29‏/06‏/2007

رؤس قابلة للاشتعال مرة واحدة


مجرد نقاش او اختلاف


اشتعال وتصاعد وحسرة وعالم بتتفرج


نتيجة حتمية وولعت الافكار واطاحت بالرؤس




انتهت مهمة الشجعان بس يا تري دي شجاعة ودي حلول اصحاب العقول ؟؟؟

هناك 174 تعليقًا:

.:.-=- ELGaZaLy-=-.:. يقول...

تعرف يا عادل ان الصور مش بس بتتكلم لا دى انا حاسس فيها بروح ...بجد جميلة اوى

Ana keda يقول...

بجد تحفة بجد
لا بجد صور ملهاش حل بتعبر من غير كلام بتحس ان اعواد الكبريت مش مجرد اعواد لا الفكرة حلوة اوى بجد
وحلوة اوى العنوان رؤوس قابلة للاشتعال بس بجد حلوة اوى

لى تعليق تانى بس المفاجاة احييك بجد

كراكيب عادل يقول...

الغزالي

حبيبي اخيراا شوفتك عندي اول تعليق

انت بتعرف تكتب كويس اوي

وكلامك بيعبر عن حجات مش بعرف اشرحها انا غير بالصور هههههههههه

الصورة هدية لاي حد حوالينا بيتخانق

وربنا يفتحها علينا ويزدنا حماس

فاهمني ؟؟

توتة توتة يقول...

الصور معبرة فعلا لكن العنوان محتاج توضيح

كراكيب عادل يقول...

انا كدة

هي الصورة تحفة بس والله انا كان شكلي وانا بصورها كمان تحفة

وكانت هتنتهي بحريق

بس بعد ما صورتها وشفتها هان كل شئ

ولقيت نفسي متأثر بيها

بشكل مش ممكن اصل انا كنت بعبر عن حاجة مزعلانا كلنا

تحياتي

بس اية التعليق التاني لا لا لا لازم اعرفة

منتظرررررررررررررر

كراكيب عادل يقول...

توتة توتة

العنوان غامض شوية فعلاااا
بس محتاج تفكير ويتحل

يعني هو الي بيموت بيرجع تاني؟؟؟


توتة تحياتي

فكريييييييييييي

عاليا حليم يقول...

فكرة هايلة بتقول كل حاجة و بتنقض كل حاجة .. و لا طبعا دى مش حلول ناس عاقلين و من أمتى كانوا العرب عاقلين ؟

Hannoda يقول...

و الله أنا ما عارفة أنطق كلمة

ايه ده يا عادل

الصورة الأولي الاضاءة فيها هادية جدا و حسستني إنه هدوء يسبق شيء ما مخيف و اللي إداني الإيحاء التعليق

و بعدين الصورة التانية حسستني بالتوتر و الاحساس بكارثة

و التالتة ألمتني و حسّرتني عليهم

ما أ،ا تخيلتها مدينة زي ما قلت و طبّقتها على أكتر من واقع في عقلي

تصدق إني أول مرة أعرف يعني إيه الصورة بتتكلّم.. كنت دايما أمسح بعيني على الصور الجميلة و أنا متّاخدة بجمالها .. وأركز في تفاصيلها بس عمري ما مر عليّ صورة حكتلي حكاية و إتأثرت بيها إلا مع الصور ده دلوقت

يمكن بسبب التعليقات اللي إنت حاططها؟؟
مش عارفة

بس أنا مبهورة بجد.. ومبهورة حاجة و معجبة بالصورة حاجة تانية و أكيد أنا قاصدة الكلمة بالحرف

وبعدين إنت مش بس فنّان في التصوير.. لإن أكيد تأثيرها مش حايكون بالقدر ده من غير تعليقاتك عليها

و اللي إتنين مع بعض(الصور و التعليقات) بيدلّوا على إنسان جواه قلب مميز

موهبتك رائعة يا عادل ماشاء الله.. ربنا يباركلك فيها و تكبر و نسمع عنّك حاجة كبيرة قوي..
:)

أنا سيفت الصور وإسمها كان التعليق اللي إنت سايبه عليها

و الحاجة التانية الموسيقى اللي حاططها
أنا أول ما بعد بعمل كولكشن و أبدأ أسمعه

فلما دخلت عندك الكولكشن بتاعي سكت و إشتغلت الموسيقى ده.. وهي أساسا على الكمبيوتر بتاعي بس أنا ما بحطهاش معاي على الفلاش و أنا رايحة النت

فاستغربت.. قلت باين علي حطيتها و أنا مش حاسة

وبعدين لما فتحت التعليقات سكتت.. فعرفت إ،ها من عندك

أنا بحبها قوي


و الله الصور بتسعد!!!


تحياتي لفنّانّا الكبييير

عدى النهار يقول...

فكرة رائعة

لكن أنا مش شايف نقاش فى الصورة الأولى.. رأى واحد فقط فى مقابل الكل الصامت

والصورة الثانية فيها نقاش والبقية صامتة

والصورة الثالثة هى نتيجة لرفض الرأى الأوحد فى الصورة الأولى للنقاش

Bossy يقول...

اهلا اهلا بالافكار
ايه الحماس دا كله ماشاء الله
بجد ربنا يوفقك عليك افكار وبتقدر تحول الواقع لصوره بسيطه
عادل
عبقري
ربنا زيدك حماس

انا بقي نفسي اشوف البيت عنك ببقي عامل ازاي وسط افكارك وطرق تنفيذها المجنونه

Lemonada يقول...

عارف يا عادل
ماشاء الله
بجد من بحسدك ولا حاجة
انت من اكثر اذا لم تكن الوحيد الي بتيجي ردود وتعليقات بالهبل
ماشاء الله
مع انك مش بتكتب
كل الي بتعملو صور و تعبير بشكل معين من خلال الحاجة الي بتنظمها عشان بعبر عن الي جواك وتصورها
بجد الفن حاجة هايلة بتعبر وتلاقي نجاح اكثر من الكلام
اصل الكلام ببلاش
بس الفن
الفن الراقي بياخد وقت ومجهود وبيكون من القلب للقلب
تحياتي لعدسة عينيك
هههههه

Lemonada يقول...

متاسفة اقصد مش بحسدك
وليس من بحسدك
خطئ مطبعي
هههه

~ Bato0ot ~ يقول...

sewar fazee3a .. bt7ky alf 7adoota

shlapia يقول...

انت بتجيب الافكار دى منين؟
بجد تحفة ما شاء الله عليك

loumi يقول...

العزيز عادل
الفكرة اللى مزعلاك مزعلانا كلنا بجد
وربنا يهدى النفوس
تعبيرك بالصور ابلغ بكتير من الكلام
بجد بجد تحفه
تحياتى

نسرين - أمة الله يقول...

السلام عليكم
مش عارفه اقولك اذا كانت جميله ولا بتخوف على العموم كل واحد اكيد حيبصلها من خلال اللى جواه هو
ربنا يصلح الحال
هى العيدان ديه محطوطه فى الرمله

sendrlla يقول...


الصور دى معبره اوى وفيها افكار كتيره موت الرأس يتسرب الى باقى الجسد
موت الافكار برده يموت المخ وبعدين باقى الجسد

انحناء رؤس اعواد الكبريت بتوحيلى بالذل ليه لما اتحرقت ما وقعتش او دابت فضلت مكانها اصل اصلها ثابت ومعدنها قوى

حاجات كتير بتدور فى دماغى

bos bos يقول...

جميلة قوى الصور دى
زى عادتك دايما فى أنتقاء الصور والكلمات
تحياتى لك

harmless يقول...

انت مبهر يا صديقى

منكم لله يا فنانين
نحتاج لالف كلمه حتى نعبر عما تعبرون عنه فى لمحه

اتعبتونا بجد

MAKSOFA يقول...

قمه الجنون

Amr Ahmed يقول...

الصور روعة يا عدولة


برافو

Gid-Do - جدو يقول...

عادل

الفكرة رائعة والرمز فيها هايل ـ مش علشان احنا بعيد عن موقع الحدث نبقى فى امان ـ ابدا ممكن حرب صغيرة تتحول لحرب عالمية ـ وحصل دة مرتين لغاية دلوقت وممكن تحصل التالتة وحتى النزاعات الصغيرة فى الشرق الاوسط ممكن تجر المنطقة كلها الى الهاوية ـ دة دور الفنان التحذير بالادوات اللى يملكها ـ تستحق الجايزة الاولى ـ تحياتى

safa7_karmooz يقول...

بجد بجد بجد

مش لاقى كومنت ااكتبه

سواء عالموضوع او الصور يا جميل

بجددددددددددددددددد

وعندك حق فى الموضوع

:)

Ma-3lina يقول...

هوا انا كل مجى هنا اتعقد

حرااااااام

الصور رائعة و معبرة جدا يمكن التنفيذ سهل زى مشرحتلى بس الفكرة نفسها اصعب

تحفة

None يقول...

حلوة اوي

اه يا دماغى يقول...

فكرة جامدة طحن
وتحمل معانى كتيير جدااااااا


ادعوك لزيارة مدونتى

تحياتى

إنـســانـة يقول...

لاااااااااااااا معقول فى كدة؟؟؟؟؟

انا مذهولة بجد

ما شاء الله لا قوة الا بالله

هو حضرتك بتشتغل ايه بالظبط؟؟؟؟
:D

لا بجد حاجات تعقد وتجنن وتبهر وما شاء الله لا قوة الا بالله

ربنا يحميك يارب

أحمد سلامة يقول...

كعادة الفنانين يا عادل
مناقشتك وطرحك للمشكلة
عبقري
عرض رائع بجد
كان نفسي يكون فيديو كمان والله
عشان الاحساس بالحريق الجاي يوصل احسن
ربنا يحميلك لفنك يا عادل
ماشاء الله عليك

sabrina يقول...

فغلأ جميله
الصور وللي وراها!!!!!!!

بحبك يا مصر يقول...

الله الله الله عليك يا فنان .. تحفة

بس ده مش شجاعة ومش ده حلول أصحاب العقول

فكرة تحفة ومعبرة جدا والمعنى واضح جدا جدا

وربنا يفتحها علينا ويزدنا حماس

أمــانــى يقول...

يا عمو عادل يا ابو كراكيب
فعلا على راي المثل اللى بيقول جار الحداد يتكوى بناره ومن جاور السعيد يسعد
:D
وده برضو بيوضح انه مينفعش نتفرج على حاجة غلط لانه اكيد هيوم هيطولك يعنى متقولش ماليش دعوى دى بعيد عنى لا اكيد هيطولك
عايزين نخلى الناس كلهم يشوفوه لانه بجد خير معلم هذه الصور
تحياتى لحضرتك

walaa يقول...

تحفة يا عادل .. فكرة بالـف فكرة

يا خسارة لما الناس يغلبوا لغة العنف والقـوة .. ويتـحول النقاش والاختـلاف لصراع ورغبة في التدمير .. موش بس طرف واحد بيكـون هو الخسران في النهاية الاتنين بيخسـروا .. الاتنين زي ما صورتك بتقول كده بالظبط الاتنين بيحترقوا ..

يسلموا يا عادل .. حقيقي شغل عدل
;)

يا مراكبي يقول...

المرة دي يا عادل بسم الله ما شاء الله .. إنت تخطيت مستويات عالية جدا من الإبداع

عنوان البوست لوحده فيه حداثة وإبداع

فكرة البوست برضه جديدة ومبدعة

تصوير الصور طبعا خارج النقاش من الأساس

والتعليقات بقى .. معبرة جدا عن الواقع السياسي

أنا أقفل البلوج بتاعي أحسن لي

غمض عينيك يقول...

بجد حلوة اوي اوي اوي
تحياتي ليك ولافكارك الرائعة

محمد سمير

mariamagdolen new يقول...

الله جميلة اوى

رينـــــــــــا يقول...

ايه دا!!!
هو حضرتك صورتها ازاى
لا بجد تحفه
الصور يتتكلم اصلا

انتظار مؤقت يقول...

يا باشا لو اعرف انك قاعد في 965 و مش ماشي مكنتش مشيت و الله و قعدت معاك طبعا مش مصدقني جدع عشان مكنش حيحصل كده كنت ردو سافرت اهو واحد فينا يخلع ...لو تعرف انا كنت حموت و مش مسافر بس جت صدفه الحمدالله كنت محتاجها اوي حصيف عني و عنك و عن ولاء و سلام لمارينا و شرق راجع حروح فين يعني تحياتي يا بطل

قلوب حائرة يقول...

مش عارفة اقولك اي حاجة لان بجد صورك الجمت لساني والله الجمته فعلا مش لقيا اى كلام غير انك عبقري تحياتي ليك

مادو يقول...

حلوة جدا الفكرة و أجمل التنفيذ
تحياتي

gohayna يقول...

بجد انت

ملكش

حل

ايه دا؟

اكيد اخدت منك وقت عبال ما طفيت الحريقه

وانا اقول عربيات المطافي مالها رايحه جايه والسرينه عماله تضرب

اتاريك السبب في كل دا
هههههههههههههههههههه

بجد يا عادل اسقاط رائع

وهو دا الي بيحصل فعلا

مجرد خلاف في الرأي بيولع الدنيا

ودي عمرها ما كانت شجاعه ابدا

بالعكس

دا ضعف

وضعف بين كمان
المهم تسلم ايدك يا عادل

الصور اكتر من رائعه

تحياتي ليك من الشويخ المره دي

Anima يقول...

انت بتتكلم في السياسة ولا ايه؟

brastos يقول...

صحيح ان الصورة لصيقة جدا بالاحداث المؤسفة و المخجلة الاخيرةو تعبر عن انفعال ايجابي بما يحدث حولنا ...لكن بقطع النظر عن مغازيها تلك...هي رائعة فنيا و تقنيا..فيها روح عمييييقة..برافو

Hadota يقول...

حلوة اوى فكرة البوست دا
وطبعا كالعادة الصور تحفة
والكاردات تجنن
احلى حاجة انك بتعرف تربط الصور ببعض بحدودتة جميلة
دماغك شغالة موووت
احيييك

ياسمين يقول...

حسيت وأنا بأشوف الصور كأنهم بشر وان رؤوس عيدان الكبريت هى رؤوس بشر فعلا

النار ولعت
وبعدين اصبحنا مجرد رماد
مجرد حطام
مجرد بقايا بشر

تحياتى على افكارك المبهرة
انت عظيم

kasperb4 يقول...

الصور بتتكلم فعلا
ماشاء الله عليك يا استاذ عادل
اسعدني جدا مروري على مدونتك

shereen sobhy يقول...

عادل
****

كراكيبك حلوة قوي اول مرة اشوفها / برافو عليك رسومات رائعة

تحياتي لك

Ert3ashat يقول...

بجد وحشتني صورك الرائعههههههه
بجد انت فناااااااااااااان

ellithy يقول...

مدونة جميلة الصراحة
انا مدونتي تتكلم عن اجلوكو ...الربح من النترنت حقيقي مع اثبات المصداقية


http://aglocohits.blogspot.com/


شكرا

ابو النجوم يقول...

احلى حاجة انها مابتولعش الا مرة واحدة وهى دى الفكرة

huda gamal يقول...

انا انبهرت بالشغل اللى فى المدونة...
انت فعلا فعلا فنان ، وفنان حقيقى جدا ...
ماشاء الله عليك

البوست ده اكتر من رائع هو فعلا أفضل من اى كلام ممكن يتقال ناهيك طبعا عن جودة التصوير والفكر العالى ..
والتعليقات الرائعه
..........
انا سعيده للغايه انى شفت مدونتك واسمح لى اكون ضيفه دائمه ..
تقبل مرورى
وتحياتى

Hannoda يقول...

فينك يا فنان

فين الرد... و فين الصور الجديدة

آه صح إفتكرت

آخر الإسبوع
:)

تحياتي

esraa يقول...

الصور بجد أكتر م تخفه

انت كان ممكن تكتب العنوان بس وهي تقوم بالواجب كله

بس للأسف ده بيحصل, معرفش ليه لما بنختلف بننسي ان الاختلاف في الرأي لا يفسد للود قضيه, وبنخسر بعض للأبد

hend يقول...

الصور ناطقة عن مضمونها بجد تحفه

The Alien يقول...

صور في منتهي القوة
وبجد الصور دي جابت م اﻷخر
أنا كمان لسه كنت كاتب عن الموضوع دا
وإننا مش بنعرف نختلف
لدرجة إننا بنولع ف العقول بمجرد الإختلاف

تحية كبيرة علي التشبيه
تحياتي

بيجاسوس المصرى يقول...

مدونتك جميلة جدا يا عادل

و انا سعيد لانى اتعرفت عليك النهاردة

و اسمحلى انى اخد من بعض هذه الصور اللى على المدونة

max.adams يقول...

الموضوع متشابك
والصورة بتعبر بشكل لا يصدق و حمد الله عالسلامة من الحريق اللي كان هيحصل

وطبعا العاقل مايقفش يتفرج و في حاجات بتنهار يا اما يحوش يا يبعد عشان مايولعش زي الاخوه

ألف شكر للمقال الرائع

أرجو انك تعبر و تديني رأيك

koukawy يقول...

وصلت الفكره
لأ طبعا دي ام الخلول مش عقول
هههههههههههههه
عبد العزيز عامل ايه سلملي عليه اوي و علي مامته طبعا

koukawy يقول...

وصلت الفكره
لأ طبعا دي ام الخلول مش عقول
هههههههههههههه
عبد العزيز عامل ايه سلملي عليه اوي و علي مامته طبعا

tohamy يقول...

فية معنى جامد

copa يقول...

جامده اوي :D
بس علي فكره دي شجاعه

اسائلني انا عامل في البيت كدا برضه :D

S H A H يقول...

اخيرا شفت مدينة الكبريت
بجد عمل رائع جداو كان يشرفني اني من اول الناس اللي شفته قبل النشر

gohayna يقول...

عادل

يا عادل

يااااااااااااااااااااعادل

انت فين حضرتك

انا جايه ارد السلام

سامعني؟

صاحب البوابــة يقول...

الصور جميلة للغاية

لكنى لم اعد اراك منذ زمن

فأين انت ؟؟؟

تحياتي

أحمد المصري يقول...

مدينة الكبريت 00فكرة رائعة,لك التحية والسلام0

bocycat يقول...

تعرف الصور دى عاملة زى ايه ؟ زينا .. ناس بتولع فى بعض وناس تانية واقفة تتفرج عالناس اللى بتولع فى بعض , والنتيجة ان الدنيا كلها بتقوم فيها حريقة بس مش سهل ان احنا نطفيها .. تحياتى للصورة الهايلة

عالمى ازرق يقول...

ماشاء الله عليك متجدد دايما
عجبتنى كمان رمزيه الفكره
اضافه لجمال الصور والاضاءات فيهم

NeRmeeN يقول...

حلوة اوى يا عادل ....انت اللى عالمها ولا ايه مش فاهمة...بس بجد جميلة جدا...وانت حطيت اسم مناسب جدا...مدينة الكبريت:)

تحياتى

امام الجيل يقول...

ده بقى صحيح خير الكلام ما قل ودل
فكر جميل
تحياتى

Arabian GiRl(caaaaat) يقول...

افكار جديدة

كراكيب عادل يقول...

عاليا حليم

ازيك

انتي ام المفهومية كلها ممكن تتاخد من الجهة دي برضو علي رئيك من امتي كانوا

تحياتي

كراكيب عادل يقول...

هنودة وردة المدونين

والله انا الي مش عارف ارد علي الكلام الجميل دة ازي

بس هقولك حاجة ممكن تسهل علي الرد

بيقولوا الكلام الي بيطلع من القلب بيوصل للقلب
انا فعلا مش بعمل حاجة فيها خدع او مجرد اني انشر حاجة بس فعلا بيكون دة الي حاسة حاليا دة حتي الصورة دي بعد ما صورتها عملت جواي مشاعر فظيعة

الصورة الاولي فيه حاجة يمكن مفيش اخد بالة ليها غيرك الاضاءة هادية وناعمة

فيها هدوء بس حذر ولو تاخدي لبالك انا حاولت كتير ان الصورة توصف وتتكلم
شوفي الظل تحت العيدان فية واحد لة ظل واحد والتاني لة ظلين

الي لة ظل واحد هو وحيد الرأي معندوش غير حل واحد لو كلنا اصبح لينا حلول كتير وتفاهم مش هتحصل مشاكل

التاني كان لة رأيين ممكن يتشاجر ويختلف وممكن يحلها ودي

طيب الحاجة التانية طريقة الاشتعال انا تعمدت ان الي لة ظل واحد دة ابو الليف هههههههه

يكون في موتة ذل شايفة منكسر ازي

والتاني خليت ان ممكن يتلحق او الناس تطفية بسرعة بس انتي عارفة مفيش حد بيساعد حد الزمن دة

فية كذا محاولة اتعملت علشان اطلع بالحاجة دي وفية صور تاني ممكن تتعمل قصة تاني من نفس الادوات بس مش عايز اكرر لو عايزة باقي الصور ابعتهملك

انا حاضر وتحياتي ليك ولتعليقك الميل دة

بتخجليني انتي علشان انا وش كسوف

:)

كراكيب عادل يقول...

عدي النهار

او ل ما بشوف اسمك بدندن باغنية حليم

اصل انا بحب الاغنية دي جداااا

الصورة الاولي فيها نقاش بين الاتنين بس واحد كان لة راي والتاني كان عندة حلول رايين يعني والناس التانية بتتفرج كان ممكن يكون ليهم مية حل

بس فية ناس كدة بيحبوا يشوفوا الخراب

وفي النهاية هما الي بيتحرقوا نتيجة عدم تحملهم المسؤلية

تحياتي

كراكيب عادل يقول...

بوسي

كل ما اشوف الصورة دي بتاعة الولد الصغير الي عملتي منة بنت اضحك

اسكتي اسكتي علي الي بيحصل في البيت

ههههههههههههههههههههه

مصايب بعيد عنك بس متخافيش بنقدر نسيطر علي الوضع تماما لغاية دلوقتي علي الاقل بعدين معرفش ربنا يستر

:)

كراكيب عادل يقول...

ليمونادة امورة البنات

تسلمي بجد فعلا هي حجات بسيطة بس بدون تكلف ومن القلب زي ما قلتي علشان كدة بتوصل علطول

والردود والتعليقات ربنا يخليكم فعلا حاسس باني مغمور وسطكم وفرحان بيكم

ربنا يخليكم لي كلكم

دة فية ناس كتير جات من طرفك

ههههههههههههههه

شوفي عايزة عمولة كام بس من الارباح

:)

كراكيب عادل يقول...

bato0ot
فعلا يا بطوط احنا بقينا وسط ملايين الحواديت الي بتحكي عن فشلنا للاسف

ياريت نحط نقطة بس في محيط للنصح

محاولة صغنونة

كراكيب عادل يقول...

البنت الشلبية

بصي جنبك هتلاقي مية فكرة ممكن تنفذي منها اي حاجة

الاول نبقي عايزين نعبر وبعدين تجي الفكرة في رسمة في صورة في اي وسيلة تساعدنا نقول بصوت عالي ونتكلم حتي لو مش بكلام

مش بكلام فهماني؟؟

تحياتي لاحلي شلبية

كراكيب عادل يقول...

لمى او لومي

مش بتفرق معانا الاسماء ههههههه

اخ واي زعل دة قهر بعيد عنك

ربنا يهدي النفوس ويرحمنا برحمتة

ابقي فكريني عايز اقولك حاجة بخصوص حاجة كدة

:)

كراكيب عادل يقول...

نسرين

ازيك اية اخبار الحر عندكم ؟

الصورة ممكن تخوف وممكن كل حد يشوفها بشكل وممكن وممكن بس في النهاية مش هتعدي كدة لازم تسيب اثر ودة المطلوب

مش رملة دي يا نسرين دة لوح شبية بالفلين كدة تقريبا

تحياتي

كراكيب عادل يقول...

سندريلا الحكيمة

لا لا لا دانتي حكاية فعلا افكارك حلوة

هو دة الكلام ولا بلاش انتي جيبتي نقطة صعبة جداا بتاعة الذل دي

وباقي الحجات طبقتها علي الصور لقيتها برضو مناسبة

تشاركيني انا اصور وانتي تختاري الافكار

:)

فعلا فية حاجة مشتركة

كراكيب عادل يقول...

bos bos

المرة الجاية هخالف العادة

:)

انا عندي صور كتتتتتتتتتتتتتتتتر بس بختار منها حاجة مناسبة

تحياتي

كراكيب عادل يقول...

هارملس صديقي المشاكس

مش انت الي ميعرفش يعبر

بورية منك بورية زي ما بيقولوها

او التانية نط في عبي يا خوي نط

يا عم بلاش التواضع دة

وبعدين انت الايام دي الي تاعبني بمواضيعك دي المثيرة للجدل

هههههههههههههههههههههه

كراكيب عادل يقول...

مكسوفة

قمة التعبير في كلمة منك

وبس

كراكيب عادل يقول...

عمروو احمد

تسلم يا صديقي

ومنورني دايما

كراكيب عادل يقول...

جدوووو

الله ينور عليك يا جدوو ويكرمك يا رب

الي يفكر نفسة بعيد يبقي غلطان

والاختلاف لام يتحل من البعيد والقريب

كلنا في سفينة وحدة

اقولك اية بس تعليقك ناضج جداا

مهو من جدوو يبقي مش غريب شرفتني وكلامك زاد الصور قوة ووضح معاني كتير

تحياتي

كراكيب عادل يقول...

سفاح كرموز

اعتبر كلامك وصل وفهمتة كمان

انا فاهم انت عايز تقول اية يا صديقي

نورتني

كراكيب عادل يقول...

ما علينا

لا لية التعقيد بس خلاص انا هوصلك الصور لغاية عندك

بس خايف عليهم من القط بتاعك دة جارفليد

ممكن يفكرهم فشار ياكلهم

وخاصة الصور دي بتاعة الكبريت

ههههههههههههه

كراكيب عادل يقول...

none

تعليقك مختصر ومفيد وفهمت انها عجبتك

وانا ارد واقولك تسلمي

:)

كراكيب عادل يقول...

انسانة وهي انسانة بجد

تعليقك دة متعرفيش اسعدني ازي

مش بس كلام في سطور ساعات المعني بيوصل

انا متشكر بترفعي معنوياتي انتي

ملوش دعوة الشغل بدة

هههههههههههههه

دي افكار وبتتنفذ

وبس

:)

كراكيب عادل يقول...

احمد سلامة صاحب اجمل فلسفة

يا صديقي كعادتي انشرح لتعليقك الي عامل زي نسمة هوا في حر الصيف

فما بالك لو كنت انا في الكويت

هههههههههههههه

بجد بتسعدني يا سلامة وحوارك مع عاشور دة عقدني اصلاااا بتعمل كدة ازي ؟؟

كراكيب عادل يقول...

صابرينا


وتسلم صاحبة التعليق

والي دلك علي المكان

:)

محض روح يقول...

ملش اتأخرت عن البوست ده شويه
انته كنت عارف رائي

رؤس من نفس النوع والشكل
وحتى من نفس العلبه
بس قابله للشتعال من اول لمسه

دوله الكبريت
او مبعنى اصح دول من الكبريت

العدد في ازدياد
ومفيش حاجه هتمنع الاشتعال


احيك على تصورك المبدع زي العاده

يارب تكون بخير


اخبار الجو ايه اليومين دول؟


تحياتي يافنان

دنــــيــــــا مـحـيـرنـي يقول...

احيانا تعجز الكلمات عن التعبير فيما تري من صور تقول كل ما تشعر به و تحس به في قلبك و افكار في عقلك
تحياتي لي صور المعبره جدا

كراكيب عادل يقول...

اه يا دماغي

سلامة دماغك

والدعوة مقبولة وشكراا للزيارة

كراكيب عادل يقول...

بحبك يا مصر

طبعاااا مش شجاعة ولا رجولة

ساعات القوة بتكون في التفهم الكامل

وقهر الغضب في حد ذاتها قوة

كما وصانا الرسول علية افضل الصلاة والسلام

متشكر جداا وربنا يهدي الناس

كراكيب عادل يقول...

اماني واسوان اسوان

ازيك اة الي يجاور الحداد ينكوي بنارة

بس نار الفتنة اشد

ونار الخلافات اقوي الكل بيروح فيها

الكل يشوف يا اماني صعب انا بعمل الي عندي وانتي وغيرك

تسلمي وكل زوق يا موني

كراكيب عادل يقول...

ولاء

اولا انتي لقيتي حجز ولا لسة

الي تغلب علية لغة العنف يتعنف من الناس لكن الاصعب الفرجة علية وهو يستمر في التطاول

شغل عدل صح ؟؟

انا اقول خوووووووش فكرة

بيفكرني بالاعلان دة

من عمرة ما طلب غيرة

طاحولة بها المجابيس

اه يا الابيض لبن خاثر خووووووش لبن

ههههههههههههههههههههههه

اضحكي لغاية ما تسافري
:)

كراكيب عادل يقول...

وصلنا للهندسة احمد المراكبي

ازيك يا عم ياااه مشوار علشان اوصل وارد عليك

بقي انت تقفل بلوجك يا عم مية مرة اقولك بطل التواضع الزيادة دة

لو انت قفلت كلنا هنجيب درفها

هههههههههههههههههههههه

دة انت استاذنا كلنا يا باشا

القصة دي بتاعة عيد الام مجناني وكل ما حد يكلمني اروح مديلة اللينك

فعلاااا الصور بتعبر للاسف الشديد عن واقع يا هندسة ربنا يستر

كراكيب عادل يقول...

غمض عينيك ومحمد سمير

متشكر جدا جدا جدا

وتعليق لا يحتاج لرد مفسر نفسة يا باشا تسلم

وكل زوق يا محمد

كراكيب عادل يقول...

marama gdlennew

كل دة اسم دنا بقيت انقل الحروف

هههههههههههههه

عموما شرفتنا اول مرة ومتشكر جداا

كراكيب عادل يقول...

رينا

صورتها بكاميرتي بعد عملية اعداد استغرقت ساعة علشان ازرع 13 باكو كبريت في لوح الفلين دة وبعدين اضاءة مناسبة وحجات كتير علشان تطلع بالشكل دة وتعجبك

ههههههههههههههههه

بس انتي بتسئلي لية اوعي تجربي دي خطرة والله بجد خطرة انا اتبهدلت علشان اصور الحريقة دي مخيفة جداا

تحياتي

كراكيب عادل يقول...

انتظار مؤقت

ههههههههههههههههههههه

سافروا يا عم وهيصوا

فعلا واحد يخلع من الولعة دي

صيف ليك لوحدك الموضوع مينفععش فية

التوكيلات

:)

كراكيب عادل يقول...

قلوب حائرة

وصل وصل كلامك من غير ما تقولي ساعات مش شرط نتكلم ونشرح فهمت انا ما بين السطور

وكمان فرحني كلامك تحياتي الجامدة جداااا

كراكيب عادل يقول...

مادوووووو

اهلا اهلا ازيك منورني

الصورة حلوة بس التنفيذ مش ممتع قوي لانة متعب ومزعج

هههههههههههه

بس مع المزاج كل شئ حلوووو

تحياتي

غير معرف يقول...

جهينة الدكتورة المغتربة

لا لي حل بس انا عايز اسافر مصر

عاااااااااااااااا

بجد بجد بجد غلطان الي يفضل في الصيف هنا

دة بيعدي كانة دهر لا وبيخلي الواحد

ينسي نفسة ويتوة ويزبهل

الحريقة دي انا عاملها وعندي المطافي بتاعتي مطافي خاصة جدااا

وبعدين اية حكايتك انتي مرة من ابو حليفة ومرة من الشويخ

بس ازي بتروحي المشوار دة من ابوحليفة للشويخ

؟؟

ربنا يعينك

ومرة تاني تحياتي لجهينة الامورة

كراكيب عادل يقول...

انيما

انتي عايزة تلبسيني تهمة وخلاص

اية يا خواتي دة

دة كلام

:)

كراكيب عادل يقول...

brastos

ليها مغازي

ولصيقة بالاحداث

وانا بشكرك علي تعليقك عندي لاول مرة وبانتظار مرورك

كراكيب عادل يقول...

حدوتة وحكاية وقصة

ازيك منوراني مع انك بتتاخري

انا بكون سعيد بتعليقك واسعد لما الصور بتعجبك

وانا فعلا بربط الصور ببعض وبحاول اخليها تتكلم بالنيابة عني

يمكن كسل هههههههههههههه

كراكيب عادل يقول...

ياسمين

انتي دايما بتخليني اروح للحاجة وارجع اشوفها بوجهة نظرك من تاني بلقي الغالب كلامك صح

طب دة كلام كل مرة تحيريني

كلامك صح وينفع برضو يتطبق بالشكل دة

:)

كراكيب عادل يقول...

كاسبر 4

خليها تتكلم وتعلي الصوت وتقول وتقول

انا كمان اسعد بمرورك وياريت نشوفك كتير مش مرة ووش الضيف

:)

كراكيب عادل يقول...

كاسبر 4

خليها تتكلم وتعلي الصوت وتقول وتقول

انا كمان اسعد بمرورك وياريت نشوفك كتير مش مرة ووش الضيف

:)

كراكيب عادل يقول...

شرين صبحي واربع نجوم واربع طيور

****
ازيك

الكراكيب بتاعتي منورة بمرورك

ويسعدني ان الصور والرسوم عجبوكي

تحياتي

كراكيب عادل يقول...

ارتعاشات حياتية

فينك بس حمدلله علي السلامة

وانا كمان وحشتني طلتك

تحياتي

وعودا احمد

كراكيب عادل يقول...

allithy

اهلا بيك وموضوعك محتاج تفكير للتطبيق

تحياتي

كراكيب عادل يقول...

ابو النجوم

اهلا اهلا وسعيد بمعرفتك اليوم

وتشرفنا في اي وقت وخاصة ان اسمك علي اسمي

وفعلا الفكرة انها متولعش عير مرة وحدة

تحياتي

كراكيب عادل يقول...

هدي جمال

اهلااااااااا بيكي

تعليقك يرفع المعنويات

وطبعااا اقبل مرورك ويشرفني كمان

كراكيب عادل يقول...

هنودة تاني

انا حران واديني برد بس بالتقسيط

علشان الزحمة والحر

:)

كراكيب عادل يقول...

اسراء الاميرة الي رجعت

اة فعلا الناس بتخسر بعض للابد من نقاش حاد او اختلاف في الرأي

وممكن ياخدوا ناس كتير في موجة عنفهم ابرياء

تحياتي

كراكيب عادل يقول...

هند هنادي

اة شوفتي المضمون

اهو كلة كوم والمضمون كوم

كراكيب عادل يقول...

the alien

اة شفت موضوعك جميل

والكلام عنة بيحزن وفعلا دمار الخلافات يخوفنا

كراكيب عادل يقول...

بيجاسوس المصري

انا اسعد بمعرفتك ويشرفني مرورك يا صديقي

elbostagy2 يقول...

السلام عليكم ورحمة الله وبركاته

الإخوة الكرام

طبتم وطاب ممشاكم وتبوأتم من الجنة منزلا

ياريت نشارك في الحمله دي

غزة لن تجوع ولن تركع

وجزاكم الله خيرا

elbostagy2 يقول...

السلام عليكم ورحمة الله وبركاته

الإخوة الكرام

طبتم وطاب ممشاكم وتبوأتم من الجنة منزلا

ياريت نشارك في الحمله دي

غزة لن تجوع ولن تركع

وجزاكم الله خيرا

كراكيب عادل يقول...

ماكس ادم

الحمد لله من الحريق الي كان هيحصل

وعدينا عندك ولقينا حجات ممتعة

ربنا يبارك فيك

وتسلم وتمر وتعدي علينا

كراكيب عادل يقول...

كوكو الكميل

اهلا اهلا باحلي قصص وحواديت

بس اسئلتك الايام دي بقيت صعبة

ومدام الصور والفكرة عجبتك

خلاص غششيني الاجابات

وزيزو يسلم عليك ومتابعك وامة كمان

تحياتي

كراكيب عادل يقول...

تهامي

وشرفت المدونة لاول مرة واهلا بضيوفنا العزاز

وتسلم تسلم

تحياتي

كراكيب عادل يقول...

كوباااااااااااا

ازيك

شغل جامد عندك عايز الحق اعمل دونلوود
خليهم اوعي تشيلهم

لغاية اما افضي

بتعمل اية اعترف شكلك طالع لي

:)

كراكيب عادل يقول...

شاة

ايوة يا عم فعلا انت

من اوائل الي شافوة

بس مكنتش فاضي انزلة

ابقي عدي اقولك قبل النشر تاني

تحياتي

كراكيب عادل يقول...

جهينة

اسوة طبعااا سامعك

اهو برد عليك بس متاخر

اعمل اية كل ما ابعت سلام يسيح من الحر

رديت بالليل اهو

مفيش شمس

تحياتي يا جهينة

:)

كراكيب عادل يقول...

صاحب البوابة

اهلا اهلا

ازيك انا بجي عندك اقرا بس مبيكونش عندي تعليق

مواضيعك سخنة واحنا هنا مش ناقصين سخونة درجة الحرارة 45 وفوق

عايزين حاجة تهدينا مع اني هنا مشعللها

تحياتي

كراكيب عادل يقول...

احمد المصري

شرفتنا

ومنور بتعليقك المختصر المفيد

تحياتي

كراكيب عادل يقول...

بوسي كات

كل دي غيبة

بس من تعليقك مش عارف لية حاسس بنبرة حزن

مالك؟؟
في العادة بيكون غير كدة تعليقك

انشاءالله خير

اهو كلها حجات بتتحرق زي دمنا الي بيتحرق من كل حاجة غلط

كراكيب عادل يقول...

عالمي ازرق

حمدلله علي السلامة

غيبة طويلة بجد

وكويس الصور والمعني الي ورا الصور عجبك

تحياتي

كراكيب عادل يقول...

نرمين

اه انا الي عامل الكبريت ومدينتة

والنار والصور والكميرا كاميرتي

هههههههههههههههههههههه

افهم من كدة انها عجبتك صح ؟؟

كراكيب عادل يقول...

امام الجيل

اة خير الصور ما قلت ودلت

:)

كراكيب عادل يقول...

البنت العربية القطة

شرفتيني لاول مرة

ويسعدني مرورك

تحياتي

كراكيب عادل يقول...

دنيا محيرني

اة ساعات الكلمات بتعجز او مش بتشرح كويس نستعين بمساعدات في الشرح

علشان تقول كلام وحجات كتير من غير كلام

مشرفاني لاول مرة

تحياتي ليك ولتعليقك الهايل

كراكيب عادل يقول...

محض روح الحالمة

لا دانتي اتكتبتي غياب من زمان

بس انتي من زمان شوفتي الصور اصلااا

الموضوع فعلا بقي يقلق ويخوف ربنا يستر انا متضايق جداا

الجو يا دينا حر حر ثم حر

بهدلة

بس مقولتيش كنتي مسافرة ولا اية ولا اجازة من المدونة

هروح اشوف الاخبار عندك

تحياتي

كراكيب عادل يقول...

جهينة من تاني

انا رديت علي تعليقك مش عارف لية اداني مجهول الظاهر ايدي جت علي حاجة من غير قصد المهم دة انا

انا الي علقت ورديت عليك

للعلم علشان برضو الحر التوضيح دة

:)))))))))))))))))))))

كراكيب عادل يقول...

البوسطجي

تعليقك راح وسط الزحمة وشوفتة بالصدفة

اهو احنا بنتكلم عن حاجة مشابهه من غير ما تقول ربنا يستر

تحياتي

نهر الحب يقول...

الصوره جميله مش عارفه اقول غير كده



معبره جدا
انا اول مره ازورك بس اكيد مش حتكون اخر مره


تحياتي

كراكيب عادل يقول...

نهر احب

يا الف خطوة سعيدة

دايما بسعد بزواري لاول مرة

وطبعاا لازم اشوفك هنا تاني

تشرفنا

ووصل التعبير عن الصور :)

حــلم يقول...

لا لا لا

دا انا فاتنى كتير أوى هنا

ايه الجمال دة بجد
فكرة تحفة
حسيت ان الكبريت دة بشر بيقتقاتل
وبيحرق نفسه بنفسه

نجم

كراكيب عادل يقول...

حلم وطيارة ورق

ازيك اخيرا جيتي الظاهر مدونتي مكانش فيها مطار لطيارتك

بس حاضر هعملك مطار مخصوص

والله سعيد بزيارتك وتجديد الزيارة

اة رؤس الكبريت بتدي احساس بانهم بشر

وخاصة من بعيد بيقاتلوا وبيتحرقوا

زي ما احنا بنولع في بعض

تحياتي يا حلم

Blank-Socrate يقول...

صعب انى اضيف تعليق بعد كل اللى اتقال
لكن فعلا احساس عالى و فكر راقي

كراكيب عادل يقول...

بلانك سقراط

انا هضيف وهقول نورتني بعد غيبة

تسلم يا صديقي

سلسبيل يقول...

اول ماشفت الصور قلت ياربي انا شفت حاجه زي كده قريب شفتها فين شفتها فين؟؟
قومت افتح الجزيرة اشوف اخبارنا عامة واخبار فلسطين خاصة..وساعتها بس عرفت اجابة سؤالي
صور فعلا بتتكلم عن نفسها
تسلم ايدك
ولو اني زعلانه...بقي تخليني اسبوعين حاسه اني فقدت قدراتي الفنية التحليليه الملوخية..وف الاخر طلعت انا صح ..دا مقلب دا
يلا خير...عاوزة كبايه سحلب فتله بقي لو سمحت

كراكيب عادل يقول...

سلسبيل

طب دة كدة احلي واروق

اهم حاجة عرفتي المقصود

ومين جاب سيرة الملوخية

دي كوسة محشية بتنجان

اهو الي بيحصل دة كلة بتنجان بما اننا في شهر7

mariam يقول...

الفكره حلوه جدا
و التعبير عنها بالصور جميل
و اعتقد اننا ممكن نعتبرها تعبير رمزى
بيوضح ازاى ممكن يحدث الأشتعال
و مراحله
و انا قصدى ان ده ممكن يحصل على ارض الواقع
تحياتى

esraa يقول...

عادل انا دبستك في تاجين (:

كراكيب عادل يقول...

مريم

ازيك

دة مش توضيح وبس دة كلام

فية ساعات بيعجز الكلام عن شرح حجات معينة ولما نشوفها بشكل تمثيلي توضح

زي الحكمة كدة والامثال الي بتأثر علينا

منوراني يا مريم وكرري المرور

تحياتي

كراكيب عادل يقول...

يا اسراء يا اسراء

تاجات اية بس بصي فية تاجات كتييييييييير جاتني من ناس حلوين زيك

وملقتش وقت اعملها بجد

ولا هلقي

بس مجرد اهتمامك لوحدة احلي تاج

تحياتي يا اسراء صاحبة حملات الدعاء

:)

احمد رفعت يقول...

رائع أوي أختيارك للصور واختيارك لكماتك واختيارك لوح الكلام .

بوست جميل أحييك عليه يا عادل باشا .

انت كنت فين قبل ما شفتكش .

بس لاقيتك الحمد لله

وينكى يقول...

انا مبهوره جدااااااا

على فكره انا
عامله تجمع بلوجرى جامد جدا بمناسبة نجاحى وتخرجى على خير
والتفاصيل على مدونتى الصغنونه..اللى من غير فذلكه

كراكيب عادل يقول...

احمد رفعت

اهلا اهلا منورني

وانا الي اسعد بمعرفتك

انا موجود من زماااااان

عموما كل تاخيرة وفيها خيرة علي راي المثل

الي مش عارف مين قالة

شرفتني وطبعا تنورني في اي وقت

كراكيب عادل يقول...

وينكي

الف مبروك التخرج

ونشوف التجمع دة علشان نبارك لك هناك

تحياتي

كراكيب عادل يقول...

وينكي

الف مبروك التخرج

ونشوف التجمع دة علشان نبارك لك هناك

تحياتي

غير معرف يقول...
أزال أحد مشرفي المدونة هذا التعليق.
esraa يقول...

بص لما يجيلك وقت ابقي حلهم كلهم مره واحده

اتفقنا(:

كراكيب عادل يقول...

اسراء

*****

فية ناس كتير طلبوا مني قبل كدة وهيزعلوا لو عملت دول وقبل كدة لا

:))

ازيك ؟؟

غير معرف يقول...
أزال أحد مشرفي المدونة هذا التعليق.
camera_girl يقول...

دلوقتى بس عرفت انت ليه موجود وناططلى فالفيفوريت عند ناس كمتير بحبهم....فعلاا مدونه تحفه واسلوبك مختلف

كراكيب عادل يقول...

كاميرا قيرل

ازيك اولا نورتيني لاول مرة

طيب تعرفي اني بس امبارح كنت عندك

وشوفت اخر بوست بتاع الفرح دة

اما الفوفرت عند ناس كتير فدول كلهم حبايبي واصدقائي كمان

وانتي هتكوني منهم

ونتشرف بيك في اي وقت

يالا هنطلك كل شوية اشوف جديدك

:)

امرأة تقول الذي لا يقال يقول...

عجبني جدا البوست ده

el3araby يقول...

هايله اوي ومعبره اوي
وفكرتها عاليه اوي
تحياتي اوي اوي اوي

كراكيب عادل يقول...

امراءة تقول الذي لا يقال


تسلمي تعرفي لسة شايف تعليقك حالا

انا متشكر انك بتابعي الحجات القديمة كمان

كراكيب عادل يقول...

العربي

وانا الكلام وصلني اوي اوي

ومتشكر اوي اوي

ونورتني اوي اوي اوي

Zomorodah يقول...

السلام عليكم
فكره جميله وجديده
دايما الفنان ليه اسلوبه
يعبر بصوره تحمل الف معنى وتغني عن الكلام
ماشاء الله عليك
سلام

bnateeen يقول...

الله يعطيكـ العافيه


دردشة
شات
منتدى
منتديات

غراب & حمامة يقول...

جميل اوى الصور
فين العقول ؟
بس احياناً تكون الشجاعة اضطراراً
تقبل مرورى :)

كراكيب عادل يقول...

زمردة

انتي تمري في اي وقت البيت بيتك

ومتشكراا منك علي الكلام الجميل دة

كراكيب عادل يقول...

غراب وحمامة

هو فية شجاعة كدة ؟؟


مش عارف معتقدش فية شجاعه غصب

غير معرف يقول...
أزال أحد مشرفي المدونة هذا التعليق.
Tariq ez-alden يقول...

السلام عليكم


ربما وصلت متأخراً

ولكن وصولى المتاخر يعنى ان الفكرة الفريدة لا تموت

اعجبنى كثيرا المحتوى

تحياتى

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول