي ممكن تثقب الصخر مع مرور الوقت

فعلا حجات بسيطة ممكن تكون شي كبير


تحياتي برضو لاول مرة وضيوفنا الحلوين

تحياتي

كراكيب عادل يقول...

بياترتس

اهي دي احلي حاجة بتفرحني انا ان حد يقولي انة لما دخل هنا حصل عندة شعور حلو ربنا يديم الروقان عليك


تحياتي

كراكيب عادل يقول...

david santos

خايف ارد عليك تلزق في كفاية عليك اسمك اهو كتبتة بالانجليزي انك تملئني ريبة وشك

كراكيب عادل يقول...

صابرينا

احلي مود لاحلي معلقين دمتم لنا

هقو ان علطول متخافيش

؛)

كراكيب عادل يقول...

koukawy

مرحبا بصاحبة اجمل حكاوي

تعليق خفيف الدم ليس بغريب عليك

الشمعة بتموت نفسها علشان تنورلك هههههههههه لما الكهربا بتقطع

وممكن تموت نفسها برضو لو الكهربا موجودة

تحياتي وسلامي للكوكو الكميل

كراكيب عادل يقول...

A.SAMIR


اخ دة الجانب الصعب من الشمعة انت وصلت ازي لعندك طب حاسب حاسب

الي بيلعب بالنار يتحرق خلي بالك


هههههههههههههههههههه

تحياتي

كراكيب عادل يقول...

تعبت هكمل بكرة بئي



:)

walaa يقول...

احساس جميل جدا .. ودعوة حلوة .. عارف احنا نبدء بنفسنا واكيد اكيد ساعتها نقدر نكون شيئ جميل لنفسنا ولايل حولينا

وفاكر بالظبط زي ما بتقول الغنوة "النور مكانه في القلوب ...

يسلموا يا فندم .. تحياتي

غير معرف يقول...

الشمعة نور ونار

رغم ان الشمعة رقيقة وضعيفة لكن الى يقرب من نورها تلسعو نارها

ودة دائما الى كان بيحصلي لما النور بيقطع واروح انور شمعة وامشي حتى اصل الى الغرفة في كل خطوة يسيح الشمع ويلسع يدي ومع ذلك استحمل علشان اشوف بنورها

بصراحة صورة معبرة حركت فينا مشاعر كثيرة الله معك

كراكيب عادل يقول...

محض روح الفيلسوفة الصغيرة الحالمة

رمز زي الورد صح الورد كمان لية علاقات كتير ومرتبط بينا جدااا
واحد عيان وبيموت في المستشفي ناخد ورد

ونحطة جنبة واصلا هو ولا شايفة فكرتيني بفيلم الناظر لما ابن الناظر جالة في المستشفي وجايبلة ورد وهو بيكح وقالة جايبلي ورد وانا مفطرتش من الصبح يا ابن الجزمة هههههههههه

وحدة ولدت بنوتة ولد برضو بوكية ورد واحد طلع من المستشفي وراح البيت برضو ورد واحد نجح برضو ورد

واحد بيحب بئي يا سلام ورد احمر طبعا

وكل لون ولة معني خلونا كرهنا اللون الاصفر مش عارف ايه علاقة اللون الاصفر بالغيرة يالا ما علينا

والامتحانات بتخليكي تطلعي الدرر اهو

لكل واحد فية عندة شمعة جوة لو انطفت يبقي خلاص ملوش لازمة قصدك مش هينور لحد يعني في الحالة دي يجيب سلك عريان بئي ويخلص هههههههههه

بجد تعليقك جميل ودايما بينكشني كدة

تحياتي

كراكيب عادل يقول...

كلام لوجيك وحبيبي اسامة

انا حبيت رمز المدونة دة بتاعك مكتوب فية كلام لوجيك وبينور مع ان الصورة الاولي كانت اضاءتها عجباني جداا

والله كلامك دة خلاني هاخد مقلب في نفسي

يا عم راجع نفسك كدة ههههههه

تسلملي يا رافع معنوياتي يا صاحب الكلمات المعبرة وخاصة العناوين الي بتحطها دي بتشد والصور

تحياتي ومنتظرين جديدك متهربش

كراكيب عادل يقول...

قناوية تعشق اسيوط ودكتورة المستقبل دعاء


انا لسة مقريتش البوست الي قلتي علية بتاع عشق اسيوط دة هبقي اقراة يمكن احبها يارب

التصوير علي الورق بالكلام والحروف اجمل من الرسم الكلام افقة اوسع

الرسم بيحتاج حد يشرح ساعات الكلام بيشرح نفسة
وتشرفي في اي وقت يا دكتورة

واحلي هواريية

كراكيب عادل يقول...

جهينة وعندها تسكن كل المعاني


حمدلله علي سلامتك اولا والشمع في الكويت كتير لكن شموع الناس قليلة

كل واحد واخد في وشة هنا وملهي في شغلة
مفيش حد يقدر يتخيل الفرق بين مصر واي بلد غير لما يسافر ويجرب

عموما الكويت نورت
ويوم الخميس الصبح كان يوم شاعري جدااااا حتي ابقي روحي شوفي الصور في البلوج التاني

تحياتي وانا علي اتم استعداد لاي خدمة

جربي

تحياتي

كراكيب عادل يقول...

محمد فوزي وكمون وزنجبيل

بعد صورة المكتب بتاعك المنعكش دة

اكيد مش هتحب الشمع هههههههه

بس انا بحب جدااا موضوعاتك الي بتدعمها بالصور بحس بروح الشباب فيك

كلك تفاؤل يا محمد ربنا ينجحك ومتستعجلش هتعرف معني الشمع بعدين

وجيب شمع يا عم بس اوعي تولع في الدنيا
حبيبي يا محمد تحياتي

كراكيب عادل يقول...

شمس الدين ربة السيف والقلم بصحيح


انا بخاف ارد علي تعليقك لاني مش بديلة حقة ولما بروح مدونتك بلاقي نفسي عايز المدونة دي تكون كتاب

متداول بين الجميع الي ميروحش عندك يخسر معلومات كتير وفعلا كلامك في محلة الانانية مرفوضة في عالمنا الافتراضي دة

التعليق بيعرف صاحب المدونة ان حد قدر تعبة علي الاقل وهل هو هيستمر يتعب ولا لا بس بجد انتي تعبك في ميزان حسناتك

تحياتي

كراكيب عادل يقول...

تامر نبيل وافكارة الحرة

تسلم يا تامر

واحلي دعوة ليك في كل مرة

تحياتي

كراكيب عادل يقول...

bos bos الهادئة

الموضوع والفكرة منورين بزيارتك


وتعليقك كمان وانا بحب اشوف صورة الولد الصغير دة بريئة خالص

تحياتي

كراكيب عادل يقول...

قصاقيص مشاعر ومي الشاعرة

انتي كلامك في قصايدك كلة شموع

اية بجد دة انا مش بعرف اعلق هناك بلاقي نفسي مزبهل كدة بفوق القي نفسي علقت باي كلام واحتفاظك بالشموع ذات الذكريات لديك قمة في الشاعرية

ولا اخفيك انا بعمل كدة ولسة مش عارف اكون شاعري هههه

تحياتي

كراكيب عادل يقول...

شيرمين الهندسة كلها

زمن الرومانسية موجود بس مش كتير

بتلاقية يفتح زي الورد ويتقطف بسرعة

ويدبل الشمع وانارة الطريق
حتي لو نار فيها فلسفة

النار نعمة من نعم الله بعيد عن الجانب الصعب ليها بس هي دفا وحياة

بنعمل عليها طواجن تجنن او في الفرن

جربتي تعملي اكل لذيذ من غير نار؟؟؟

تحياتي

كراكيب عادل يقول...

عاشقة الوطن المصرية بجد

هقتبس من كلامك انا لانة جميل

وأكيد لازم كل واحد فينا يبدأ بنفسه من التغيير للأصح واللى مفروض عليه


كلام كبير كبير كبير

كل واحد يعمل الي علية ونشوف

صدقوني هتتغير حجات كتير

تحياتي لاحلي عاشقة وطنا

كراكيب عادل يقول...

ياسمين الفيلسوفة الغاضبة


وانا بقول فية عندي ريحة ياسمين في المدونة اتاري انتي هنا تعليقك المرة دي مقتضب رحت هناك لقيتك ماسكة الرجالة وبتسلخيهم انا خفت

هههههههههههههههه

سؤالك غامض كمان

انت عايزنا نولع شمع ولا نلعن الظلام؟؟

ولعي شمع ومتلعنيش حاجة اعملي الي عليك ومتنتظريش حاجة من حد

خليكي انتي الكبيرة يا زعيمة انتي

تحياتي

كراكيب عادل يقول...

احمد سلامة صاحب المزاج العالي


انا مش هلقي رد عندي غير كلامك الجميل

تقدر تسميها دعوة الي النور
ومش اي نور
ده نور الشمع البكر
النظيف
بس المهم نحول قد ما نقدر نبعده عن تيارات الهوا الشديدة

هرد اقول اية انا بعد الكلام دة

دايما مبدع حتي في تعليقاتك وقصصك وكل حاجة

تحياتي

كراكيب عادل يقول...

يوسف العميق

سؤالك محير

هل يخنقها لو استبدت بنا نفوسنا الضيقة و قتلت بداخلنا كل وميض ؟؟..

مش لاقي اجابة انا حيرتني بالسؤال دة

الله يسامحك


الصورة هحط صور تاني هتعجبك

وروح البلوج التاني هتلاقي طلبك

تحياتي

كراكيب عادل يقول...

بوسي كات السكرة

انا مت من الضحك علي اعتراضك ان حد يمسك شمع جنب العروسة


وانا مالي هو انا الي كنت عملت العادة دي بصراحة تحفة وانتي لابسة الفستان ومرعوبة من الاطفال دول وخاصة الصور هتطلع كلها صورة من الجنب علشان هتكوني بتتلفتي خلفك ههههه

انتي اعملي فكرة جديدة اعملي ليهم غطا قزاز هتبقي فكرة برضو

او جيبي عيال شاطرة

هههههههههههههههه

والرسم الزيتي برسم وفية لوحات هناك

بس لوحات الزيت محتاجة وقت طويل دي ممكن تفضل شهر علشان تخلص واقل حاجة يومين تلاتة لو كانت لوحة مركبة من مناظر كتير

بس فية لوحات هناك في البلوج التاني

فية صورة لعبد الحليم تحفة لسة محطتهاش قريب هحطها

تحياتي

كراكيب عادل يقول...

نسرين بنت الجنوب برضوو


الكراكيب جوة مش في المدونة كل واحد فينا نفسة بتحتوي علي حجات كتير

افراح احزان ذكريات امل شغل اسرة اصدقاء فوضي حجات من كل نوع حجات قديمة مركونة وحجات لسة طازة بكيسها

انا كل دة بسمية كراكيب بس مش وحشة

كراكيب نفساوية يا نسرين هههه

انتي تعالي بس وانتي هتبقي فل في المدونة

تحياتي

كراكيب عادل يقول...

ريما وجارة القمر


الا مفيش سكن للايجار عندكم عايزين نبقي جيران للقمر بتاعك دة

علي سيرة الايجار عمارتنا هتتهد ولازم نعزل من السكن دة :(

ادونا مبلغ محترم رشوة نسيب العمارة


الفكرة للبوست جات في اثناء التصوير

تحياتي يا ريما

كراكيب عادل يقول...

سمباتيك القلب الكبير


تورتة اية بعد ما كروتينا في المسلسل انا قلت مسلسل يعني تلاتين حلقة

يالا عموما احلي تورتة لاحلي سمباتيك

وهنخلي كل حاجة فيها خالي الدسم علشان السمبتكة

انا خسيت 7 كيلو وعايز ارجعهم تاني هههههههههههههههههه

تحياتي

كراكيب عادل يقول...

بلانك سقراط ودعوة للحب


اكيد ده كان عيد ميلادك

اعترف

اشمعنا 41 شمعة مينفعش 32

كراكيب عادل يقول...

ولاء المهاجرة


الاجمل ان الدعوة لاقت صدي عندك والاغنية دي لمين بس علشان اسمعها ؟؟

فعلا لو كل حد بدأ بنفسة هنتحسن خالص


مش ناسي انا موضوع السلحفاة دة

:)

تحياتي

كراكيب عادل يقول...

مجهول او مجهولة الاسم ومعروف الهوية


نور ونار والنور من النار

لما نتلسع من النار الي في الشمع ونستحمل بيفكرني بحاجة بتقول ضرب الحبيب زي اكل الزبيب انا بحب الزبيب لما يتحط علي الرز بلبن

الرز بلبن دة فكرني بنكتة برضو الافكار بتسحب بعضها ههههههههه

بتاعة البغبغان دة الي جالة ضيف ومش عارف يقدملة اية فطلب من مراتة تدبحة

ههههههههههههههههههههههه

انا شايفك بتضحك بس خلاص يبقي عرفتك تبقي مين يا لئيم

تحياتي لاحلي مجهول

bocycat يقول...

هههههههههههههه أنا اللى مت على ردك على تعليقى بصراحة مش هينفع انفذ اللى قلت عليه ده ورق قزاز ومش عارفة ايه أصلى اتجوزت من زمااااااااااان بس مكنتش خايفة من الشمع مش عارفة ليه اصلى كنت متاخدة ومش بفكر فى حاجة هههههههههههه انا مستنية حليم

كراكيب عادل يقول...

مدام بوسي كات

ههههههههههههههههههه

انا هرضي زمتك فية وحدة تكون اتجوزت من زمان وتسمي نفسها بوسي كات

والله ليك الحق تخافي من الشمع

باين عليك حكاية انتي

طيب لو جدعة وريني صور فرحك اشيل دراعي لو مكنتيش ملوحة فيها

هههههههههههههه

هحط عبد الحليم قريب ومبروك الزواج مش متأخرة اد اية بس مش مشكلة
:)

Xee يقول...

مدونه جامده جدا

و تعبيراتك و افكارك جديدة

تحياتي
زي

Hannoda يقول...

أنا جيت أمضي حضور و أشكرك على الإبتسامة اللي ملتني من كلامك

ربنا يخليك يا عادل .. وبعدين لما قريت ردك رجعن أدور على التعليق بتاعي لقيت نفسي فعلا كاتبة
إنت عارف؟؟

:))

فاستغربت
:)

كراكيب عادل يقول...

هنودة تاني

انت عارفة ؟؟

مش بس المرة دي

الكلمة دي في كل مرة

بس انا عايزك تخليها علطول

لكل واحد لة لازمة جميلة

بس كل فترة بتتغير من غير ما يحس
وتجي من غير ما يحس برضو

بس اية الحكاية انتي حطيتي البوست المثير للجدل دة واستخبيتي في الدرة ولا اية؟؟

تحياتي

كراكيب عادل يقول...

xee


حلوة زي دي

بس انا عرفت :)

اسمك زياد

انت كاتب نص الاسم كبير يا باشا

اجيبلك شومباكا

ولا ليمون

هههههههههههههه

تحياتي ونورتني لاول مرة

ساعه الغروب يقول...

مش عارفه بجد اقولك ايه؟


انا بجد بحب اوى الشموع وبترمز عندى لمعانى وحاجات كتير اوى

اوى

لا يسعنى الا شكرك بجد

و انتظر ان شاء الله انا ناويه انى اكتب بوست عن الشموع واللى بترمزه ليا


لمحه جميله اوى منك


شكرا ليك بجد بجد

:)

كراكيب عادل يقول...

ساعة الغروب روضيييييييي

قولي قولي كل الي عندك

:)

لو كتبتبي بوست عن الشموع هيكون

رائع منك

هبقي اجي اشوف عندك

ربنا يخليك ولو عايزة شمع صور نوصلة للمدونة يعني

تحياتي

قلوب حائرة يقول...

جميل اننا نكون زي الشمعة بس منكش على حساب نفسنا وخصوصا اني كتير بعيش قوي مع اى مشكلة لدرجة اني بحس اني صحبتها تحياتي

كراكيب عادل يقول...

قلوب حائرة

ومسمية نفسك قلوب حائر دة قلب مليان حب ودفا بيساعد الناس ومستقر كمان القلق مطلوب علشان علشان نكون فعلا مهتمين علي الشخص الي بنساعدة والا مكانش اهتمام دة

ربنا يزود وقوفك بجوار الاخرين في مشاكلهم وهتتعوض احزانك وقلقك لما تروح المشكلة

تحياتي

The Alien يقول...

حلو التفائل
واﻷحلي إنك تنشره حواليك
ياريت نشارك بعض بالحاجات الحلوة

وعلي فكرة صورك حلوة
تحياتي

gohayna يقول...

ربنا يخليك يا عادل

كلك ذوقك والله

تحياتي

كراكيب عادل يقول...

The Alien

الاهم فعلا نشر الحاجة الحلوة والمشاركة فيها

تعرفي كل حاجة لو اتقسمت علي عدد كبير تنقص

ماعدا السعادة والحب كل ما يزيد العدد كل ما يزيد معاه الحب والسعادة

ربنا يخليك

وصدفة حلوة اشوفك هنا

:)

كراكيب عادل يقول...

جهينة

انا لسة معملتش معاك اي حاجة وبتشكري كدة

امال لو عملت خدمات هتعملي اية

والله انتي عسل ربنا يخليك يا اختي جهينة

Sharm يقول...

ربنا يجعل كل حياتك افراح

كراكيب عادل يقول...

sharm دكتور احمد والفنان الشامل

فينك يا عم مختفي فين ؟؟؟


الله حلو الدعاء دة علي الصبح انا لسة جاي من برة
وفتحت لقيتة

فرحت وبقولك شكرا وانت كمان تفرح وتهيص وتعمل مسرحيتكم دي في كل دول العالم

:)

وينكى يقول...

انا باعشق ضوء الشمعه الصغير المتراقص
بحب جوها قوى وباحب الاحاسيس اللى بتتولد جوايا قدامها
شعور بالغموض والهدوء والرومانسيه والشجن بيختلطوا مع بعض
تريبه كده بحبها قوى
خصوصا لما يكون النور مقطوع والمطر شغال بره شباك اوضتى والشمعه بترسم ظلالها على الحيطه
ولا الأساطير

كراكيب عادل يقول...

وينكي

اية الرومانسية دي

وصف في حد ذاتة رومانسي من غير شموع

مع الشموع ومتطلباتة تبقي قمة الرومانسية

مفيش حد وصف الشمع بالشكل دة

انا هستني الشتا علشان المطر واعمل كدة

:)

ولو صوت حلو يغني تكمل

يا تري مين ممكن يغني يا تري مين ممكن يغني

تفتكري مين بيحب الغنا؟؟؟

bocycat يقول...

ههههههههههه ايه مدام دى احنا حنتريق وللا ايه انا بحاول انسى وبعدين ماله اسم بوسى كات اصلهم بيدلعونى بمشمش .. طيب ما تورينى انت البوماتك واهى تبقى حاجة جديدة فى البلوج وياريت بقى اما تبقى عريس اشوفك وحواليك الشموع اللى بالأزاز وللا انت مبتخافش اكيد هتفتكرنى وهتفضل عينيك عالشمع وطرحة العروسة ههههههههه .. المهم انا بدخل كتير عند ومش بلاقى حليم هى ايه صورة جملى .. سلام

كراكيب عادل يقول...

بوسي كات

وبلاش مدام علشان عايزة تنسي

هههههههههههههههه

وكمان مشمش فكرتيني بنكتة ضحكتني

بيقولك واحد دخل قهوة هو وابوة باباة يعني يا مشمش

المهم الواد عايز يشرب ويسكي بدون ابوة ما يعرف فميل علي الراجل وقالوا هاتلي ويسكي في فنجان علشان الوالد ميعرفش بهدوء

قام الراجل راح منادي بصوت عالي وعندك واحد ويسكي في فنجان علشان ابوة ميعرفش

هههههههههه

البوم صوري انا ههههههههه

لا متخافيش دنا الشمع دة لعبتي ولا بيهمني اصلا

لوحة عبد الحليم اتعمل ليها اسكنر خلاص وجاهزة للبلبشة

من عيوني حاضررررررررر

مـحـمـد مـفـيـد يقول...

احييك علي السرد المبدع

كراكيب عادل يقول...

محمد مفيد

تسلم يا محمد

بس هو بسيط جداااا

اطراء لا استحقة

اشكرك بحرارة

عالمى ازرق يقول...

بغض النظر ان كلماتك جميله
فعلا الصوره اكتر من رائعه
تقبل تحياتى

Radwa يقول...

الصورة رائعة جدا ومن وجهة نظرى الشمع دليل على الصفاء وعذوبه المشاعر ورقه وعلو الاحساس

كراكيب عادل يقول...

عالمي ازرق

اية دة انتي جيتي هنا من يوم 13

اكيد فضيتي صح

الصورة حلوة لان العيون الي شافتها جميلة

كلك زوق

تحياتي

كراكيب عادل يقول...

رضوي

ازيك

تسلمي وفرحان انها عجبتك

ووجهة نظرك كمان جميلة

الظاهر احساسك بالشمع مش من فراغ

بيدل علي انك صافية وهادية

تحياتي وشكراا للزيارة

بس مجتيش لية عن الصور التانية ؟؟

bnateeen يقول...

وااااااااااااااااااو و

احلى شي

دردشة
شات
منتدى
منتديات

جسر الى الحياة يقول...

باحب شكل الشموع يا عادل فيه ايثار
وشكل شمعتك دى حلوة جدا تحياتى

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول

خدمات متميزة يقول...

شركة المثالية للتنظيف
شركة المثالية للنظافة الشاملة
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالجبيل
المثالية للتنظيف الاحساء
شركة المثالية للتنظيف بالقطيف
المثالية للتنظيف بالقطيف
المثالية للتنظيف سيهات

شركة المثالية للتنظيف بالاحساء
المثالية للتنظيف بالاحساء
شركة المثالية للتنظيف بجدة
شركة المثالية للتنظيف بالطائف
شركة المثالية للتنظيف بمكة