10‏/03‏/2007

الحمار الوحشي مع مين

بصوا الليلة طالبة تمارين مش رياضية تمارين من العينة الي تهدي الواحد وتحتاج
تفكير عميق شوية

لان ساعات المخ بيركن كدة زي الساعة لما تخلص بطاريتها ...والمقلب موجود تحت
التمرين دة الي عايز يقراة

يالا كل حد يجيب ورقة وقلم رصاص واربعة الوان اخضر وذهبي وازرق واصفر
هيعجبكم التمرين دة
بجد......................خلاص ؟؟ نبتدي
==================================================

هنالك اربعة اشخاص من اربعة اقطار عربية ,,,كل منهم يسكن منزلا مختلف اللون عن

منازل الاخرين ,,,وكل منهم يدخن نوعا مختلفا من السجاير ,,,ويشرب نوعا مختلفا

من الشراب,,,ويملك حيوانا مختلفا عن الاخرين
  • السوداني يملك الكلب
  • القهوة تشرب في المنزل الأخضر
  • المصري يشرب الشاي
  • البيت الاخضر يقع مباشرة الي اليمين من البيت الذهبي اللون
  • الشخص في البيت الاصفر يدخن سجاير كنت
  • الكويتي يسكن في البيت الواقع علي الطرف الايسر
  • مدخن سجاير فيلادلفيا يكون الجار المباشر لمالك الثعلب
  • مدخن سجاير كنت يكون الجار المباشر لمالك الحصان
  • الشخص الذي يدخن مارلبورو يشرب عصير البرتقال
  • الشخص السعودي يدخن سجاير بيبلوس
  • الكويتي يسكن في البيت المجاور للبيت الازرق
السؤال هو : من يملك الحمار الوحشي ؟؟
ومن الذي يشرب الماء ؟؟؟
هنعمل سحب للفائز طبعا
دة اسمة تمرين في التفكير المنظم وجميل جدااا

هناك 52 تعليقًا:

elkamhawi يقول...

مش عارف

كراكيب عادل يقول...

elkamhawi

حاول تاني وتالت سهلة ارسم اربع بيوت جنب بعض واتبع البيانات

غير معرف يقول...

طعم ولذيذ
زاللذيذ يكتب اللذيذ يا ابو عبد العزيزززززززززززززززز

wanna b a bride يقول...

دا انا اللي باشرب الماية
عشان ريقي نشف

تمام

lastknight يقول...

تمرين رائع و مسلى فعلا .. بغض النظر عن النتيجه صح ولا غلط .. بس متهيألى المصرى يمتلك الحمار الوحشى و الشعودى بيشرب ميه
عموما ده أول تعليق ليا فى مدونتك التى بهرتنى بوجه عام .. و أن شاء الله تتكرر الزياره كتير .. و ابقى شرفنى

khaled يقول...

مالك الحمار الوحشى ده اسم ابن الحمار الوحشى بالكامل
و الذى يشرب الماء هو الشخص العطشان

كراكيب عادل يقول...

Anonymous

طيب انت مين يا لذيذ اكيد تعرفني صح

كراكيب عادل يقول...

wanna b a bride

انتي عايزة تفهميني انك كويتية يعني ولا اية

دة ضمن التمرين يعني بس مش اكيد برضو انا عايز الكل يحاول

انا قلت اسليك بدل ما تنتظري الايملات من العرايس والعرسان دول

شكلك هتشتغلي خاطبة

كراكيب عادل يقول...

lastknight

شكرا لمرورك


الحل في الاخر يمكن بس لازم كل البيانات تطلع صح شوف تاني لازم ورقة وقلم والوان واستيكة وقلم رصاص

هههههههههههههههه
تحياتي

كراكيب عادل يقول...

khaled

لا بجد مفهوش تلاعب بالالفاظ دة دة فعلا تمرين ولو معندكش ترتيب لافكارك مش هتعرف النتيجة تفكير منظم

يالا منتظر ردك يا عم سيب البرمجة شوية


تحياتي

Sampateek يقول...

طيب يا عادل شيل لي الجايزة بما اني اذكى اخواتي
بس انام و اصحى و اجي ادلوا بدلوي

ساعتين كده
:)

كراكيب عادل يقول...

sampateek

متخافيش علي الجايزة موجودة في الحفظ والصون

وفي انتظار دلوك يا اذكي اخواتك

محمد فوزي آل ربيع يقول...

طب استنوا عليا بقى ساعتين
آخد كوبايتين شاي بلمون
و اتنين مج نسكافيه

و راجع

كراكيب عادل يقول...

محمد ال ربيع

نورت المدونة اول حاجة

ايه حكاية الساعتين دول اتكرروا

كل حد يدخل يقول هغيب ساعتين


عموما احنا منتظرينك

مش هنمشي

طيب متجيب المشاريب دي هنا

محمد فوزي آل ربيع يقول...

عرفت الحل

عرفت الحل

أستاذ ممكن أجاوب؟

و الله كان من عيني أجيبلكوا المشاريب بس التموين خلص من البيت

لو عايزين أنزل السوبرماركت أجيب شاي و سكر و نسكافيه و كابتشينو و كدة يعني

أهو كلو في الآخر مخصوم من الجايزة هههههه

أجاوب بأه؟

كراكيب عادل يقول...

محمد ربيع

جاوب يا عم اكيد مخمخت جامد

بس مش هقولك صح ولا غلط حاليا

محمد فوزي آل ربيع يقول...

طيب

بسم الله

احم
احم

بعد البحث و التحميص أقصد التمحيص و التدوير شمالا و يمينا و فوقا و تحتا إية دة إية الل أنا بقوله دة؟

الجواب:

مالك الحمار الوحشي هوا السعودي

اللي بيكع ميه هوا الكويتي

إية رأيك بأة يا معلم؟؟؟؟

أنا عاااااايزززززز جايزتييييي

كراكيب عادل يقول...

محمد ربيع

يمكن صح ويمكن غلط


اما نشوف

شــــمـس الديـن يقول...

السلام عليكم

بقي دي رياضة خفيفة دي ؟؟؟

استنوا بقي لما اقعد امخمخ
يا جدعان دا مستوي اولمبي محتاج له تمرين

ان شاء الله هفكر و اقدم لكم الحل ...بس عايزين معلش نعرف ايه الجوائر اللي هناخدها و ياريتها تكون مادية

كراكيب عادل يقول...

شمس الدين

وعليكم السلام ورحمة الله وبركاتة

يااااه اخيرا جيتي مدونتي شرفتيني

طب كنتي تقولي كنا نفرش الشاشة ورد

هي ايه حكاية الساعتين دول

عموما انا عندي احساس انك هتوصلي

مخك انتي بالذات عاجبني

تحياتي

كراكيب عادل يقول...

الجائزة تستاهل التعب


لو حد هنا في الكويت هيستلمها من هنا ولو في مصر انا جاي قريب


يعني مش هتضيع

يا مراكبي يقول...

إحم إحم

البيت الأخضر فيه السعودي بيشرب قهوة وسجاير بيبلوس وعنده حمار وحشي

البيت الذهبي فيه السوداني وبيشرب عصير برتقال وسجاير مارلبورو وعنده كلب

البيت الأزرق فيه المصري وبيشرب شاي وسجاير فلاديفيا وعنده حصان

والبيت الأصفر فيه الكويتي وبيشرب مياة وسجاير كنت وعنده تعلب

وانا ساكن في أوضتين وصاله وبأشرب فسكافيه زعندي إستبحس

تصبحوا على خير

كراكيب عادل يقول...

مراكبي

تعرف انا بنتظر تعليقك علشان الحته الاخيرة من التعليق او الاولي النص بيكون جد طبعا هما الناس المهمين كدة

وانت من اهلة وجاري الفرز


تحياتي

غير معرف يقول...

كويتي مصري سوداني سعودي
ثعلب حصان كلب حمار اصفر ازرق ذهبي اخضر
ماء شاي برتقال قهوة وكنت وفلادلفيا ومارلبورو وبيبلوس

غير معرف يقول...

الكويتي يشرب الماء و السعودي مالك الحمار الوحشي
انا عوزة الجايزة يا مستر بليز وبسرعة

محمد فوزي آل ربيع يقول...

إية دة إية دة؟

دا غش

الأولاني هوا اللي لازم يفوززز

فين جايزتي يا عالم؟؟؟؟

أنا عايز جايزتي يا عم عادل

يا إما هشيل كراكيبك دي و أرميها فوق دماغك

وسع يا انت و هوا

البلوج بلوجنا
و الجايزة بتاعتنا
و عادل صاحبنا و حبيبنا
و المشاريب على حسابي

إية رأيك بقى يا عم عادل
ظبطتك أهه
ظبطني في الجايزة بقى

و أنا أطالب بإجراء إنتخابات نزيهة لتحديد الفائز بشرط إني أكون الفائز بالجايزة الأولى طبعا

إية دة؟
هوا عادل مقالكوش؟

في جوايز لغاية الإجابة التسعة و تسعين

أمال؟
في تسعة و تسعين جايزة دون الخصم من قيمة أي منهم
و كل أما تبعت أكتر فرصتك في الربح تزيد

إية رأيك في التدبيسة؟

Sampateek يقول...

الحمار الوحشي هو المصري
اسقاط سياسي

و اللي بيشرب من البحر
المصري برضه

اسقاط شعبي

---
و يا حضرة المخبر انا معرف عادل ده بوتاتا
و هو اللي بيعمل شقاوة و انا مليش دعوة
---
تحياتشي

kareim يقول...

اولا انا حاسس ان اللعبة دي فيها تريك
هو اولا الكل اكيد بيشرب مياة
والحمار الوحشي عند المصري
انما لو مفهاش تريك
يبقى السعودي اللي بيشرب مية والمصري عنده حمار وحشي

كراكيب عادل يقول...

Anonymous



يا اختي عليها جميلة

كراكيب عادل يقول...

Anonymous


محاولة يمكن صح ويمكن غلط بس اكتب الاسماء والوان البيوت والمشاريب والحيوان لكل واحد



حاول

كراكيب عادل يقول...

محمد فوزي

يا عم مانت الي شاغل نفسك بالمشاريب

يعني اكتب الحل طيب وهنشوفك برضو بس يكون بمجهودك


ممكن ل 99 بس الهدية هتكون كلمة حلوة ههههههه

هو بس الفائز الاول الي هياخد الهدية

تحياتي

كراكيب عادل يقول...

sambateek

لا متتلككيش مفيش لا اسقاط ولا حاجة دة تمرين


وبعدين المصري حمار وحشي برضو متخلنيش ارفسك

وبرضو احنا بنشرب من البحر برضو غلط احنا بنشرب من النيل العظيم


تحياتي حاولي ومتغشيش من حد

كراكيب عادل يقول...

kareim

نورت ني لاول مرة


لا دة تمرين ومفيش فية اي لعب والنتيجة هتكون واضحة جدا ومفهاش جدال محتاجة ورقه واربع الوان اخضر ودهبي واصفر وازرق وترسم بيهم بيوت وتعمل خانات تحت منهم في كل خانة تحط البيانات وكل معلومة بتكمل اختها هتلاقي كلة بقي فل

تحياتي

محمد فوزي آل ربيع يقول...

ما أنا كاتب الحل من الصبح

أنا أول واحد كتب الحل

دا غش اسمه

الكلمة الحلوة دي بتتصرف منين؟
من بنك المحبة؟

أنا عاوز فلوس يا عادل

شــــمـس الديـن يقول...

بعد بجد جهيد فعلا

السعودي هو من يشرب الماء
الكويتي هو من يملك حمارا وحشيا

و بعمل تباديل و توافيق

المنزل الاخضر يسكنة السوداني و يمتلك كلبا و يشرب البرتقال و يدخن المارلبورو

المنزل الذهبي يسكنة السعودي و يدخن البيبلوس و يمتلك ثعلبا ( باقي انه يشرب الماء )

المنزل الازرق يسكنه المصري و يشرب الشاي و يمتلك حصانا و يدخن الفلاديلفيا

المنزل الاصفر يسكنة الكويتي و و يشرب القهوة و يدخن الكنت ( و يمتلك حمارا وحشيا )

اتمني ان تكون الاجابة صحيحة !!!!

كراكيب عادل يقول...

شمس الدين

خيبتي ظني للاسف غلط

بس حاولي تاني هساعدك

البيوت من اليمين للشمال اخضر ذهبي ازرق اصفر

ومزيد من المساعدة

السوداني في البيت الدهبي ومعاه كلب وبيشرب برتقال وبيدخن مارلبورو

35L يقول...

أدعوكم جميعا للمشاركة فى البلوج بتاعى...موضوع مهم بدأت فيه....و أحتاجكم معى

عبدالله يقول...

السعودي يمتلك الحمار الوحشي
الكويتي يشرب ميه

الترتيب
الاخضر حمار بيبلوس سعودي قهوه
دهبي كلب مارلبورو سوداني برتقال
الازرق حصان فلادلفيا مصر شاي
اصفر تعلب كنت كويتي مياه

تحياتي

كراكيب عادل يقول...

عبد الله

اما نشوف يا عبدالله انا مش عايز اقول الحل علشان فية ناس طالبة استني


نستهم هنعمل اية ابقي تعال علشان تشوف الحل


شكرا لمرورك

الأباصيرى يقول...

أهاااااا
عرفت الحل
عرفت الحححححححل


بقالى ربع ساعة بفكر وفى الأخر عرفت الحل


أولا

اللى بيشرب مية يبقى عم محمد البواب

واللى عندة حمار وحشى يبقى جنينة الحيوانات

والسلام عليكم ورحمة الله وبركاتة

كراكيب عادل يقول...

اباصيري

هههههههههههههههههههههههههههههههههه

انت واد فقر

وبعدين فينك من زمان

الوندوز عندك ضرب ولا اية

انا حاضر علي فكرة لاي شئ يخص الكمبيوتر يا معلم

منتظر تجي تاني تحل بجد

Hannoda يقول...

اللله حلوة قوي اللعبة ده.. بس انت استناني بقى كده لما أروح من الشغل و أمخمخلك فيها

هو عموما لحد دلوقتي الحصان في البيت الأزرق والكويتي بيشرب كنت ومياه في البيت الأصفر

الباقي جاي بكرة

شيماء الجيزى يقول...

انا عرفت الحل يا عادل :d

بعد تمحيص وفحص لعقلى الباطن طول الليل لما اتهبلت جبت الحل

وهيكون بالشكل التالى

بالترتيب البيوت من الشمال لليمين

الاصفر_الازرق_الذهبى_الاخضر

الاشخاص فى البيوت

البيت الاصفر : الكويتى
البيت الازرق:المصرى
البيت الذهبى:السودانى
البيت الاخضر:السعودى

ترتيب الحيوانات

الكويتى يملك :ثعلب
المصرى يملك :حصان
السودانى يملك:كلب
السعودى يملك:حمار وحشى

ترتيب المشروب

الكويتى يشرب:ماء
المصرى يشرب:شاى
السودانى يشرب:عصير برتقال
السعودى يشرب:قهوه

ترتيب نوع السجائر

الكويتى يشرب:كنت
المصرى يشرب:فلادلفيا
السودانى يشرب:مالبورو
السعودى يشرب:بيبلوس


وبكده يكون حل السؤالين كألآتى

من يملك الحمار الوحشى
الشخص السعودى

من يشرب الماء
الشخص الكويتى

وياريت لو تعرفنا صح ولاا غلط
عشان التمرين ده منيمنيش الا لما حليت وراجعت عليه اكتر من عشر مرات
هنتظر الاجابه

R2K يقول...

: )

كراكيب عادل يقول...

Hannoda


لغاية دلوقتي انتي صح عموما حلية بينك وبين نفسك وهتلاقي الحل موجود في لينك تحت التمرين




تحياتي

كراكيب عادل يقول...

شيماء الجيزي



حلك صح


شاطرة

كراكيب عادل يقول...

r2k



:(

شــــمـس الديـن يقول...

نهار ابيض

بعد تمقيق ساعة طلع الحل غلط و معكوس !!!

ما علينا :)
الحاحة بتتعمل مرة واحدة بس و الا فلا علي العموم الف مبروك للناس اللي جابتالحل الصح

بس بجد لعبة جامدة بجد

كراكيب عادل يقول...

شمس الدين

هو متعب بس بيعمل حاجة مريحة مع المحاولة لانة بيعمل ترتيب افكار هو مفيد جداا للعقل الباطن


عموما المرة الجاية تكوني مستعدة

تحياتي

david santos يقول...

Hello!
This post is very nice, thank you
Have nice week

سلسبيل يقول...

هههههههههههه
ليه كده بس...حد زعلك ف حاجه لا سمح الله
النوع ده م الالغاز بيعقدني ويحبطني ويجيبلي استبحس..وبالتأكيد مش بيتحل ف الاخر.
بس لان ربنا بيحبني...وعلشان مافضلش معقده طول عمري..اخيرا لاقيت شخص عرف يحل اللعبه..ودا اداني امل
يلا ف انتظار الفزورة التانيه

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول