٢١‏/٠٣‏/٢٠٠٧

دعوة لزيارة المدونة الاخري تصوير ورسم

لوحات من رسوماتي وصور من تصويري في المدونة الثانية

http://adel29.blogspot.com/

هناك ٥٧ تعليقًا:

يا مراكبي يقول...

أنا حبيت أعلق هنا يا فنان يا كبير

حقيقي أنا محتاج منك دروس في الظل والمنظور وزوايا الإضاءة .. دي أكتر حاجة بتشدني لما بأشوف أي لوحة جميلة .. حقيقي بابقى مندهش: إنتوا إزاي بتعملوا الحاجات دي؟

كراكيب عادل يقول...

مراكبي

تسلم متخلنيش اعيش في الدور زي زمان هههه

اه الاضاءة هي اساس الرسم والظل لو عرفت ازي توظفهم في اللوحة يبقي خلاص

نبتدي الاول برسم طبيعة صامتة
ولازم يكون فية قماش متنعكش وتتعلم ازي تجيب تفاصيلة بيكون علية اضاءة من ناحية وحدة
بعدها بترسم تماثيل زي فينوس دة
وبعد كدة بنرسم موديل كان فية وحدة ست مش ناسي شكلها في كلية الفنون الجميلة بتشتغل بالساعة تقعد وانت ترسم
كل دة بالرصاص في الاول وبعدها تدخل علي الفحم والباستل واخر حاجة الزيت

تحياتي

bastokka طهقانة يقول...

طهقان برضه بيموت في الرسم

بس بيرسم على البنات مش على الورق

ماتبقى تيجي

كراكيب عادل يقول...

طهقانة

ارسمي زية بالظبط

خلصي تارك

ههههههههههههه

محض روح يقول...

جميل اوى واختيارك للصور تحفه
ورسمك كمان جميل
ربنا يوفقك
:)

غير معرف يقول...

توحفة يا ابني

أنا صحيح ما بعرفش أرسم

بس تصويري حلو
هأبقى أطلع منه هالمدونة تشوفه و تقوللي رأيك

كراكيب عادل يقول...

محض روح

شكراا

جميل الدعاء دة بجد بحبة

شكراا لمرورك

كراكيب عادل يقول...

محمد فوزي

منتظر الصور دي انا بحب اتفرج علي اي صور

هبقي اروح القي نظرة عندك

تحياتي

david santos يقول...

Hello!
Very good. thank you
good day

بيتنا القديم يقول...

والله الله ينور عليك

انا مغرم باللوحات الجميلة والرسم

والتصوير...وكنت هبقا حاجه في الموضوع

ده...بس اخوك نفد علي قانون ومحماه

وحاجات تيجيب وجع القلب

كان في معرض لفنانة هولندية من اصل

عربي في الأوبرا...بس للأسف فاتني احضره

بس جاتني صور اللوحات...جميلة بجد

نهايتو

دي اول مرة اجي عندك وان شاء الله مش

هتكون الأخيرة...بشرط تفضل الحاجات

المعروضة جميلة كده

تحياتي...ويجعلو عامر

كراكيب عادل يقول...

ديفيد سانتوس

انا ابتديت اكرهك علي فكرة

كراكيب عادل يقول...

سمسم

نورتني والله اهلا وسهلا في اي وقت

ام العيال يقول...

الصور كلها جميله
بس بتاعت الاخطبوط عجبتني قوي
ليه مش عارفه
و الولد الي بيعيط كان عندنا في البيت وحده شبها و كنت بحبها قوي

اجري بقه

كراكيب عادل يقول...

ام العيال

فعلا الاخطبوط دة فية حاجة غريبة بتشد مع انة مش اليف

تحياتي يا ام العيال وايه اجري دي هههههه

ibn nasser - ابن ناصر يقول...

ايه الفن ده كله بس
تحياتي

كراكيب عادل يقول...

ابن ناصر

اهلا بيك نورتني اول مرة تسلم

تحياتي

smraa alnil يقول...

عاااااااااااادل
لالالالالالالالالالالالالالا
استحااااااااااااله
بذمتك انت اللي راسم الكلام دة كله
انا مش مصدقة
انا اول مرة اعرف بجد انك بترسم بالحلاوة دي
بجد انت فنان
سواء تصوير او رسم
انت عبقري يا ابني
بجد الصور تحفة
بس عارف حسيت براحة اوي لما شفت صورة الغروب والصور اللي انت راسمها خصوصا بتاعات القصب دي
لا بجد كلهم احلي من بعض
ربنا يوفقك يارب

smraa alnil يقول...

اه نسيت اقولك اني بعتلك تاج من عندي لانك من ضمن القايمة وهتعمل علي الاقل واحد منهم

كراكيب عادل يقول...

سمراء النيل

رافعة معنوياتي انتي او والله برسم وبصور حاليا لضيق الوقت بصور بس
بموت في حاجة اسمها تصوير لسه كمان
فيه حجات كتير مستني اعملهم اسكنر

تعرفي هبقي اقولك علي حاجة بس مش هنا

دي مش غروب هي شبة الغروب فيه صورة فوق لنفس المكان بعد ساعة وربع

متشكر جداا

تاج ايه تعرفي اني مسافر الاسبوع الجاي

ومتبهدل في اختيار الهدايا

الأباصيرى يقول...

الله أية الصور الهايلة دى

جميلة
ومعبرة
وتحس أنها واقعية

و..و..و

هروح أتفرج على الصور الأول وبعدين أقولك رأيي

ههههههههههههههه

-_- يقول...

والله فنان

كراكيب عادل يقول...

اباصيري

من غير ما تشوف رئيك معروف بعد الصور

الي حاططها هناك دي انا عارف انت عايز
اي نوعية بالظبط

هحاول اجيبلك طلبك بس بيني وبينك في الخباثة

كراكيب عادل يقول...

sharm

دة من زوقك يا احمد

شكرا لمرورك

ام العيال يقول...

مش انت بتقول علق و اجري؟؟؟

كراكيب عادل يقول...

ام العيال

ههههههههههههههه

انتي الي تجري مش انا

smraa alnil يقول...

اللي عايز تقوله وصلي يا فندم
يا غشاااش هههههههههههههههه

المهم مسافر فين
هنا
هتيجي يعني

مش تحتار في الهدايا خالص
انا مش عايزة حاجة
وان كان ولابد يعني تجيبلي لاب توب من عندك
او بلاي اسيتشن

بجد ترجع بالسلامة لو هترجع
وتروح بالسلامة للمكان الي هتروحه

كراكيب عادل يقول...

سمراء

اه جاي مصر

12 يوم بحالهم


الله يسلمك

Ma 3lina يقول...

U huv been tagged

http://maa3lina.blogspot.com/2007/03/blog-post_25.html

كراكيب عادل يقول...

ma-3lina

تاج تاج مين عموما اطلعي فوق شوية عند البنت الامورة الي فوق دي وشوفي البلاوي الي عايزاني اعملها مهو لو عملت بتاعك الخفيف دة هعمل البلاوي التانية انا مسافر ومحتاس ومتبهدل

جاي مصر اروق وبعدين اشوف

مع اني بشكرك جداا علي اهتمامك دة

غير معرف يقول...

يا باشا رسوماتك جمده جدا جدا جدا انا بكتب هنا عشان اللي مرحش هناك هي\خسر كتيييير
و ابقى مرّ

كراكيب عادل يقول...

ارتعاشات

مدونتك جميلة عجبني فيها تنسيق الالوان حتي الساعة نفس اللون زوقك حلو ودمك خفيف

شكرا لاطراءك

بس مش كل الناس بتحب الرسم والصور زينا
ممكن يروح ويقفل علطول

الدنيا طباع والناس انواع

قلب أبيــض يقول...

السلام عليكم
أولا انا أسف انى هخرج عن الموضوع
ووأحب أدعوك الى ان تنضم معنا الى رابطة عملناها للعزاب
أنا عارف ان الوقت مش مناسب
والرابطة دى عملنا لها مدونة تسمى
( عاوز اتجوز )
ونأمل ان تشارك معنا بمواضيعك
وحاول مشكورا ان تنشرها بين اصدقاءك والفكرة هتعجبك ان شاء الله
وجزاكم الله خيرا

قلب أبيــض يقول...

السلام عليكم
أولا انا أسف انى هخرج عن الموضوع
ووأحب أدعوك الى ان تنضم معنا الى رابطة عملناها للعزاب
أنا عارف ان الوقت مش مناسب
والرابطة دى عملنا لها مدونة تسمى
( عاوز اتجوز )
ونأمل ان تشارك معنا بمواضيعك
وحاول مشكورا ان تنشرها بين اصدقاءك والفكرة هتعجبك ان شاء الله
وجزاكم الله خيرا

albida يقول...

بقى أنا اول مرة أجى عندك تمشورنى كده وتقول تعالوا يمين وروحوا شمال؟
:) :)
بس بجد الموضوع يستاهل

أنت فعلا موهوب فى فن التصوير ولايه سبب حبك الكبير فى الطيور والحيوانات ده؟


manal

كراكيب عادل يقول...

كاستر

عزاب ؟؟

يعني ايه هههههههه

كراكيب عادل يقول...

منال

ههههههههههههه هو مشوار واحد بس بضغطة وحدة

المهم يكون المشوار يستاهل

لا فية انواع كتير من الصور وفيه كمان اشخاص البقية تأتي

شكراا للزيارة ومتكونش الاخيرة بس

bentfalestine يقول...

مش دايما بالسفر بنلاقي حاجات حلوة , بس بالعنوان الي حاطه السفر علي كان اكثر من رائع ..بجد احييك عليها تحفه
مع اني بحب الرسم و بعشقه و كل ما بروح ع معرض و بشتري لوحة امي بتكون عاوزة تخبطها ع راسي بس تعرف سعرها بتكون عاوزة تحطها بالبيت و ترميني انا ... مع اني فنانه محترمه اه و النبي لدرجة ممكن ارسم عصفور يطلع فيل او حاجة تانية مالهاش صلة بالطيور.. كنت ايام المدرسة استهبل و اقولهم خيال... الا هو في خيال اهبل نفس خيالي..
كانت اول زيارة لمدونتك بس تاكدت انه فاتني كثير اشياء عشان انقي عيوني و روحي عشان هيك اسمحلي اتطفل ع مدونتك دوما
تحياتي خيي بالتوفيق

كراكيب عادل يقول...

بنت فلسطين

كلامك جميل جداا بيعبر عن شخصية جذابة

تشرفي في اي وقت
احلي كلمة في تعليقك خيي
بحبها جداا كانت فية فلسطينية كمان بتقولها لي انت من فين في فلسطين ولا عايشة برة

تحياتي

shabfa2re يقول...

مبروك يا حومبى

كراكيب عادل يقول...

شاب فقري

نورتني والله فرصة سعيدة

حومبي =حبي يعني ولا اية هو انت حرف الميم عندك اية ظروفةهههههههه
بس تعرف مناسبة للصورة

تحياتي

خمسة فضفضة يقول...

السلام عليكم
صور ولا اروع ....بجد فنان

عاوزه اقولك اني انا كمان اتخنقت من الاخ ديفد ده كل مااروح مدونة الاقيه ....يكونش جاسوس .....هههه

كراكيب عادل يقول...

خمسة فضفضة

تسلمي تسلمي

هههههههههههههههههه
ديفد انا كل ما اشوفة في كل مكان اموت من الضحك والصورة الي حاططها معبرة عن التناحة

مجهول يقول...

سأخرج عن الموضوع شويه
وحقولك
معلشي اهديتك تاج
والتاج علينا حق برضه


تحياتي
وياريت متكسلش ياعادل

غير معرف يقول...

مش عايز اكون مكرر و تقليدى
بس فعلا
لازم أقول ان انت فنان كبير و تقيل اوى
و انا سعيد جدا انى عرفت مدونتك

طبعا انت هترد و انا يا باشا اسعد و شرفتنى بالزيارة
ايه الرد التقليدى بتاعك ده؟
مش عارف تجدد؟
.............
تحياتى

كراكيب عادل يقول...

احمد مختار عاشور

وانا اسعد يا باشا وشرفتني بالزيارة

هههههههههههههههههههههههههههههههه

هفكرلك في رد حديث للغاية بس استني علي

غير معرف يقول...

فينك ياعادل يعني مفيش لا صور روعه جديده و لا حتى مواقف جامده من بتوع زمان متحرمناش منك امال

كراكيب عادل يقول...

مجهول

حبيبي اة كلها شهر مش هتاخر

انا مسافر مصر بزمتك مش حلوة مسافر مصر دي

بس شكراااا لاهتمامك يا احلي محمود

كراكيب عادل يقول...

ارتعاشات

مش هتاخر بس علشان انا في اجازة في مصر حاليا وانت عارف الاجازات

تحياتي

-_- يقول...

على فكرة عاجباني المدونة التانية دي

Unknown يقول...

انا هروح هناك.
وعلي فكره أنا دبستك في تاجين, ممكن تحلهم؟

Unknown يقول...

انا متابعة المدونتين من فترة على فكرة

بس كان عندى سؤال كاميكازى كدة

ينفع لو عجبتنى صورة اخدها عندى فى بوست فى المدونة ؟؟؟؟؟؟

وأوعى تقولى مين كاميكاز ده

NeRmeeN يقول...

جميل او ى يا عادل...فنان بجد

كراكيب عادل يقول...

sharm

تسلم انا هحاول اوزع الصور هنا وهناك هنا الصور برضو هتكون موضوع في صورة وهناك صور عادية

كراكيب عادل يقول...

esraa

تاجات تاجات

انا لسة جاي من السفر اليوم الخميس

شكراا لاهتمامك بجد

كراكيب عادل يقول...

انسانة

اوي بس اعرف نوعية البوست ضيفيني مسنجر ونتكلم

كراكيب عادل يقول...

نرمين

اهلا بيك اولا لاول مرة هنا نورتيني

وشكرا لرفع المعنويات دة

جسر الى الحياة يقول...

زمان يا عادل كنت باحب الرسم جدا لكن كل ما اجى ارسم الاقى نفسى بارسم شجر فى الخريق وعيون بس لكن اى حاجات تانية باحس انى مشخبطاها بس باحب رسوم القلم الرصاص او الفحم مدونتك خليتنى اكتشفت ان ممكن الصور الفوتغرافية كمان تاثر فيا زى اللوحات المرسومة احييك على ذوقك لكن فى النهاية دى موهبة ربنا بيديها لاشخاص معينين مش اى حد يبقى فنان