12‏/04‏/2007

لو انت عصفور بتنظر من هنا لبرة هتشوف اية


هناك 66 تعليقًا:

NeRmeeN يقول...

ايه الاسئلة الصعبة دى يا عادل :ي

مش شايفة غير النخلة والسما

شادي فايد يقول...

حشوف الدنيا واسعة و كبيرااااااااااا

BOS BOS يقول...

هشوف كل حاجة لو عايزة أشوف وقادرة أشوف
ومش هشوف حاجة لو مش عايزة أشوف ومش قادرة

محمد فوزي آل ربيع يقول...

جمييييييل جدا يا عادل صور الخضرة دي

أنا حاسس نفسي ف جنينة

ممكن لما أزهق م المذاكرة آجي أصيع هنا شوية؟

REEMOO يقول...

هشوف سماوحريه
ودعوه للطيران والانطلاق
حلوه الصوره يا عادل
تحياتى

يا مراكبي يقول...

هأحس بشعور أي حد مخنوق جوة بلاده وشايف الدنيا بره حلوة إزاي .. وأتحسر

safa7_karmooz يقول...

شايف مممم اتنين بيحبوا فى بعض تحت الشجرة ..وهعمل الدنيئة على دماغ الواد

هههههههههههههههههه

Anima يقول...

مش شايفة حاجة
من طفى النور؟

smraa alnil يقول...

هههههههههههه

فين السؤال
انا احط ايدي علي السؤال اجاوب علي طول

فين السؤال بقي

الصور حلوة علي فكرة

A.SAMIR يقول...

ايه يا عادل المدونة التحفة دي
فعلا فكرتها هايلة....صورة وخيال
روعة
اسمح لي اني اكون صديق للمدونة الروعة دي
بالنسبة للعصفور انا بيتهيأ لي انه شايف دنيا واسعة جدا جدا بس مش عاجباه
حاسس انه مبسوط كدة...وبيقول الناس عايشين في المساحات الشاسعة دي ازاي؟
تحياتي ليك يا برنس

gohayna يقول...

اولا انا لو عصفور وقاعد في المكان الجميل دا نادرا ما هخرج
علشان منظر الاوراق المحيطه بيا هتحسسني بالامان اكتر

حاسه ان الدنيا بره هتكون زي فك سراب هيبتلعني بكل ما في ومش هيبقي من غير لمعه براقه كل ماحد هيقرب منها هتختفي زي السراب تمام



اشكرك جدا علي مرورك في مدونتي
واشكرك اكتر انك خلتني اكتشف مدونتك الجميله دي

تحياتي ليك

david santos يقول...

thanks fot you work and have a good week


يتلقّى [أبتريغدو] لعملك وأسبوع جيّدة

كراكيب عادل يقول...

انا بستمتع بكل تعليقاتكم لاني حاسس اني بشوفكم من مكان بعيد بس بوضوح شديد واية كمان ؟؟

my sold يقول...

اشوف ورق اخضر حي .. واشم هواء منعش

وقفه جميله شكرا لك

david santos يقول...

This work is very nice, thank you


WE GO TO CONTINUE TO EXCEED THE BARRIER OF THE LANGUAGE, SO THAT BUSH AND OTHER TERRORISTS NOT TO CONTINUE LIE

لقد أن تنتهي مع باري لغات منها بوش وغيره من الارهابيين لا تزال تكمن

أمــانــى يقول...

هأشوف نخل وبيوت وميه وخضرة كتيرة اوووووووووووى ودعوة للحرية والانطلاق الى عالم الفضاء
أهلا بأبن الجــنوب
تحياتى اليك
:D

Sampateek يقول...

شايفة قشاية نونو
حطير اجيبها علشان اضيفها لعشي
اثبته
اقوية
ادعمه
يمكن يقدر يقف قدام الريح

تحياتي

(احلى تورتة ليك)

محض روح يقول...

يمكن لو كنت عصفور
مكنتش هحب ابص بره حدود الشجرة

تحياتي يافندم

daktara يقول...

ممممممممممم
مش هاشوف حاجة
بس كان يكون نفسي اشوف الحرية
د. خالد عزب

خالد وليس بخالد يقول...

وانا لابس النضارة ولا وانا قالعها

walaa يقول...

هاشوف انسان .. هيصعب عليا .. اصله ما بيفكرش غير في نفسه

مدونتك جميلة
تحياتي

كراكيب عادل يقول...

nermeen

دة عيب الي يجي بدري لو استنيتي شوية كنتي هتلاقي الاجابات زي الرز

تقمصي دور عصفورة بس وانتي تعرفي

كراكيب عادل يقول...

دكتور خالد
الي يريحك يا فندم انا ساعات بحس اني بتخنق من النظارة بدون سبب

كراكيب عادل يقول...

بصراحة تعليقات ممتعة فية ناس كتبت تعليقات روعة روعة ما زلت اراكم بوضوح في تعليقاتكم من مكان ما

واية كمان ؟؟

ياسمين يقول...

لو عصفور
جناحه مكسور
هأشوف الدنيا
عذاب و قبور
ولو عصفور طاير مطيور
هاشوف الدنيا
نور على نور

بنى أدم مع وقف التنفيذ يقول...

هشوف الارض و اخاف اقع

طهقان يقول...

هاشوف طهقانة برضه

Hannoda يقول...

حاحس بلأمان الشديد جدا و رى الأوراق الكبيرة ده.. و الخصوصية و الونسة بالذات بوجود نخلتين رائعتين قدامي أقدر لو زهقت أروح و آجي بينهم

وبس ... تبقى هي ده كل دنيتي

كراكيب عادل يقول...

شادي فايد

طبعا علشان طموحك كبير ربنا يوفقك وتحقق كل احلامك

كراكيب عادل يقول...

bos bos
كلام كبير خالص بيدل علي انك ممكن تتغاضي عن حجات ومتسكتش عن حجات تاني

تحياتي

كراكيب عادل يقول...

محمد فوزي

اة المذاكرة خداك مننا حتي وانت في وسطنا ربنا ينجحك

كراكيب عادل يقول...

remoo

دعوة للانطلاق موجودة في نفسك الجميلة وحريتك في يدك انتي اذن حرة

كراكيب عادل يقول...

مراكبي

ودة شعور واحد بيحب بلدة واضح يا فندم متنكرش والحسرة مالية قلبة الحلو انة يشوفها في احسن حال تتعدل يا هندسة

كراكيب عادل يقول...

سفاح كرموز

اخ شقي ودمك خفيف وضارب الدنيا طبنجة

يالا عيشلك يومين قبل الهم

كراكيب عادل يقول...

anima

طب عيني في عينك كدة انا اعرف ان العيون الخضرا حلوة بس معرفش انها مش بتشوف

قولي قولي وبلاش كسوف

كراكيب عادل يقول...

سمراء النيل

فين قلبك ومع مين يا بختة طبعا الي بيحب جديد هيكون حواسة في مكان تاني لك العذر يا سيدتي ومبروك عقبال ما نفرح الفرحة الكبيرة

كراكيب عادل يقول...

a.samir

تشرفي تعالي وانا في انتظارك وهقدملك الي بتحبية


شايف دنا واسعة بس مش عجابة يعني عايز يكون لة دنيا علي اد طموحة يعيش وينبسط

انتي بتحبي عالمك الخاص فقط والمقربين ليكي

كراكيب عادل يقول...

gohayna

كلام واحساس عالي وطلب لجؤ في دفء المكان

انتي عشرية جداا ومبتحبيش التغير ولا التقليد

بتخافي من المستقبل ومن الخطوات القادمة

تحياتي يا احلي جهينة

كراكيب عادل يقول...

ديفد سانتوس

ابتر يغدو

ههههههههههه تعرف انا عايز اكتب بوست عنك لانك مكافح اكتر من العصفور

كراكيب عادل يقول...

my sold

ورق اخضر اقرب ما يكون الي نظرك يعني انتي الحاجة الي ي يدك تهمتي بيها جداا

شاطرة انتي

وهواء منعش ضروري للحياة

كراكيب عادل يقول...

اماني

دي نظرة اي حد من الجنوب خضرة ونخل وحياة بسيطة مفقودة

وصوت العصافير الصبح وصباح الخير في كل مكان مليانة دفء


تحياتي يا بنت الجنوب

كراكيب عادل يقول...

سمباتيك

الله علي تعليقك

دي ناس مش بتضيع وقت فقط للاستمتاع بالمنظر تشتغل وتستمتع كمان قشاية تدعمي بيها العش وكلمة حلوة لكل حد يشوفك وعمل خير وحياة مفعمة بالحركة

تحياتي يا احلي سمباتيك

كراكيب عادل يقول...

محض روح

وقفت قدام تعليقك

اصل لة اكتر من تفسير انتي قنوعة وراضية او انك خايفة ومرعوبة

او انك حابة يكون ليك عالم واحد وقلب واحد

تحياتي يا روح

كراكيب عادل يقول...

daktara
اة انت كدة شايف بداية حرية

استمر واتعب هتلاقي كل طلباتك

انا واثق من طموحك

تحياتي

كراكيب عادل يقول...

خالد وليس بخالد

هي فين النظارة ؟؟ لسة ملبستهاش ولا اية ههههههه


مدونتك جميلة علي فكرة

كراكيب عادل يقول...

walaa

مجروحة وجرحك صعب بس لة علاج الايام هتداوية ارفعي نظرك لفوق لابعد

انتي حساسة جدااا

كراكيب عادل يقول...

ياسمين

انتي صاحبة اجمل تعليق وهو ده كان قصدي لما صورت ولما سئلت

لو كان العصفور مكسور الجناح وحزين مش هيشوف غير كل الصور الوحشة ولو سعيد ولة اسرة في قلب الشجرة هيكون لة نظرة تاني للدنيا وهيرجع للشجرة مبسوط


بصراحة امتعتيني بتعليقك ياريت نشوفك كتير

تحياتي

كراكيب عادل يقول...

بني ادم مع وقف التنفيذ

انت حريص جداا وكل خطوة في حياتك مدروسة

بس برضو دة مش مخليك منطلق زيادة

بس ناجح جداا في الحجات الحالية

تحياتي

كراكيب عادل يقول...

طهقان

علشان بتحبها متنكرش

مهما قلت وكتبت عنها انت بتموت فيها وهي كمان بس حبكم من عجينة مختلفة ولها نكهة خاصة

ربنا يخليك لها ويخلها لك

كراكيب عادل يقول...

هنود

كالعادة حالمة ولكي عالمك الخاص الذي تستطيعي ان تجعلية جميل انتي انسانة بجد جميلة وقلبك كبير في حيز ضيق لو فاض بالحب ليكفي كثيرين


تحياتي يا هنود

سلسبيل يقول...

حشوف نبع ميه نفسي اشرب منه...وشجرة لمون وسحابه بتضحكلي بس عارفه اني عمري ماحاعرف اترمي ف حضنها
واهم من دا كله...حشوف بني ادم ماشي...واحمد ربنا اني ..عصفورة

كراكيب عادل يقول...

سلسبيل

جميل انة يحمد ربنا انة عصفور واحنا نفس الشئ نحمد ربنا اننا بني ادميين

نرضي بالواقع ونعيش الحياة صح

اهم شئ في النهاية تكون نتيجة سعادة

ياسمين يقول...

مبسوطة بجد انى صاحبة اجمل تعليق ومش مصدقة حتى ان تعليقى كان حلو كدة وعجبك
وفرحانة قوى انى قدرت أحسك وانت بتلقط الصورة

كراكيب عادل يقول...

ياسمين

علي فكرة انتي مش سهلة باختصار بالعامية اروبة يعني هههه

بصي اللقطة دي كانت اصلا قدام بيتي مباشرة وكنت تاني يوم مسافر وكان جواي حجات كتير في اللحظة دي وبصيت جوة الشجرة لقيت فية عصفور باني لة عش جوة وبصيت برة الشجرة وشفت المنظر الي صورتة من خلال الشجرة وسئلت نفسي يا تري هو اسعد ولا انا
وفعلا ازي هو يكون سعيد ولو بص من هنا لبرة في كل مرة بيشوف فيها المناظر دي هيشوف اية وكان جواي حجات كتير واكترها تعليق حضرتك انة ممكن يشوف كل شئ جميل لو هو فعلا سعيد ومتمتع بحياتة ومش هيستمتع بالمنظر دة لو العكس وانا كمان لو مكنتش مسافر

اكيد كنت هشرب الشاي الي كان تحت الشجرة بمزاج علي الاقل بس كان عقلي في حجات كتير نكدت علي حتي الحجات الحلوة والبسيطة

تحياتي يا ياسمين

sabrina يقول...

هأشوف سما زرقاوصافيه
بتاعتي أنا!!!

كراكيب عادل يقول...

sabrina

لفظ بتاعتي انا دة نوقف عندة يعني انتي ليك عالمك الخاص جدااا
بتقدري تظبطي نفسك مع العوامل المحيطة يا بختك يا بختك

شــــمـس الديـن يقول...

علي فكرة الصور الللي علي المدونة دي بجد تحفة من تحف التصوير الفوتوغرافي

ياريت تقول لي علي مواصفات الكاميرا الديجيتال اللي صورت بيهاالحاجات دي ... او لو كاميرت محمول تقول لي علي مواصفاته

بجد احساس عالي اوي

اما بالنسبة للسؤال
لو انا عصفور
هشوف الدنيا واسعة اوي و الحاجات كبيرة اوي لاني هشوف الدنيا كأني ضغيرت من وجة نزر العصفور ...يعني الانسان هيبقي اد الديناصور ... و الصرصار اد العربية

كراكيب عادل يقول...

شمس الدين

انا مبسوط ان الصور الي انا مصورها عجباكي دنا كدة هصور كتير صور علشان
يعجبوكي كمان الكميرا يا ستي ديجتال اسمها ليكس مارك بانسونك كان سعرها غالي بس حاليا بقت ارخص في حدود 3000 جنية تقريبا قبل كدة كانت بضعف السعر

تعليقك علي الصورة بتاعة العصفور متأمل جداا ويخلي الواحد فعلا يسرح

تحياتي

t3ban يقول...

حشوف حسرتي علي نفسي
أنا في القفص
و ميتهيأليش أني في يوم حكون هنا

كراكيب عادل يقول...

t3ban

ممكن لو عصفور في قفص اكيد هيتذكر المناظر دي ويتحسر بس بنتكلم علي عصفور طليق في الشجرة لة مطلق الحرية يخرج من قلب الشجرة ويشوف وينفذ اي حاجة عايزها
انت اية ظروفك بئي

:)

loumi يقول...

انا لو عصفوره حاشوف كائن ضخم مرمى تحت الشجرة فى ايده حاجه غريبه كل شويه بتطلع نور يزغلل عنيا واقول قد ايه الكائن ده غريب سايب الدنيا كلها وجاى يتلصص عليا
يا ترى بيفكر فى ايه وعايز يوصل لايه؟
و حازقزق واقول يارب حققله كل اللى بيمناه

koukawy يقول...

ياه كوكو الكميل لما بيبص لحاجه كده بيشوف الحريه و الانطلاق
و النقاء و الصفاء و خلق ربنا سبحانه و تعالي المتناهي في الجمال اللي مش ممكن ابدا تلاقيله وصف
كوكو الكميل بيشم ريحة الطبيعه و هدؤها الأصلي من غير شخبطة البني ادم عليها
كل ده مخليني كوكو الكميل

كراكيب عادل يقول...

لمى

بقي انا كائن ضخم مرمي

ماثي ماثي

ان ماو ريتك

بس يالا مدام عصفور كويس وبيدعلنا ماشي

كراكيب عادل يقول...

كوكو الكميل

اكيد رأي كوكو الكميل هيبقي مظبوط طبعا كلام جميل جداا ووصف حلو

للطبيعة وخاصة جمال الطبيعة


تحياتي

bnateeen يقول...

الله مش عصفور ولا غيره

دردشة
شات
منتدى
منتديات

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول