١٥‏/٠٣‏/٢٠٠٧

كلها دقيقة ......واضحك


ساعات الواحد بيقعد مع نفسة ويسرح

بعيد عن كل المشاكل الكثيرة الي حوالينا

كل واحد فينا يا اما عمل ازمة او اتعملت فية

بس في الأخر لو يفكروا الاتنين هيلاقوا ......

الانسان محتاج 20 سنة علشان ينضج (يبلغ اشدة)يعني

من ساعة ما كان في بطن امة وبعدين طفل وبعدين شاب

وهنا عقلة بيكون في قمة النضوج ويفكر ويفكرويفكر

هيحتاج 3 الاف سنة علشان يكتشف طريقة بناءة وخلقة

وهيفضل للأبد علشان يعرف حاجة عن نفسة .......

بس دايما بينسي ان دقيقة وحدة كافية لقتلة ........

كل يوم وكل ليلة اتغم وحتي لما بحاول اضحك مش بعرف

عالمي اصبح غريب ... امبارح شوفت لقاء ...في التلفزيون
ناس بتعمل اللبن ...للاطفال والشيوخ والحوامل والرضع

ومش لي انا علشان مش بحب اللبن ... الحمد لله

مكونات اللبن لوحدها مصيبة ... معلش مقدرتش

اركز في المقادير من الصدمة... بس فاكر الزهرة
اة بتاعة الهدوم دي وبودرة بلاط علشان التماسك يعني
وسماد اليوريا علشان خدع التحليل وزيوت نباتية
المهم شوية عك وتتعك ...تبقي لبن ودة كلام الجرايد

يا ناس ارحمونا ... حرام عليكم
انا خلاص مش عارف ... اضحك...
يالا كلها دقيقة وانسي ...................

هناك ٦٤ تعليقًا:

غير معرف يقول...

فعلا كلها دقيقة

دقيقة تقتل او تتقتل

دقيقة

انا هرجعلك بعد دقيقة علشان تكون عرفت تضحك

الأباصيرى يقول...

زهرة!!!! سماد يوريا؟؟؟

أنت بتتكلم عن اللبن اللى بيتشرب عادى دة

اللبن اللى بيرضع منة الأطفال؟؟؟؟

هههههههههههه
بس الناس عندهم نظرية برضة
عشان الطفل يطلع نضيف وعينية زرقا وأمور

أما السماد دة.. فعلشان النمو الصحى ومكافحة الأفات الضارة ودودة القطن

------------

إلا انت كنت بتضحك لية امبارح لما كلمتك
:)

كراكيب عادل يقول...

Anonymous

اه دقيقة هي العمر الحقيقي لعمر الانسان لو شوفناه بمنظورة الطبيعي

الانسان ابو دقيقة دة عامل نفسة حاجة ومش ساكت في خلال الدقيقة دي بيعمل بلاوي وعايز بعد كدة يترحم


تحياتي هحاول الضحك يا سيدي بالليل

كراكيب عادل يقول...

اباصيري

يا اخي دايما نظرياتك جاهزة

قصدك يطلع متهتك ومسرطن ووشه اصفر من الامراض

اما النمو هو هينمو نمو مفيش كدة


اه كنت بضحك لية نسيت يا اباصيري

بس انت اصلا فقر ولازم اضحك

Ma 3lina يقول...

انا كنت سامعة عن الموضوع دا امبارح فى نجوم اف و قريت الجرنان بس مصدقتش نفسى صراحة يحطوا ماية اكسجين و بودرة سيراميك

الضمير مش موجود طيب مياه ماشى لكن الحاجات دى صعبة اوى

الحمد لله انى مش بشرب لبن

كراكيب عادل يقول...

Ma-3lina

انا افتكرت المقادير انتي فكرتيني بودرة بلاط وسماد يوريا وزهرة وكل الحجات دي علشان التحاليل ميبانش انها مغشوشة

فعلا علي كلامك لو مية علي الاقل تتبلع

لكن الحجات دي مصيبة هموت انا من الغلب والفساد

انا وانتي مش بنشرب لبن بس اغلي الناس لينا بيشربوا لبن


تحياتي

FATMA يقول...

اه انهارده فعلا و انا بشرب الناسكفيه واحد قالي خلي بالك ده مش لبن ده بودرة سراميك انا ضحكت افتركته بيهزر ربنا يستر علينا بأى

غير معرف يقول...

احب اعرفك ان امبارح قبضوا علىصاحب مصنع جبن بيضيف البطاص الى اللبن لتحويلة الى جبن وكان شغال من سنين شوف كام واحد اتهرت معدتة من البلاوى دى وشوف ازاى ممكن تعرف تنسى و تضحك ياسيدي

كراكيب عادل يقول...

توتة توتة

صدقي صدقي يعني انتي حاليا شربتي الخلطة دي


طب وبعدين نعمل ايه الواحد بقي خايف من كل حاجة

اليوم كنت عايز اكتب حاجة تضحك

مقدرتش

عموما تحياتي وشكراا للزيارة

كراكيب عادل يقول...

Anonymous

اه قصدك البطاس

مهو نفس القصة لدرجة ان الناس الي شغالة في المصنع كانوا يخافوا يلمسوا

المواد دي علشان ايديهم متتحرقش

وكانوا بيغرفوا بالجاروف وارمي

والناس تشرب وتموت مش مهم اهم حاجة

المصنع كسب كام

تحيا الفساد

يا مراكبي يقول...

أنا مافهمتش الموضوع إلا لما قريت التعليقات لأن ما مانش عندي علم بالموضوع .. دي مصيبة كبيرة وغش فاق الحدود

اللهم إليك نشكو ضعف قوتنا وقلة حيلتنا وهواننا على الناس

كراكيب عادل يقول...

يا مراكبي

الحقني يا مراكبي جبت الزبادي ومش قادر اشوفة كل ما ابوصلة افتكر بودرة البلاط

ومفيش حد يقدر يثبت ان دة مش لبن

ومنة بيتورد للمصانع الكبيرة والجبنة وكلة لا وانا كل ما اروح اشتري جبنة اختار النوع المصري

انت يا عم

هديتك موجودة معاي وبلف بيها طول الوقت لو امكن تقولي بتصلي فين الجمعة نتقابل واديهالك

تحياتي

كراكيب نـهـى مـحمود يقول...

اعتقد كوباية عصير قصب قبل النوم هتسعدك تنسى اسرع
مدونتك ظريفه ودمها خفيف
اسمها كمان عجبني اوي

كراكيب عادل يقول...

كراكيب نهي

اهلا بيك ونورتي المدونة

عصير قصب والله فكرة بس للاسف انا مش في مصر علشان اشرب عصير قصب اما انزل اجازة بئي

النسيان ممكن بس بيفضل الاثر

اسم المدونة عجبك علشان احنا الاتنين بنحب الكراكيب الظاهر

انا لسة جديد بقالي شهر بس

تحياتي يا نهي

... يقول...

عادل
انا اكتأبت زيك لما شفت البرنامج
حتى منى الشاذلى ما كانتش قادرة تبتسم
المشكلة اننا ما نقدرش نلوم الحكومة فى دى بأة
الناس اصحاب المعامل دول اتقتلت ضمايرهم فى دقيقة.. وقرروا يقتلوا اى حد يشرب لبن او يأكل جبنة
لأنهم للاسف بيوزعوا منتجهم على المصانع الكبيرة اللى بنثق فيها

يبقى فاضل ايه؟؟
احنا بقينا وحشين فعلاً
وهذه هى المشكلة الحقيقية

يارب تكون لقيت حاجة تضحك

انا قلتلك من البداية ان اضحاك الناس اعظم مشكلة حالياً

كراكيب عادل يقول...

حلم

كل واحد يجي هنا اقولة الحقني

فعلا الناس خلاص انا بس عايز افهم

نفسي اعرف الناس دي اية مش عارفين انهم هيموتوا مش عارفين ان فية اخر وحساب مش عارفين علي الاقل ان الناس من حقها تكون مطمنة وهي بتاكل

ولا بتشرب

ملعون ابو الفلوس

اضحاك الناس

اما اضحك انا الاول

هحاول

تحياتي يا حلم

يا مراكبي يقول...

أشكرك كتير على تعبك معايا وعلى إنك تكرمت ووصلت لي الجايزة بنفسك .. ده كرم كبير قوي

كراكيب عادل يقول...

يا مراكبي

يا عم دة مش تعب ولا حاجة انت تستاهل


انشاءالله تعجبك الحجات دي

david santos يقول...

جيد الاسبوع

SomeOne يقول...

الوووووووو

انت المفروض نسيت خلاص

:))

طب انا مش حفكرك

انا بس بمسي التماسي

تحياتي

كراكيب عادل يقول...

شادي


اة عدت دقايق كتير

لازم اكون نسيت


هنزل بالجديد


:))

ساعه الغروب يقول...

مش عارفه ليه حسيت حزنك مؤجل
يعنى حيتك حزين بس بعد دقيقه

البرنامج انا ما قدرتش اكمله
لانى ببعد عن اى حاجه بتبعث فيا شعور سلبى
وبعدين هما قالوا على كل حاجه ملوثه

يعنى هيا جت على اللبن
اللحمه والسمك والفاكهه
والطيور

تفتكروا ممكن ناكل ايه؟؟

ادينا عايشين
ولو بعد دقيقه
:)

مجهول يقول...

ياخرابي
كل ده بيحصل
انا مش حشرب لبن
ولا حاكل جبنه
انا خلاص حموت من الجوع
منك لله ماكنت بتضحك بس
ايه المواجع دي
ليه بس يا عادل خلتني اتوجع واخاف من اللي جاي
تحياتي لك ومعلشي اني كنت بعيد شويه

كراكيب عادل يقول...

ساعة غروب

الدقيقة دي هي عمرنا كلة بمقياس مختلف شوية لو بصينا لحجمنا

علي رئيك كلة ملوث

هي جات علي اللبن

بلاها لبن

تحياتي

كراكيب عادل يقول...

مجهول

تعرف انا دلوقتي متذكر البوست بتاعك بتاع انك تكون نباتي دة اعتقد حل سليم في وسط البلاوي دي

تشرف في اي وقت

مدونتك كلها احاسيس جميلة

وراقية

محض روح يقول...

مش عرفه اقولك ايه
انا الموضع ده كئبنى اصلا
والواحد مش ناقص اعدت تقولى تعالى عندى البلوجرز تضحك
جيت على اللبن المجنس
انا عرفى حظي
بس تصدق من كتر الى شفناه بجد حسه اننا نحسنا
فى كلمها بحبها قالها شاعر زمان

(تعودت الخلايا العصبية على كل شيءحتى بات علينا أن نيئس من تصور أي حماقة
يمكنها إذا دخلت الأدمغةأن تحملها على
الانفجار

ربنا يقوينا

كراكيب عادل يقول...

محض روح

انتي الي اتاخرتي في المجئ

ظروفك كدة


بس كلامك الاخير دة كلة صح


من كتر البلاوي نحسنا

خلاص بقينا جبلات


ربنا يعين فعلا


تحياتي كرري الزيارة يمكن :((

smraa alnil يقول...

لالالالالالالالالالالالالالالالالالالالالالالالالالا
الحمد لله ان تليفزيونا طلع بايظ
لالالالالالالالالالا
دول هيصلحوه النهاردة
لما الحق اقولهم مش يصلحوه
ثم انا اصلا مش بشرب اللبن من صغري
انا باكل سيريلاك
حسبي الله ونعم الوكيل
ثم احنا مش بنغسل بزهرة يقوموا يحطوها في اللبن
وانا اقول الواد اخويا وشه زهزه ليه
وابويا ابيض شوية
لالالالالا
انا مش هسكت علي كدة
انا اندد واشجب واعترض

كابتن
هو الكلام دة ينطبق علي اني لبن يعني

Reema يقول...

طبعا مفيش كلمة اقولها غير انها مصيبة

والظاهر ان الغش بقى العادي

اللي مش عادي ان الحاجة تكون عادية

فهمت حاجة
:))

برده لازم نضحك:)

سلاماتي

كراكيب عادل يقول...

سمراء النيل

حتي لو مصلحتيش التلفزيون المدونات راحت فين ؟؟

احنا عالم عكاريت برضو

سيريلاك يا بختك سيريلاك يا حظك

انا كمان مش بحب اللبن


موضوع اخوكي الزهري دة موتني من الضحك

بس انتي سمرا صح ؟؟

يبقي جات في اخوك

بالنسبة لكل الانواع دي معرفهاش هههههه

انتي وحظك

تحياتي

كراكيب عادل يقول...

ريما

لا بصراحة مفهمتش ارسيلك علي حاجة
ههههههههه

العادي يكون عادي

لا باين عليك اكلتي زبادي

مصيبة ان الواحد يكون مرعوب من حجات عادية كوباية لبن ولا زبادي

ربنا يستر

تحياتي ريما وشكرا لمرورك
كرري الزيارة

أميرة يقول...

موضوع دقيقة وانسى مش عارفة كويس والاوحش

الواحد بينسى عشان يعرف يعيش بس كدة بيبقى عايش متخدر

ناقصة هى اللبن كمان حقيقى مأساة

بس فى حاجة غريبة فى المكونات ياعادل

الزهرة دى لونها ازرق مش معقولة يعنى واللبن ابيض يزرقوه

يمكن حطوا بطاس
وبعدين المكونات دى ارخص من انهم يجيبوا لبن فعلا ويعبوه والا هى موضة الفساد والغش ومشيت فى البلد بقى

غير معرف يقول...

gmeel gedan...eslob raky we momyaz we rabean yzwed krakebak ya rab

كراكيب عادل يقول...

اميرة ويلز

موضوع الدقيقة مجازي

لاني بقول الانسان كافي دقيقة لقتلة

وانا بعتبر عمر الانسان دقيقة بس بالنسبة لحجمة

يا ريت ننسي بس صدقيني مش هنقدر لاننا هنعيش مرعوبين من كل حاجة

المكونات فيها شغل جامد وغش محترف الزهر علشان الزيوت النباتية هتخلي لون اللبن يكون اصفر الزهرة هترجعة للونة الابيض مرة تاني هو اصلا مفيش لبن من اصلة دة اختراع جديد منتج خارق للغاية للانسان

الانسان الي مفروض يخاف من انة يموت بعد دقيقة

اه هي موضة غش نقدر نقول سعار البحث عن الاموال باي طريقة ولو كانت علي جثث الاخرين


متجيا نفتح مصنع زي دة ونشوف ارخص ولا لا

بس مش هنبيع المنتج هنصدرة لاسرائيل

حتي لو اسرائيل بالنسبة لي محتاجة شوية تفكير

فما بالك اهلنا واقاربنا

تحياتي

كراكيب عادل يقول...

ert3ashat

شكراااا لمرورك ودعاءك دة


ويخلك لاي حاجة تحبها


تحياتي

Unknown يقول...

ليه بس مش عارف تضحك؟
يعني بعد الدقيقه دي ممكن تضحك تاني؟
ممكن تخلي كل حاجه تضيع, بس اوعي تسيب ضحكتك تضيع.

كراكيب عادل يقول...

esraa

من اشباة البشر مش عارف اضحك من الناس الي سرقت كل ابتسامة مش عارف اضحك من الناس الي تخليكي تنامي وانتي قلقانة علي كل حد بتحبية وتخافي علية

الدقيقة تعبير مجازي


اه اكيد هضحك لاني مريت قبل كدة بحجات كتير انا الضحك معاي هو الحياة

مش بعرف اعيش مغموم حتي لو خطيت فوق الهموم


حتي لو اطريت اخلق من الهموم ضحكتي

تحياتي اسراء

وشكرا للمرور

khaled يقول...

انا سمعت الكلام فى التلافازيون
حسبى الله و نعم الوكيل
هى الامراض المستوظفة عندنا من زمان دى من شوية
حراااااااااااااااااام
و الله حرام
مش عارف اقول غير
حسبى الله و نعم الوكيل

كراكيب عادل يقول...

خالد
فعلا الامراض بقت كتير في مصر


الناس يا جدع مخوخة من جوة


منهم للة


تحياتي

barrak يقول...

حصح لسانك
فعلا هي كلها دقيقه
رائع
ومختلف

غير معرف يقول...

ما أصل إحنا شعب عفا عليه الزمن

مستنيين واحد ييجي ياخدنا من ايدينا يودينا السكة الصح و ينفضلنا هدومنا و يبوسلنا الواوا زي ما بيعملوا للعيل الصغير اللي بيقع في الشارع

يا راجل هوا البلد بقى فيها ذمة

ع فكرة ، شكرا جزيلا إنك ضفتني على لينكاتك

لسة ضايفك من شوية أهه و الله

معلش يا جماعة أصل أنا كنت ناسي موضوع اللينكات دا خالص

كراكيب عادل يقول...

براك

نورت المدونة وصح بدنك يالغالي


شكرا لاطراءك



مدونتك هايلة

كرر الزيارة

كراكيب عادل يقول...

محمد فوزي

بالحضن يا راجل فينك من زمان


مش انا اتشتمت يا محمد شتموني ولاد الهرمة


والله ما فية زمة يا محمد


احنا بنرجع لورا حتي الناس الي بتاجرلها ساعه في السيبر بتفضل تشتم في الناس

:((

تحياتي يا محمد وشكرا علي اللينك

david santos يقول...

InsyaAllah

غير معرف يقول...

السلام عليكم

شفت الحلقتين الجمال علي العاشرة مساء
بصراحة حاجة تطمن جدا
*********
بس انا اصلا معنديش ثقة في اي اكل بناكله
يعنى ماجتش علي اللبن من الاخر
مبيدات مسرطنة
جنون بقر
انفلونزا طيور

وبعدين تلاقي حد ظريف خفيف بيرد عليك ويقولك
طب ماهو ايام سيدنا عمر بن الخطاب كان فيه غش في اللبن
********
حد معترض؟

يبقي تاكل وانت ساكت
*********
وبعدين يا عم اضحك مفيش حد واخد منها حاجة
الدنيا مآلها إلي زوال
والبني آدم برضة مآله إلي زوال

سلاماتي

كراكيب عادل يقول...

mesh2dra

فعلا هي جات علي اللبن

هو المبرر موجود عندما نريد ان نضع الاخطاء علي الشماعات

انا عموما باكل بس مش من مصر

ولو جيت مصر مش هاكل هصوم


لازم نضحك علشان نداري اصوات الحزن جوانا

انا سعيد بمرورك

تحياتي

بين الأمل و اليأس يقول...

ياه بجد جامده بغض النظر عن الموضوع بس انا بجد شدني فعلا احساس نقطة تخيل انك خرجت بتفكيرك وعشت في ملكوت غير الدنيا خالص نسيت فيه مشاكلك وهمومك ياه الله حلو اوي
اما بقه موضوع اللبن فانا شكلي مكنتش عايش هو الموضوع ده مش كان انتهى ولا ايه اللي فكرك فيه تاني
انت ياعم رحت فين ورجعت ياعم لسه بخير
وبعدين هي غريبه دا مصر
هو بصراحه انا كنت اسمع عن الموضوع بس معرفش تفاصيل وبعدين هو من ايام منا كنت لسه اخر تفكيري ازاي انجح في المدرسه واعدي الكليه معرفش حاجه عن الدنيا دي خالص بس عادي
وياترى ممكن نخلي اللحظه الصافيه دي دايمه ولا هاتفغضل لحظات زي مانت قلت
وشرفتني بمعرفتك على فكره انا ... مبسوووط
وربنا يسترها

كراكيب عادل يقول...

بين الامل واليأس

كل واحد فعلا بيكون مشغول بحاجة في حياتة تحصيل علم تربية اولاد البحث عن مصدر الرزق او مشاكل اخري

تلاهي فعلا

شرفتني يا حازم

انا مبسوط اكتر

Hannoda يقول...

طيب شفت الراجل اللي ابنه في المستشفى من اللبن ده

شفت دموعه.. دموع شاب ... وأب و زوج ع الهواء

شفت حرقته و شلهفته و هو بيشكي من البلد اللي جابت أجل ابنه

وبتقول حاتنسى؟؟.. أراهنك إ،ك و لا حاتعرف تنسى.. أصلنا مش ملاحقين

Hannoda يقول...

طب شفت أبو الطفل اللي دخل المستشفى بسبب اللبن

شفت دموعه.. شفت حرقة قلب أب و شلهفته و إحمرار وشه و تقطع صوته ؟؟

وبتقول كلها دقيقة و حاتنسى

أراهنك انك مش قادر تقعد دقيقة ناسي أساسا

ده احنا مش ملاحقين

كراكيب عادل يقول...

hannoda

لا مشوفتش بس حاسس بكل حاجة ممكن تحصل

دة خبر جديد علي يؤجل الابتسامة للكل


انا بجد حزين لدرجة اني بهلوس بالليل من البلاوي دي

او يمكن علشان فكرت كتير

تحياتي يا هنود

ام العيال يقول...

اه و الله مصيبه
تعرف مش اللبن طله لبن ازيس
ال ايه حيوي
ده بيقضي على الحياه
هيه جت على دي الله يستر
كيماوي
سموم
حتى الهوا؟؟؟؟؟؟؟؟

كراكيب عادل يقول...

ام العيال

فينك من زمان مختفية انتي اتحسدتي ولا اية

لا مجاتش علي دي خلاص احنا نحسنا ومنتظرين حجات تاني كتير

تحياتي
هروح عندك علشان اشوف مدونتك

كلام لوجيك يقول...

انا ذهلت لما قرأت عن الموضوع ده
الغش وصل للدرجادي يا بشر؟؟
الغش موجود فى كل دول العالم وبنسب متفاوته
لكن فى رقابه حقيقية شغاله وبتكشف
لكن ان يصل الغش الى درجات خطيرة قد تؤدي الى الوفاة او الى امراض مستعصية
فهذا ما لا أتخيله ابدا
طب العيب فى مين؟؟
فى الحياة الصعبة اللى المواطن بيعيشها؟؟ ولا فى موت الضمير وتبلد الاحساس؟؟
ولا فى ضعف الرقابه واستهبال الحكومة؟؟
امنت بيك يا رب

تحياتى

الراقـــص مع الذئـــــاب يقول...

السلام عليكم
تحياتي لك وعلي مدونتك الجميلة وبخاصة مدونة اللوحات التصويرية الجميلة

اما بخصوص اللبن والذي منه انا بتبع سياسة ولا كأني سمعت حاجة
يعني هشرب لبن وهاكل قشطة مش هحرم نفسي من حاجة
سد ودانك وغمض عنيك...مش ديه الجملة اللي كانت مهمهتنا بتقولهلنا عشان نشرب اللبن كل يوم غصب عننا واحنا صغيرين
دلوقتي برضو هنقولها لنفسنا واحنا كبار
يا عم كببببببببر دماغك

تصحيح بسيط
الانسان بيبلغ اشده عند 40 سنة مش عشرين


تحياتي لك وعلي زيارتك الجميلة وتشريفك مدونتي

كراكيب عادل يقول...

كلام لوجيك

شكرا لزيارتك وكلامك كلة مظبوط


تحياتي

كراكيب عادل يقول...

الراقص مع الذئاب

معتقدش دي وجة نظرك انك تقول وانا مالي مش علينا الخوف لو كان علي انا انا اصلا مسافر انا علي ناس بنحبهم

شكراا للتصحيح بس انا قصدت النضوج يعني يبقي شاب وبيفكر ال 40 دي يبلغ اشدة يعني يكون في قمة النضوج والعقل
لتحمل اعباء اكبر واكبر مش مجرد التفكير

تحياتي وكرر الزيارة

خمسة فضفضة يقول...

السلام عليكم ورحمة الله وبركاته

انا بطلت اتفرج علي العاشره مساء علشان مافيش ولا حلقه مافيهاش مصيبه والمصيبه ان كل مصيبه اكبر من اختها
شفت المصيبه ....هههه

كراكيب عادل يقول...

خمسة فضفضة

هههههه انا في العادة بتفرج علي التلفزيون من ظهري يعني اسمع بس وانا علي اللاب توب مليش دعوة بس ساعات حاجة تشدك تشوفي البلاوي علشان النكد بئي

تحياتي مرورك غالي

دوللي يقول...

اللبن اللبن اللبن وهو خلاص غشوا اللبن و العضم خلاص بقي لبن و اللبن اللبن اللبن

كراكيب عادل يقول...

دوللي

لااملك الا الضحك لتعليقك انتي دمك خفيف

ضحكتيني خلاص هملتيها اغنية

تائهة فى أرض الأحلام يقول...

تصدق الحياة بقت فعلا خنيقة
بس مش عارفة هل الحياة فى مصر بس هى اللى خنيقة ولا الحياة فى اى حتة فى العالم هاتبقى برده خنيقة كدة

طهقان يقول...

شكلهم يفتحج النفس

بس بيفكروني بالماكس اللليلاتي اشوفه جنبي على السرير


عجبي

غير معرف يقول...

on distingue la face anterieure de la matrice.