19‏/04‏/2007

اوهام للبيع وهرتلات وارهاصات مغترب

اليوم هحكيلكم حكاية الزلعاوي ...اة الزلعاوي اسمة كدة راجل دايما غامض الناس كلها تتكلم معاة وهو يرد بالقطارة دايما ... يراقب الناس من بعيد بس ابدا ... مكانش بيعمل زيهم الزلعاوي جاب زلع فخار وعباها تراب وركنها في المحل الي ورثة عن والدة ووالدة عن جدة وكل واحد فيهم كان لة نشاط مختلف الزلعاوي محلة وسط السوق والناس حوالية كلها بتبيع حجات مهمة جداا اكل وتمور
واواني فضة ونحاس وملابس وخضار وفاكهة ... وحتي جواري وعبيد ... مهو دة ايام زمان افهموني يا جماعة في يومكم دة الي كلة تراب في الجو
المهم في اليوم المرتقب قعد الزلعاي وقدامة زلع الفخار الي مليانة تراب والناس تروح وتجي وكل الناس مستغربة اية الراجل الاهبل دة .. ومنهم الي يضحك ومنهم الي يسخر منة ... دة حتي فية منهم كان بيحدفة بالطوب ... وهو ساكت ومن غير كلام .... ومرت الايام والزلعاوي يجي الصبح يفتح المحل ويحط الزلع المليانة تراب .... وفي اخر اليوم يدخل الزلع في المحل ويقفل ولا باع منهم ولا واحد .... لغاية ما في مرة من المرات جالة واحد ... من المستغربين دول وسئلة يا زلعاوي بتستفيد اية من الموضوع دة طيب شوفلك حاجة تتباع والناس تستفيد منها حاجة تتاكل او تتشرب
او تتلبس حتي ... رد علية الزلعاوي وقالة ... شوف عايز تشتري اشتري مش عايز امشي الراجل قالة طيب لو انا اشتريت هعمل اية بالزلع التراب دي .... الزلعاوي قالة ولا حاجة انا هجي تاني يوم واشتريها منك بضعف الثمن الراجل استغرب جداا وقال اما اجرب واشتري المهم اشتري زلعتين منة وكان تمنهم عشرة دراهم وراح البيت ونسي موضوع الزلع خالص ... تاني يوم الباب بيدق راح الخادم فتح الباب لقاة الزلعاوي وجاي ياخد الزلعتين بعشرين درهم الراجل استغرب وقال يالا وانا هعمل بيهم اية دنا كنت بس بشوف واجرب الزلعاوي دفع الفلوس واخد الزلع ... الراجل بعد ما مشي وهو بيفطر سئل نفسة دة موضوع مربح جداا انا اخد حاجة بسعر وتاني يوم تكون بضعف السعر اما اروح اكرر التجربة وراح السوق واشتري 10 زلع وتاني يوم جة الزلعاوي وبرضو دفعلوا فيهم ضعف السعر وكرر الراجل التجربة ... مرة تالتة وعلشان طبعا الاخبار مش بتستخبي اتسربت الاخبار
والناس عرفت ان الزلعاوي بيبيع الزلع دي وتاني يوم تكون بضعف التمن الكل حب يجرب وراحت الناس تشوف وتسئل وتزاحم والزلعاوي يبيع ويبيع والناس تخزن في الزلع وبعدين الناس الي في السوق كلهم شالوا بضايعهم المهمة جداا وحطوا زلع التراب واصبح السوق كلة زلع مليانة تراب وناس بتبيع وتشتري والزلعاوي يبيع ويبيع لغاية اما كل الزلع من عندة خلصت وكانت عدد هائل وجة يوم الزلعاوي مراحش السوق ياخد الزلع بضعف السعر كالعادة . بعد ما وصل سعر الزلع لاسعار جنونية وكل يوم تزيد وتزيد وهي اصلا متساويش حاجة.. وانتظرت الناس يوم يومين تلاتة وقرروا يروحوا يسئلوة فينك يا عم ... لية مش بتيجي السوق دحنا حالنا وقف رد عليهم بنفس الهدوء بتاع زمان .... انا خلاص غيرت نشاطي ومش هبيع ولا اشتري زلع .........وبكدة انتهت قصة
الزلعاوي بس هي لسة مستمرة في الواقع ياتري انا بقصد اية بالقصة دي يا جماعة ؟؟؟؟
ملحوظة مهمة جداا: الزلعاوي ساب مضارب بني شعبوكا بفيزا مضروبة وهج

هناك 120 تعليقًا:

A.SAMIR يقول...

قصة غريبة جدا...هو انا الحقيقة مش عارف انت تقصد ايه منها بالضبط بس ممكن نخمن:
ان النصب دة حاجة قديمة جدا ومتوارثة
ان ممكن الناس تفتكرك اهبل وانت اساسا اذكى منهم كلهم واكلتهم البلوظة
انك ممكن تبيع الهوا في قزايز وكله بتشغيل الدماغ
ممكن كمان يكون الهدف ان انت ممكن تخسر دلوقتي شوية علشان تكسب بكرة شويتين او تلاتة
تحياتي ليك

ام العيال يقول...

veeeeeeery nice story
kolaha 7ekam
bas elshater tefham elly ben el sotor
:p

خالد وليس بخالد يقول...

الله يرحمك
الله يهديك
أخيرا حاجة ترفيهية
احسن ما عمال اقرأ ضرب وقتلى ومتفجرات ومعتقلات م الصبح
ربنا يخليك للغلابة اللي زيي :)
انت والزلعاوي

Mohamed A. Ghaffar يقول...

بعيداً عن قصد الشاعر اللى فى بطنه

فهى مناسبة جداً ، وبتحصل فى ارض الواقع كل يوم بشكل مختلف

تحياتى لك

Anima يقول...

خير الكلام ما قل و ذل
ههههههههههه

النصب ده من أقدم المهن، يكونش اتنصب عليك؟

smraa alnil يقول...

الله فتح عليك يا شيخ

بس موضوع الفتح دة تقريبا هفتح دماغك انا

ياعم هو ناقصة حيرة

بس هي قصة غريبة اوي

بس زي ما قال محمد بتحصل بينا بين الحين والاخر بطرق مختلفة

سلسبيل يقول...

مش عارفه ليه افتكرت قصه الراجل اللي بقي مليونير لما كان بيشري كرتونه البيض بنص جنيه ويبيعها بربع جنيه.............لانه كان ملياردير
زي ماقلتلك...عم زلعاوي ده كان معاه قرشين محيرينه ومش عارف يوديهم فين قال يتسلي علي خلق الله
دا غير انك قلت ان الكلام ده من زمان
يعني ماكانش فيه بورصه يضارب فيها ويشغل فلوسه..ولا مشاريع استثماريه
يجي دلوقتي يشوف...احفادة الزلعاويه الكبار اوي اوي..هرشو النظام

بس بقوللك ايه
شديييييييييدة

محض روح يقول...

الزلعاوي
ياه ده فيه منه كتتتتتتتير في كل مكان
ناس بتبيع وتشتري حتى التراب يمكن علشان ده الي يملى عين الناس
حب الربح السريع مفهوم انك ممكن تكسب من غير ماتتعب وكل واحد فاكر نفسه ناصح اوي
عارف فكرتني بالحج بتاع توظيف الاموال الى اعد يجمع من الناس فلوس علشان
يضعفها
والناس يحرام تحلم
بس الفلوس مضعفتش ولا حتى فضلت على حلها
الحج خدها وراح يشغلها بس في بلد تانيه
فيها ناس بتفهم

رحمه الله عليك ياجحا؟

تحياتي يافندم

ريما يقول...

اكيد رجل ذكي

هو شايف ان الكل بيجري على الفلوس والمكسب وفعلا كله جري ورا الفلوس حتى لو كانت بتيجي من ورا انهم يبيعوا تراب

مش مهم بيبيعوا ايه ولا مين بيستفيد منهم المهم في الاخر مكسب وخلاص
اكيد في معاني تانية فيها بس لغاية هنا ده اللي قدرت اجيبه

بس ايام زلعاوي وشعبوكا والعالم دي كان فيزا وكمان مضروبة
ههههههههههههههه

REEMOO يقول...

القصه حلوه اوى بصراحه يا عادل
عجبنى ذكاء الراجل ده جدا
وازاى قدر يستفيد من طمع الناس لصالحه
بس مش قدرت اوصل انت تقصد ايه بالقصه دى
فى كل الاحوال تحياتى

Sampateek يقول...

حلوة قوي
جبتها منين دي
و كمان الصورة نادرة

من ناحية بيضحك علينا اه بيضحك

بس مين زعبلاوي اليومين دول؟
نواب القروض؟

أجدع واحد في الشارع يقول...

يا جماعة بجد انتو لازم تشركوني حفله عيد ميلاد جينرمو معايا فى البلوج بتاعى انهاردة عيد ميلادها عشان انهاردة بجد اسعد يوم فى حياتى

محمد فوزي آل ربيع يقول...

الزلعاوي مش نصاب على فكرة

كل اللي عمله إنه شغل مخه شوية، ماهو البهايم دول (بني شعبوكا) كانوا انتبهوا من الأول مكانش حصل كدة

و ما تنسوش إن الطمع هوا اللي جرهم في السكة دي
صح ولا لأ

يبقى الغلط ف الأساس من البهايم الطماعين اللي حواليه

بعدين ما ننساش إن الزلعاوي إستحمل إهانات كتيرررررة جدا في البداية و قعد منتظر يعمل كدة من أمد طويل

يعني حرام عليه يستنفع بالقرشين اللي جابهم
ما هو جابهم من عرق جبينه و من الحدف بالطوب

تحياتي

محمد فوزي آل ربيع يقول...

على فكرة عنوان القصة أوهام للبيع

و السؤال اللي حطيته عن مقصد القصة أوحى ليا إنك يمكن تكون بتتكلم عن البورصة

صح؟

Esmeralda يقول...

ممكن انت بتقصد شركات توظيف الاموال
الناس بتحط فلوسها عن ناس و مش مهم يعرف هو بيشتغل فى ايه . ان شالله حتى التراب المهم فيه مكسب و فى الاخر معلش بخ
موضوع النصب ده عادى و برضه مفيش فايده الناس بتستسهل

يا مراكبي يقول...

أنا معجب جدا بطريقة السرد دي

وأوضح للناس إن القصة دي حقيقية وحصلت في بلادنا أكتر من مرة والأسماء مشهورة ومعروفة ... واللي يفقع المرارة إن القصة دي لسة بتحصل تاني

اللي ماقالوش أخويا عادل إن بيع زلع التراب ورفع سعرها بيبقى متفق عليه سلفا بين العمدة وبياع الزلع

كلام لوجيك يقول...

الله عليك وعلى البوست الهايل ده
دمااااااااااغ قوي
بصراحة موضوع مميز جدا والحكم المستفادة من وراءه كثيرة جدا
وانا متفق مع اخويا المراكبى فى كلمة قالها
احييك مرة تانية على الاسلوب الجميل فى كتابتك لموضوع قديم جدا ولكن اسقاطاته مازالت مستمرة وستستمر الى الابد

خالص تحيتى
ودمتم جميعا بخير

توتة توتة يقول...

كان ممكن تقول انه الزلعاوي بيه عشان نفهم القصة من الاول

كراكيب عادل يقول...

اتابع التعليقات بكل شغف فية ناس وصلت لقصدي بالتحديد اما نشوف اخرتة مع الزلعاوي

شادي فايد يقول...

اوعى تكون تقصدني انا
:)

ما علينا
زعبلاوي
ممكن يكون الناس اللي بتهرب بالفلوس برهه

Ma-3lina يقول...

هه باه انا لمضة ماشى

ايه باه دا يعبر عن ايه ؟؟

القصة حلوة جدا بس المغذى ايه باه يا ريت توضح

أمــانــى يقول...

ههههههههههه
هو تقريبا بيوضح حال الناس اللى بتجرى ورا الربح وخلاص ولا ايه ؟؟ممممممم
ولا الناس بتحب التقليد مش عارفه ولا فاهمة
اعمل لينا بوست للتوضيح هههههه

gohayna يقول...

والله دا بيحصل كتير ومن زمان

الناس اتفننت في انها حتي تبيع الهو الي احنا بنشمه

ربنا يستر علينا والله
تحياتي ليك

عالمى ازرق يقول...

اولا بحييك على الصوره الجميله اللى حطيتها
كمان اسلوب ذكاء السرد عندك رائع
بس الغريب ان محدش من اللى اشترى جاله شك ولو مجرد شك ان ممكن تكون دى النهايه
ماهو اكيد الزلعاوى مش بالغباء ده
مش هيبيع الا اما يضمن ربحه الاول
هو استغل حب الربح بدون عمل عند الاخرين ووظفها لصالحه
و ميمنعش انه نصاب برضو

walaa يقول...

الصورة فعلا تحفة .. اختيار راااائع ..
اما الزلعاوي فده حكاية لوحدة .. حكاية غش ونصب .. وحكاية طمع جريوا وراها الاتنين الزلعاوي والناس من حوليه ..

القصة فعلا روووعة .. تسلم ايدك

تحياتي

Hannoda يقول...

القصة حلوة قوي.. أخدتني

بس حيرتني يا عادل.. مين الزعبلاوي؟؟

حساه مليان حولينان فكل حتة بس مش عارفة أقفشه

طب اقولك على حد زي الزعبلاوي

حاقولك على عصفور حوش حب كتييير في منقاره.. وفرح قوي بالتعب اللي تعبه فجمعهم

وبعدين رماهم ع الأرض... وعاش طول عمره كل مايجوع يلم الحب فمنقاره و يطير بيه فمكان جديد ويرميه ع الأرض
ولما يجوع يلمه تاني كإنه أكل جديد ويطير تاني لمكان جديد و يرميه

طب عارف اللي عندهم كلب؟؟.. لمات سرق اللحمة و اضرب و مات فدفنوه و كتبوا على تربته كان فيه مرة كلب سرق اللحمة واضرب ومات و صحابه دفنوه وكتبوا على تربته....

الحياه مليانة حكمة من ناس بتستفيد من سذاجة ناس عشان تعلم ناس تانية

ومليانة كدب جوة ناس بيستفيد من طمع ناس عشان تتعظ ناس تانية

الزعبلاوي بقى من أنهي ناس؟؟؟؟؟؟؟؟؟

R.R يقول...

بتقصد ايه بتقصد ايه؟
يلا المعنى فى بطن الكاتب

ربنا يريحنا من كل الزلعاويه
تحياتى

~ Bato0ot ~ يقول...

el zal3wy msh aktar mn ragel estghal tama3 el nas ely msh btfkar w btmshy m3 el tayar w khalas .. el moda torab eshta nebe3 w nshtry torab !!!
aseb felosy enhrda 10 geneh 3nd el rayan bokra hyb2o 1000 ezay mt3rfsh msh el mohm eno hystfeed??

الدبور يقول...

مش فاهم حاجه
او بمعني اصح مش فاهم ايه المغزي من القصه
معلش واخد برد و عيان شويه فالذكاء منخفض و الحرارة مرتفعه

تحياتي
الدبور

mesh2dra يقول...

السلام عليكم

لا بجد جامدة جدا
جدا كمان مرة:D

أنا مش عارفة هو مين على وجه التحديد
بس هو موجود بينا ي كل مكان .عادي يعني


يالا في انتظار معرفة من هو الزلعاوي
ابحث مع الشرطة


سلاماتي:)

الأباصيرى يقول...

ياعم الجيش قالك أتصرف
وهات القرش من حنك السبع

أمال أية

ياعم احنا فى زمن
سلومة الأقرع ميعرفش ابوة

كراكيب عادل يقول...

ومعاااااااانا الزلععععع الي مصنوعة من الصلصال بيد فنان تلقائي وعمرة ما يعرف يعني اية سيجار لا وكوبي كمان

مليانة تراب من طمي النيل يعني ترمي فية البذر ينبت ويرعرع ويخضر ويزهزة ويملي الدنيا ظل ويحمينا من الشمس وقبلها الجوع يا تلحق يا ما تلحقش الي عندة قرش وعايز يكبرة الي عايز يكون في يومين حاجة كبيرة احجز يا بية واحجزي يا مدام علشان مستقبل حمادة خديلة زلعة قبل الطمي ما يخلص

الي عندة شوق في رد يقولة هنلم المزاد ونهرب من البوست دة يوم الخميس ونغسل يدنا من مية النيل ونروح للبحر نحلي المية ونشربها

dandana يقول...

واضح من التعليقات ان القصة جميلة....
انا هاقراها واحط ردى بعدين بس عايزة اقولك انى عاجبنى لقطات كاميرتك
تحياتى

esraa يقول...

لأ وهم بيشتروا
طول عمره طمع الانسان بيكون السبب في أي حاجه بتحصله
بجد جميله

قصاقيص يقول...

هههههههه
اخيرا لقيت حد يجاوبلي علي سؤال حيرني
اصلي بصراحه من كتر النماذج اللي شفتها وسمعت عنها كان عندي احساس ان الموضوع بتاع زلع التراب او حتي الزلع الفاضيه متاصل وبيضرب في جدورة للتاريخ البعيد والماضي السحيق
واديني اكتشفت انه بيرجع تاريخه للزلعاوي
وربنا يعتقنا بقي من انسياقنا وراء اّل زلعاوي
،،،،،،،،،،،ن
ميرسي علي القصه
فعلا هادفة وتحفة

أحمد سلامة يقول...

مممتاااااااز يا عادل
فكره اكثر من رائعه
واسلوب صياغة جميل جدا
وصل بالتمام والكمال
تحياتي لك

محض روح يقول...

ممممممممم
بفكر ابوظ البيعه
الى هيخلي حد يشتري زلعه فيها طمي علشان يزرع فيها وياكل منها
طيب ميروح للمنبع
ويزرع هناك
والطمى ببلاش
وبعدين يبقى عندنا النيييييييل ونروح نحلي البحر
ههههههههه
مش قولتلك
رحمه الله عليك يا حجا؟

بتهيقلي فهمتها
:)

كراكيب عادل يقول...

محض روح

هههههههه الموضوع ملوش دعوة بجحا خالص

جحا كان بينضحك علية وكان بيكدب ويصدق كدبتة يعني حتي اغلب مواقفة
هبل من جوة واستهبال غريزي

حد فاهم حاجة ؟؟

Hannoda يقول...

ايه ده؟؟؟
ايه ده بجد؟؟

ده ماطلعتش أوهام للبيع ولا حاجة بقى

ده طلعت أحلام غالية و جميلة

أنا حاحجز دلعتين و أوح بيهم علة الفيوم... وأزرع و أعمل الضلة اللي قلتها ..

جميل الحلم اللي رسمته ده قوي على فكرة

ده الزعبلاوي طلع دماغ عالية أهو

يعني ولا استغلالي و لا لئيم و لا أهبل

ربنا يكرمه و يكرمك ويكرم مصر بميت زعبلاوي فكل المحافظات

حانغسل ادينا يوم الخميس؟؟؟

طيب كويس:)))

تحياتي

خمسة فضفضة يقول...

السلام عليكم ورحمة الله وبركاته

حلوههه اوي يا فنان

ولو حبينا نقول انت بتقصد مين بالكلام المكان هنا مش هايكفي ويمكن يحصلنا حاجه قبل ما نخلص
فاخلينا ساكتين احسن

ويجعله عامر

صاحب البوابــة يقول...

قصة جميلة للغاية

تحمل اسقاطات على مجتمعنا المعاصر

تحياتي لك

------------------
صاحب مدونة البوابة

كراكيب عادل يقول...

خمسة فضفضة


دانتي شطحتي بعيد خالص الموضوع تجاري فقط

نقول اقتصادي

فية اتنين وصلوا للهدف والغريبة انهم طلبة لسة بيدرسوا

محض روح يقول...
أزال المؤلف هذا التعليق.
محض روح يقول...

انا كنت بقصد بجحا المفهوم العام الي صنعه على السخريه من الناس
توضيحو للعيوب ولكن باسلوب ساخر
لا يخلو من الذكاء

وده برضه الى كنت حساه فى البوست
فحبيت اوضح

ولما نشوف النتيجه هتتطلع ايه

ياسمين يقول...

الزلعاوى - الريان - السعد - لكح - طلعت
كلهم زلعاوى يا باشا
يبانوا طيبين والطمع بتاع الناس بيساعد على حصول هؤلاء على اللى عاوزينه
تحياتى

david santos يقول...

O dia 25 de Abril de 1974 foi o dia do derrube da ditadura fascista em Portugal, a chamada REVOLUÇÃO DOS CRAVOS, e a queda do (poder) dos inimigos do povo. 25 de Abril, sempre.

Day 25 of April of 1974 was the day of it knocks down of the dictatorship fascist in Portugal, the call REVOLUTION OF the flowers, and the fall of the power of the enemies of the people. 25 of April, forever!
يوم 25 نيسان 1974 كان يوم تقرع عليها من الديكتاتوريه الفاشيه في البرتغال والدعوة للثورة الزهور ، وسقوط سلطة أعداء الشعب. 25 نيسان ، الى الابد!


День 25 апреля 1974 года, в день он постучит в воздухе фашистской диктатуры в Португалии слово О РЕВОЛЮЦИИ цветы, и падение власти враги народа. 25 апреля, навсегда!
Le jour 25 d'avril de 1974 était le jour de lui frappe vers le bas du fasciste de dictature au Portugal, de la RÉVOLUTION d'appel des fleurs, et de la chute de la puissance des ennemis du peuple. 25 d'avril, pour toujours !
Tag 25 von April von 1974 war der Tag von ihm klopft unten vom Diktaturfaschisten in Portugal, von der Anruf REVOLUTION der Blumen und vom Fall der Energie der Feinde von den Leuten. 25 von April, für immer
25天41974年的一天,它拍下來的法西斯獨裁政權,葡萄牙 號召革命的鮮花,秋天的權力得到人民的敵人. 25日,永不停息

الحمقاء المضلله innominate x يقول...

قصة جامدة قوي بجد و أنا على فكرة توقعت أجداثها,,,,,,,,,,,الزلعاوي شكلوا من الأول فهلوي و نصاب..........تحسها تنفع قصة فولكلور زي حواديت جحا كدة

كراكيب عادل يقول...

A.SAMIR

الناس دايما بتفتكر نفسها اذكي من غيرها وفعلا النصب قديم ومتوارث زي ما قلت انة وارثه عن والدة وجدة ليها قصة

تحياتي ليك انت شرفتنا

كراكيب عادل يقول...

ام العيال

الحياة كلها معاني مش بس القصة

وبين السطور نقش بسيط علي جدران

شاسعة


تحياتي ام العيال

كراكيب عادل يقول...

خالد وليس بخالد

الاسم دة لية رنة خالد وليس بخالد

ربنا يخليك انت لينا وتجي وتعلق

وشكرا للدعاء دة جميل بحبة فعلا

كراكيب عادل يقول...

Mohamed A. Ghaffar

بتحصل يا فندم

بس بجد مفيش حاجة في بطني هههههه

اة يمكن قصدك علي الشاعر

كراكيب عادل يقول...

Anima

وهو فية حد في الدنيا متنصبش علية

مش شرط يكون فلوس

النصب اشكال

كراكيب عادل يقول...

smraa alnil

ربنا يريح بالك يارب

شوفي اهو بدعيلك

مش هحيرك تاني

كراكيب عادل يقول...

سلسبيل

فنانة وجبتي الشق المطلوب هو فعلا زمان بس انا كان قصدي فعلا علي البورصة والاسهم الشديد تعليقك

بجد تحياتي

كراكيب عادل يقول...

محض روح

فية كتير

وحب الربح السريع هو الاساس وكل واحد مفكر نفسة شاطر

فعلا دة مضمون الحكاية

كراكيب عادل يقول...

ريما

هو ذكي بس ذكاء مستخدم للشر

الذكاء انواع منهم للخير للشر للدعوة الي اللة زلعاوي وشعبوكا


اسماء خيالية لناس موجودة علي ارض الواقع واغلبهم بيكون كل همة المكسب

كراكيب عادل يقول...

REEMOO

خواطرك انتي هناك احلي

هو ذكي علشان عرف يستغلهم لمصلحتة

تحياتي

كراكيب عادل يقول...

Sampateek

تسلمي دي من وحي البورصة يا سمباتيك مش اكتر

والصورة فعلا نادرة الظاهر بتاعة سوق من ايام زمان

نواب القروض احفادة هنشوفلهم قصة قريب

كراكيب عادل يقول...

اجدع واحد في الشارع

رحنا وشاركنا وكل سنة وانتوا الاتنين طيبين


تحياتي

كراكيب عادل يقول...

محمد فوزي آل ربيع

ايوة لو منتبهين مكانش حصل هههه

الطمع الطمع فعلا

التعليق التاني ليك هو الحل يا باشا

فعلا انا اقصد البورصة مع انك لسه في الثانوي بس مخك كبير وشغال

هقولك الكلمة بتاعة هاني رمزي في فيلم من الافلام

صايع ياباشا قصدي شاطر يعني ههههههههه لابجد برافو

كراكيب عادل يقول...

Esmeralda

الناس تستاهل فعلا علشان طمعهم

بس برضو بيصعبوا علينا

نفس فكرة توظيف الاموال البورصة

وصغار المستثمرين الغلابة بينضحك عليهم

كراكيب عادل يقول...

يا مراكبي

شهادة اعتز بيها من فنان سرد

حصلت كتييييييير ولسة بتحصل وهتحصل

الشق التاني دة بتاع الاتفاق مشوفتوش انا يعني هقول علي حاجة مشوفتهاش افتري يعني يا هندسة

ههههههههههههههه بس هنبعت مراقب يراقب بياع الزلع

كراكيب عادل يقول...

كلام لوجيك

تسلم تسلم

الدماغ تعليقك انا فعلا بقصد كمان حكم نستفيد منها مش مجرد قصة مش اي حد نشوفة نفتكر انة اهبل دة ممكن يكون داهية

تحياتي يا فندم

كراكيب عادل يقول...

توتة توتة

لو تركب كنا قلناها

تنفع معلم ؟؟

كراكيب عادل يقول...

شادي فايد

مش انت هو انت اخر اسم ليك اية

ههههههههههههه

برضو نفس العينة بتاعة تهريب الاموال

تحياتي

كراكيب عادل يقول...

Ma-3lina

نغير انتي ما علينا

يعبر عن حجات كتير واحد هيجيلك في الصيدلية ياخد دوا ضغط اسئلية لية هتعرفي ههههههههه

كراكيب عادل يقول...

أمــانــى

اة هما بيجروا ورا الربح صح كلامك

تحياتي

كراكيب عادل يقول...

gohayna

بيحصل من زمان وحاليا

اه الجديد بئي انة مبقاش الخدع في الزلع بقت فية اساليب جديدة تناسب العصر

تحياتي يا دكتورة شرفتينا

كراكيب عادل يقول...

عالمى ازرق

كلك زوق بجد

ذكاء سرد مرة وحدة انا بحاول اكون بطبيعتي لما بكتب علشان يوصل الكلام من القلب للقلوب حدف علطول هههههه

مهو اهم حاجة النهايات حتي في الافلام

تحياتي

كراكيب عادل يقول...

walaa

الصورة بتاعة الزلعاوي وكانة هو بجد

ههههههه

النصب لة قصص كتير بس الزلعاوي الذهم ههههه ودمة خفيف قال زلع فيها تراب

كراكيب عادل يقول...

Hannoda

القصة مش احلي من تعقيبك بجد

دة التعقيب ينفع قصة العصفور دة كمان طماع برضو

وجشع زي الزلعاوي بالظبط يمكن يكون عصفورة ههههه
فعلا الحياة مليانة حكم بس الي ياخد العظة فعلا الزعبلاوي زي العصفور


تحياتي يا هنود وهحط صور حاضر

كراكيب عادل يقول...

R.R

الله حلو الدعاء دة ربنا يريحنا من الزلعاوية يارب قولوا امين

كراكيب عادل يقول...

Bato0ot

استغلال الطمع وهو كمان جشع

لو اجتمعو دول تبوظ الدنيا

كراكيب عادل يقول...

الدبور

سلامات سلامات

ربنا يشفيك يارب

كراكيب عادل يقول...

mesh2dra

دة الزلعاوي الي جامد وخلي قصتة تكون كدة

موجود بينا في كل مكان وزمان استحالة الدنيا تخلص منة

زلعاوي ابن زلعاوي

كراكيب عادل يقول...

لأباصيرى

سلومة الاقرع دة برضو انضحك علية هههههه

هو كمان حب يقلد الزلعاوي بس علي مين الزلعاوي نصاب كبير ههههههه

كراكيب عادل يقول...

dandana

انتظرت ردك كتير بس مجاش الظاهر التعليقات عجبتك اكتر من القصة

لقطات كاميرتي تحيييك شكرا لاطراءك

تحياتي

كراكيب عادل يقول...

esraa

الاميرة

فينك من زمان دة المختصر المفيد بجد

طمع الانسان سبب في مصايبة اختصرتي فانجزتي

تحياتي

كراكيب عادل يقول...

قصاقيص

طبعا امال اية الزلع لها تاريخ

دة حتي مكتوب عليها ابقي شوفيها

لازم فية مننا كتير هينساق وراهم

يالا هيحصلهم زي بني شعبوكا

تحياتي

كراكيب عادل يقول...

احمد سلامة

حبيبي الفنان بجد اولا نورتني هنا

وتسلم علي اطراءك الحمد لله انة عجبك اسلوب الصياغة دي شهادة يا فندم اعتز بيها

تحياتي

كراكيب عادل يقول...

محض روح

تبوظي البيعة هو انتي مستغنية عن عمرك ولا اية كويس الي محدش سمعك

مهو زرع في المنبع

بس الناس الي سابت الخير وراحت تشرب من مية البحر وغسلت يدها من النيل الموضوع اتعكس خلي بالك

كراكيب عادل يقول...

Hannoda تاني

لا هي مازلت اوهام للبيع

هما شافوها احلام غالية

الفيوم مش محتاجة زلع دي ارض خصبة

ممكن هنا في الكويت ماشي هههه

تفي من بوقك عايزة مية زلعاوي مهما موجودين اصلا

تحياتي

كراكيب عادل يقول...

خمسة فضفضة

دكتورة نورتيني بجد

لا يا ستي انا بقصد البورصة هههههه

ويجعلة عامر :)

كراكيب عادل يقول...

صاحب البوابــة

شكرا لزيارتك

وشكرا لاطراءك الجميل

فعلا فية اسقاطات للطمع والاوهام والجري ورا الفلوس حتي لو بشكل غير منطقي

تحياتي

كراكيب عادل يقول...

محض روح من تالت

السخرية هنا اصبحت نصب

يعني فعل مش بس كلام

بس بحب جحا انا اكتر من الزلعاوي ههههه


تحياتي

كراكيب عادل يقول...

ياسمين

صاحبة التعليق الناضج في اغلب الاوقات

اه دول عينة فعلا وفعلا برضو الطمع اداة مهمة جداا ليهم

والعولمة ادة ممتازة برضو

تحياتي يا ياسمين شرفتينا

كراكيب عادل يقول...

david santos

اسف مفيش عندنا توصيل زلع للمنازل بجد


بس اعمال جيدة اسبوع

كراكيب عادل يقول...

الحمقاء المضلله

هو نصاب وفهلوي بجد بس من بتوع زمان

فولكلور والله فكرة دنا ممكن اعمل موسوعة زلعاوية كاملة

تنافس جحا دة

بس لية الاسم دة ؟؟

تحياتي

Van Gogh يقول...

فكرتنى بموجة الدينارات العراقية اللى انتشرت فى البلد بعد سقوط بغداد...تخيل ان المصريين سابو كل اللى بيحصل وبدأوا يجمعوا العملة الجديدة على اساس ان الأمريكان هيخلوا الاقتصاد العراقى تمام..وبكرة يبقى الدينار بعشرة جنيه...اختى وجوزها اشتروا كام مليون...والناس بقت بتجرى وراها زى ما تكون دولارات...وفى النهايه...الزلعاوى مجاش
واللى عنده ملايين...عمل بيهم لحاف عشان يدفييه...بدل ما يبعهم بخسارة ويموت فبها
شكراً انك عرفتنى مين كان ورا القصة دى
ريحت ضميرى
وجهزلى كرسى حلو فى اول المدونة بتاعتك
عشان نظرى ضعيف
:)

كراكيب عادل يقول...

van gogh


من الاسم باين انك بتحب الرسم صح ؟؟

ابقي عدي علي المدونة التانية هتلاقي شوية لوحات متسندين علي حيطة المدونة في المخزن الخلفي جنب السلم


دنانير عراقية تعرف فعلا نفس الفكرة ههههههههههه

ووالزلعاوي برضو مجاش عموما حاضر هحجزللك كرسي وفي اول صف وسلامة الشوف :)

SoRsaRaa يقول...

السلام عليكم
انا جيت اكتب اخر الانباء بس واضح انك عرفتها
على العموم بعد اذنك انا هنزلهم للى لسا مايعرفش


اهم الانباء فى عالم التدوين:
ــــــــــــــــــــــــــــــــــــــــــ

"مسابقه افضل موضوع"
http://best-post.blogspot.com/

"من أجل مدونات نظيفة"
http://5fadfada.blogspot.com/2007/04/blog-post_20.html

"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html

ياريت تشرفونا وتشاركوا معانا فى المواضيع دى

كراكيب عادل يقول...

صرصارة هانم

علم وينفذ في الحال

عاشقة الوطن يقول...

عادل

القصة حلوة
وزعبلاوى أكيد كان عامل حسابه فى يوم من الايام انه أكيد لازم يغير نشاطه
بس هو برضه كان عامل فى حسابه ان كل شئ بآوان وميستعجلش
وهو كده ضرب عصفورين بحجر
واستفاد

وزى مابيقولوا الشاطر اللى بيضحك فى الاخر مش فى الاول
زى ماكل اهل السوق عملوا
يعنى العبرة بالنهاية

تحياتى الشديدة للقصة الجميلة وللزعبلاوى وذكاؤه

كراكيب عادل يقول...

عاشقة الوطن

اكيد الي زي دة بيكون مخطط وراسم لبعيد واهم شئ يكسب ثقة الناس في البداية وهب يبدأ اللعب بس شوية وقت وصبر حتي في النصب الصبر بينفع

تحياتي ليك

None يقول...

بصراحه القصه حلوة..واسلوب السرد حلو جدا..والصورة بقي احلي ما في الموضوع..متهيئلي انك تقصد اللي بيحصل في البورصه ..مش كدا بردو


تحياتي

None يقول...

معلش حاجه خارج الموضوع

عجباني اوي صورة الطماطمايه اللي في الجمب دي ..انت اللي مصورها ؟؟

كراكيب عادل يقول...

none

شكرا جداا
اسلوب السرد بسيط جداا ومتعمد بية انة يكون اقل من البسيط كمان انا جاي هنا اتكلم وكاني بكلم نفسي

كلنا لو اتكلمنا مع بعض هنتكلم بالاسلوب دة انا بحب اتكلم بية وهنا بالذات اقصد الاسلوب البسيط دة

وكلامك مظبوط بالفعل انا كنت اقصد البورصة والي بيحصل فيها من لعب وغيرة

لكن الزلعاوي وابوة وجدا واحفادة شخصيات بتتكرر كتير مهمتهم في الحياة انهم يكونوا نصابين وغشاشين وكل همهم انة يكون معاة كام

تحياتي ليك لاول زيارة

كراكيب عادل يقول...

nona تاني

نسيت الطمطماية وكل الصور من تصويري وهناك في المجونة التانية هتلاقي منها كتير صور ورسم

بس دي صورة الطمطماية قبل ما ناكلها سلطة وكان الذ طبق سلطة اتاكل في حياتي مهو انا اكلت طمطماية مشهورة بئي كانت لظيظة بشكل
ومرة تاني تحياتي

bastokka طهقانة يقول...

ابن الاروبة ده اكيد منوفي




اوروفوار

كراكيب عادل يقول...

طهقانة

ههههههههههه

مليش دعوة بالمحافظات انا متورطنيش بس اشمعنا منوفي يعني الا هو طهقان من فين ؟؟

Sharm يقول...

قصة جميلة اوي

كراكيب عادل يقول...

sharm

حمدالله علي السلامة فينك مختفي

تسلم يا دكتور احمد

ana ga3an يقول...

حقيقي لازم تعذرني لاني ما اكتشفتش مدونتك غير قريبا
وبالرغم من بساطة تسلسل احداث موقعة زلعاوي
الا انها في غاية العمق
وتعبر عن واقع المصريين خاصة و العرب عامة
حقيقي روعة يا استاذ عادل

كراكيب عادل يقول...

ana ga3an

انا عكسك عارف مدونتك من زمان هتلاقي علي يمينك لينك مدونتك
ومبسوط ان القصة عجبتك


تحياتي

Tamer Nabil يقول...

كلامة معقول



تحياتى

كراكيب عادل يقول...

تامر نبيل

كلامة معقول دة رئيك ؟؟

طيب وافعالة ؟؟

:)

ياسمين يقول...

جيت اسلم بس

كراكيب عادل يقول...

ياسمين

احلي تحية لاحلي ياسمين الي جاية تسلم

دانتي نورتي المدونة اية اخبار الشربات اتبل ولا لسة ؟؟؟

Esmeralda يقول...

فيه بوست جديد اهه

رينـــــــــــا يقول...

رجل ذكى جدا
عرف يضحك على تجار بقالهم ميه سنه فى السوق
والتصرف دا يدل على ذكاء ودهاء

رينـــــــــــا يقول...

رجل ذكى جدا
عرف يضحك على تجار بقالهم ميه سنه فى السوق
والتصرف دا يدل على ذكاء ودهاء

كراكيب عادل يقول...

Esmeralda

دة بوست مسخرة خالص

شوفتة جداااااا

:)

كراكيب عادل يقول...

رينا

ذكاء يودي في داهية اصلة بيستخدم في الخبث

الاهم انك نورتيني لاول زيارة في المدونة

ياريت تتكرر

koukawy يقول...

انا مش قادره احدد مين بالظبط بس هي قصه واقعيه جدا
و ممكن تطبق فعلا علي حاجات موجوده

كراكيب عادل يقول...

koukawy

اولا متشكر جدااا انك بتابعي التدوينات السابقة والقديمة

بخصوص الزلعاوي دة فعلا في الواقع فية زلعاوية كتير بس هنا انا كنت اقصد البورصة

تحياتي وسلاماتي لكوكو الكميل

koukawy يقول...

علي فكره كوكو اشتكالي منك و انا جيت اتأكد بنفسي لقيت كوكو عنده حق
ازاي تكتب اسمه في المدونات اللي انت بتحبها جميل مش كميل
هههههههههههههههههه
تاني حاجه 00 يا ريت تحط لينك للدانلود للأغنيه بتاعت فيروز دي عشان انزلها
لو مفيهاش غلاسه
اخيرا سلامي لعبد العزيز
و اديله بوسه كبيييييييييييييييييره

كراكيب عادل يقول...

koukawy

علم وينفذ

هههههههههههههه

منقدرش علي زعل كوكو الكميل

وهنحط اللينك حاضر

ويوصل السلام لزيزو

bnateeen يقول...

يسلموووو يا عثل

دردشة
شات
منتدى
منتديات

غير معرف يقول...

اقولك تقصد بيها ايه اننا احيانا بنلغى عقولنا ونصدق اى حاجة مش معقولة طالما بتغذى طمعنا ....لكن تفسير الفهلوة والشطارة غير مقبول بخداع الناس وفى النهاية الطمع بيقل ما جمع طالما اصحاب العقول فى راحة نايميييييين خخخخخخخخخخخخ

رباب

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول