٢٩‏/٠٧‏/٢٠٠٧

انا ضدك وانت ضدي


اانا ضدك وانت ضدي بس اية يمنع اننا نكون اصدقاء ؟؟

تحديث

اعتذر عن عدم الرد علي التعليقات في البوست السابق وعدم متابعة مدوناتكم لفترة مؤقتة لعدم تمكني من

دخول الشبكة العنكبوتية ليلا حلوة عنكبوتية دي باختصار لغاية ما ادخل اشتراك في الشقة الجديدة اة فية صور جميلة في المدونة التانية زي قصة مصورة تعالو بقي اتفرجوا اللينك يمينكم اهو

هناك ٦٢ تعليقًا:

يا مراكبي يقول...

إزيك أخباك إيه؟ بأحييك من المحروسة دلوقت .. بي هي مش محروسة قوي

إيه ياعم البوستس الجامدة اللي وراء بعضها دي؟ الحر خلاك تبقى فيلسوف على فكره

:-D

إن شاء الله تكون بخير دايما

عدى النهار يقول...

طالما إن المسافة بينهم متساوية عمرهم ما هايتفقوا على رأى لكن كويس إنهم ماشيين فى نفس الإتجاه

كراكيب عادل يقول...

مراكبي

ازيك برضو كدة تسيبني يعني علشان بقيت جارك تهرب انت يالا ماشي

شوف هي محروسة حتي لو نص نص

الحر اسكت دة يوم الجمعة هنا كان رهيب وامبارح واول امبارح لا والاسبوع الي قبلة وكمان شهر 6 كلة
لا والشهر الجاي والشهر دة

يعني باختصار الصيف كلة اخر مزاج

دنا اتصلت عليك افتكرتك هنا

عموما اتمنالك السعادة وطمنا عليك

تحياتي

كراكيب عادل يقول...

عدي النهار

انت قلت المفيد اهم شئ ميكونش فيى تقاطع ماشين في نفس الاتجاة

اهو دة الي انا اقصدة

يعني اختلاف بس مش متقاطع اختلاف بس مش عداء اختلاف بس بيخلي الحياة تمشي

دة فية اختلاف بيوصل للقتل

تخيل

اعشق فى الليل ضوء القمر يقول...

انا أظن إننا فى نقطه محدده مش عارفين نتعامل معها
إننا مبنعرفش نختلف
وديه مشكله
أى إختلاف بين إثنين يأدى إلى تنافر بينهم
وده زى ما قلت إننا مبنعرفش نختلف
ينعى المقوله الأختلاف فى الود لا يفسد للرأى قضيه
أقصد العكس

loumi يقول...

العزيز عادل
انا باحب قوى الابيض والاسود
باحب التضاد اللى بينهم
بس التضاد ده ممكن يكون سبب للالفه يمكن كل لون بيكمل التانى وكل واحد شايف فى التانى اللى مش موجود فيه فبيخليهم يقربوا من بعض ويكملوا بعض
تحياتى للقطاتك وافكارك
شفت اهو احمد فى المحروسه
:):):):)
عقبال ما تنزل بقا وتشوف اهلك وتسعد بيهم يا رب

بسمه عبدالباسط يقول...

بوست رائع بس مش عارفة هل ممكن الحاجات المتضاده تتفق مع بعضها
تحياتى لك

Hadota ... حدوتة يقول...

عودة قوية
البوست جميل

سبحان الله
فى موضوع الورق والاقلام دا لازم يحصل نوع من التضاد عشان تظهر الكتابة على الورق


بس تفتكر المبدأ دا بيطبق فى الحياة؟؟؟
صحيح اى اتنين بينهم علاقة زوجين او صديقين بيبقوا متضادين ومش زى بعض عشان الحياة تستمر؟؟؟
مش عارفة

تحياتى ليك
:)

Hannoda يقول...

ما فيش مانع

كل الحكاية إني أكبر دماغي على اللي مش عاجبني فيك
وتكبر إنت على اللي مش عاجبك في
أصل طالما اللي مش حاجبنا مش حايضر .. يبقى إحنا مالنا بس؟؟؟

أصدقاء يا عم ... بس يا ريت الناس تمشي ورانا و تعمل زينا

Unknown يقول...

لالالالالالالالالالالا ده فيه مليون مانع مادام العقول لسة محجرة و القلوب مغمقة
بس أيه يابنى الصورة اللقطة التحفة دى دى تتحط فى متحف مش فى بلوج

Ert3ashat يقول...

ايه يابني ده
انت رائع والله العظيم

بجد لو بتدي كورسات في الحاجات ديه قولي و انا ابقى اول واحد

بجد افكارك رائعه

rack-yourminds يقول...

لازم نحترم الرأي الاخر

وهذا مطلوب من المبدعين والكتاب ان يحترم كل منهم الراي المخالف له

تحياتي لك

Reemo يقول...

المانع ان يكون فى قابليه للصداقه أصلا
ونحترم أراء بعض
ونتقبلها من غير عصبيه
ونحاول نتغاضى عن شويه الحاجت اللى مبتعجبناش فى بعض
بس كده
شفت مش صعبه ازاى يا عادل
نايس بوست :))
تحياتى

The Alien يقول...

المانع إننا مش بنعرف نختلف
إننا مش بنعترف بحق أي حد ف إنه يختلف
يعني م اﻷخر مش بنسمح لحد يكون ضدنا

تحياتي

البنت الشلبية يقول...

الاختلاف فى الرأى لا يفسد للود قضية
ولازم كلنا ننمى ثقافة الاختلاف
انا مختلفة معاك لكن ده ميمنعش انى معجبة بطريقة تفكيرك ..

بوست جميل ومعبر

بجد انت فنان,,

دنـيـا محيراني(ايناس لطفي يقول...

روعه تحفه انا مش عارفه بتجيب الافكار الحلوه ده منين و كمان الصور المعبره دهيسلم قلمك و عقلك
فعلا احنا محتاجين نعرف ازي نتعامل مع بعض حتي لو كنا مختلفين لازم
تحياتي

Ali Mahdi يقول...

جميل جدا يا عادل

فيها كلام تير الصورة دى
برافو عليك
تحياتى الخاصة ليك

أحمد سلامــة يقول...

عدووووووووووول
واحشنيييييي يا صديقي موووت
ايه الروقان والبساطة دي ي اعم عادي
جامده جدا والله
عاجبني قوي التجاي التنويري اللي المدونه ماشيه فيه بقالها فترة ده
ممتازة بجد

رينـــــــــــا يقول...

السلام عليكم
انا شايفه ان التضاد احيانا بيخلق نوع من التجاذب
مش بيكون موجود فى اللى بيكونوا متشابهين
مفيش اى مانع ان اى تضاد يكون بيهم صداقه
دا رأى

محض روح يقول...

الاختلاف مطلوب
كلنا منا يكمل الاخر

صعب نشوف الدنيا بعين وحده
عارف انا بحب رباعيه للجاهين بتقول


لولا اختلاف الرأى يا محترم

لولا الزلطتين ما لوقود انضرم

ولولا فرعين ليف سوا مخاليف

كان بيننا حبل الود كيف اتبرم ؟

عجبى !!
..............
مبروك على تغيرالشقه
ويارب تكون عرفت تخلص من الكراكيب
:)

ربنا معاك يافندم

غمض عينيك يقول...

ممتازة ياعادل
بجد صورة حلوة

تحياتي لافكارك الحلوة

محمد سمير

حواء يقول...

عادل
****
اولا مبروك عالشقة الجديدة ربنا يبارك لك فيها .. انا ضدك وانت ضدى .. بس موافقة نكون اصحاب جدا .. ههههه .. على فكرة ياعدولة اختلاف الالوان مش شرط للضد او العداء اعتقد انك مش تقصد الالوان بمعنى التلوين انا شايفة انك تقصد البشر بأختلاف الوانهم ويمكن جنسياتهم .. صحيح هو انت كنت فين وحتروح فين .. انت عارف بقى انا عندى فضول فظييييييييع .. تحياتى

Unknown يقول...

مفيش أي مانع طبعا (:

david santos يقول...

How are you?
Thanks for your work and have a good day

أميرة يقول...

الصورة دى روعة بجد

اكيد مع التعليق المميز

تحياتى

شــــمـس الديـن يقول...

تروح و ترجع لنا بالف سلامة كويس انك طمنتنا عليك

لما غيبت و رجعت لاقيت النت مفتقد البعض و لكن الحمد لله ان لم يقع مكروه

دمت بكل الخير

غير معرف يقول...

اه معانا هنا فيلسوف
بس مفيش اتنين ضد بعض على طول الخط لابد ان تجمعهم نقطة ما
ومنتظرين عودتك بعد تركيب النت فى الشقة الجديدة

نفسنا يقول...

ندعوكم لزيارة العدد الثالث من مجلة نفسنا
ومن لدية القدرة على الكتابة ويريد الكتابة معنا يراسلنا
nafsena@gmail.com

gohayna يقول...

عارف يا عادل لو بنبص للامور ببساطه كدا مكانش دا بقا حالنا ابدا

بس بجد حلوه الفكره موت يا عادل


وبعدين الشقه الجديده هتاخدك منا ولا ايه
ركب النت وخلصنا بقي
قبل القطع المبرمج بتاع الكهرباء

سمعت انهم هيبتدوا بالسالميه

وخصوصا الحته الي انت فيها

وبالتحديد العماره كمان

انا مكنتش عايزه اقولك انهم منشنين علي الشقه برضه
بس يلا اهه
عشان تحعمل حسابك

ويبقي معاك تكيف محمول

ههههههههههههه

ابقي طمني عليك يا عادل لما تركب النت حضرتك

تحياتي ليك

walaa يقول...

قوى النور لا تجتمع وقوى الظلام .. هناك أبيض وهناك ايضا أسود، وما بينهما درجات تتفاوت في الابتعاد عن مركزيهما ونتفاوت معها .. هكذا أرى

الصورة كالعادة رائعة .. لفنان راااائع

تحياتي

truelove يقول...

ممكن ياعادل نكون فعلا صحاب بس تفتكر واحنا ضد بعض او مخالفين لبعض هنجتمع على ايه وايه وجه التقارب اللي هيكون ما بنا

صاحب البوابــة يقول...

الف مبروك على الشقة الجديدة

تحياتي

:)

أمــانــى يقول...

ازيك يا عمو يا بتاع الكراكيب
تصدق حضرتك ممكن يكون ضده فى الفكر ولكن اكيد فى احتياج اكيد له يغلط بلاقى اللى يقومه
تحياتى لحضرتك ولكراكيبك يا عموووووو

max.adams يقول...

نسامحك يا أخ عادل على التأخير للظروف
بس ايه ده ياعم البوستات عندك ما بتعديش سطرين و جنبيهم صوره وممكن الواحد يرد عليها صفحاااات

تسلم ايدك
مافيش مانع نبقى نقيضين و نبقى أصدقاء

Bossy يقول...

السلام عليكم

ايه يا عم محدش بيشوفك ليه
ممكن اركب تكييف في المدونه بتاعتي علشان تبقي تيجي

بس الصوره جامده اووي
انا بقي اعتقد
لو اتنين شبه بعض في كل حاجه صعب يقدروا يستمروا مع بعض
لكن لو اتنين مختلفين تماما هيقدروا يستمروا مع بعض
لانهم هيكملوا بعض
سلام

غير معرف يقول...

عادل

تصويرك توحفة دايما

نفسي أجيب الزوايا اللي انتا بتصور منها بس الكاميرا اللي معايا مش مساعداني لأنها غالبا مبقدرش أظبط البلار فيها

عشان كدا الصور دايما يطلع جزء منها حلو جدا و التاني مشوش مش عارف ليه

يللا كلها سنة و أجيب واحدة محترمة

تحياتي يا باشا

vision يقول...

اوكىىىىىىىىىىىىىىىىىىىىىىى اوكى اوكى

قضية عم أحمد Ahmed Case يقول...

باشا وحشني وواحشني بوستاتك .

المهم انا وانت مش متضادين .

وده المهم :))

Hannoda يقول...

ايه الغيبة ده ياعادل

و النبي حط الصورة الجديده كده كل ما باجي بحس غني لسة فقطر

:)

انشاء الله يكون غيابك في خير .. مستنياك

Memo يقول...

اختلاف الاراء لا يفسد للود قضيه
يا رب تكون تمام كده و صحتك حلوه

brastos يقول...

و لكنهما يشتركان في ان كليهما قيمة ضوئية..فهما متكاملان في النهاية .. تحياتي

FATMA يقول...

هي الخطوط المتوازية بتتقابل

حواء يقول...

عدولة ازيك انت غايب ليه ... خير انت مسافر ؟؟

غير معرف يقول...

ايه ياعادل فغينك ارررررررررررررجع ياعاااااااااااااااادل متعملش في نفسك كده

قلب أبيــض يقول...

يعنى ايه كلمة وطن
سؤال محتاج من كل واحد فينا اجابة
شاركونى برايكم
قلب أبيض

mesh2dra يقول...

السلام عليكم

عادى
الاختلاف ي الرأى لا يفسد للود قضية


اعتذارك مقبول:P

أسوور يقول...

كلنا بنكمل بعض
والحياة مش بس ابيض واسود
فى الوان كتير ودرجات كتير بين الإتنين لازم نعرفها ونعيش جواها ومعاها

تحياتى

عاشقة الوطن يقول...

السلام عليكم

ازيك ياعادل

ايه الضد اللى من اول البوست ده
المهم ربنا معاك ودخل الشبكة العنكبوتية بيتكم ان شاء الله

وهنروح بسرعة على المدونة التانية نشوف الصور

تحياتى

حسن ارابيسك يقول...
أزال المؤلف هذا التعليق.
حسن ارابيسك يقول...

فعلاً على راي حبيبنا مراكبي
ايه ياعم الفلسفه دي كلها شكلك اليومين دول مديها ارسطو على سقراط على افلاطون
خلي بالك الفلسفه اخرتها مش كويسه
وبالنسبه لموضوع البوست
المشكله اننا كلنا في الوطن العربي بدون استثناء اتربينا على عدم تقبل رأي الأخر فالذي يختلف معي يصبح عدو لي
ولم نتعلم بحق
الإختلاف في الرأي

غير معرف يقول...

قلب لغــزة
هل تعرفون، ماذا يعني مدينة بلا كهرباء؟
غـزة منذ يومين بلا كهرباء
مستشفياتها، منازلها، مؤسساتها التعليمية والصناعية، متاجرها، شوارعها
غزة الجائعة تختنق في الظلام
أدعو الجميع
بوقفة أحتجاجية
بتعتيم المدونات ليوم واحد
الخميس
وعلى كل من يعرف اللغات الأجنبية
الإنجليزية والفرنسية والأسبانية والألمانية... وغيرها
رجاء ترجمة هذه الدعوات وإيصالها للمدونين الأوربيين
مع أرسال نسخة للأخرين لتوزيعها
ربما أستطعنا توصيل صوتنا لمن يشاركنا الحب والغضب في اوروبا

Bossy يقول...

السلام عليكم

فين الجديد

انا عايزه ادخل تاني الاقي بوست مفاجاه من مفاجاتك

ربنا يوفقك

sara يقول...

جميل ومعبر

بس يارب الناس تفهم وتحس

Hannoda يقول...

ايوة كده فهمنا سر الغيبة

بس و الله اشتقتلك يا عادل

يلا بقى ارجع بسرعة

كراكيب عادل يقول...

متابع كل تعليقاتكم يوميا

وبتثبتولي انكم اصدقائي وحبايبي كلكم

شكرااا ليكم بس لضيق الوقت مش قادر ارد علي التعليقات

حواء يقول...

الله يكون فى العون بس برضه مش حعذرك ... ؟؟؟

http://kasperb4.blogspot.com/ يقول...

ما شاء الله عليك وعلى أفكارك
:)

انا بردو عشان كده مش هاين عليه اسمي مدونتك كراكيب عادل
ومن أول زيارة ليا عندك قلت دي تحف عادل
اصدي تحف الاستاذ عادل الفنان

:)

koukawy يقول...

رمضان كريم
و كان نفسي اشتري فانوس كميل لعبد العزيز

Tamer Nabil Moussa يقول...

ازيك ياعادل

اخيارك اية

تحياتى

غير معرف يقول...

يسلموووووووووووووووووووووووو

دردشة
شات
منتدى
منتديات

حمامة يقول...

صح
اختلاف الرأى لا يفسد للود قضية
تقبل تحياتى لفكر سعادتك :)

Fantastic يقول...

صعب انهم يتفقوا ف يوم من الايام
طول ما الابيض ابيض والاسود اسود
احييك على ابداعك