٢٢‏/٠٥‏/٢٠٠٧

لوحة مرسومة ومسموعة ومكتوبة للعندليب


اللوحة رسمتها بالوان الزيت واصعب انواعة البورتيرية
وفيها نقطتين تحدي هسيبكم تعرفوهم وتقروا الكلام وتسمعوا الاغنية
فينك يا عبد الحليم تنقذنا من صعاليك الفن

اي دمعة حزن لا لا لا لا لا ... اي جرح في قلب لا لا لا لا لا ... اي لحظة حيرة لا ... لا لا لا لا حتى نار الغيرة لا ... لا لا لا لا لا ... عايشين سنين احلام .. دايبين في احلى كلام .. لا عرفنا لحظة الم .. ولا خوف .. ولا خوف من الايام قلبي دق دق دق ... دق .. قلت مين عالببان دق ..؟ قلي افتح ده الزمااان ... قلتلو يا قلبي لاء جاي ليه يا زمااان ؟ بعد ايه يا زمااان ...؟ من كام سنه قلبي و انا عايشين هناا .. من كام سنه من كاام سنه دنيا الهناا بضمناا .. من كام سنه وال ايه جاي الزمان يداويناااا .. من ايه جاي يا زماان تداوينااا ؟؟ ده الامل في عنيناا .. والفرح حواليناا حواليناا سأل الزمان و قال ايه غير الاحوال ؟ قلنالوو حبينااا ... و ارتحناا و انسينااا ... الجرح بتاع زماااان ده احنا حبيناا .. اه حبينااا وارتحنا و انسيناا .. الجرح بتاااع زمان احنا حنا ... احنا اللي امناا للزماان .. احنااا وحنا حنا .. احنا اللي خد منا الامان وجرحناااا احنا احنا .. احناا اللي طواعنااا احناا .. و عمرو في يوم ما ريحناا لا ملامه علينا لا ملامه .. ده تعبنا و دبناا ياماا وما نادينا عليه يداويناا .. عمره ما فكر في يوم يجيناا و ادينا عايشين و بقينا عاشقين ... لا جراح في قلوب و لا دمع حزين .. ولما دق الحب بابنااااااااا ... الربيع نور شبااابنااا وفي ليلة مش ناسيهاا .. سهران الفرح فيهاا جاني الزمان و معااه .. هدية فرحت بيهاااااااا حبيبي الاولالالالالاني .... سافرت كتير معااه .. كتير كتير معااه في احلام في هوااااه ... كتير كتير معااااه سقيتو من حناني .. و بنيت معااه اماني .. وقلت يا دنيااااااااا .. تديني عمر ثاني .. وصحيت على العذاب .. لقيت الفرح غاااب و الحب يا عين داب ... اتاري الزمان كذاب .. وقدرت يا زمااان .. في رحلة النسيااااااان انسى اللي كان و ارتاااااح ... وابعد عن الاحزااان شوف يا قلبي شوووف .. شوف الدنيا قلبي .. حلوة حلوة ازااي بالحب يا قلبي .. عمرك شفت قمر سهراان ... غير للعشااااق ولا نجمه جاايبة كلامة .. غير للمشتاااااااق كل العاشقين زيناااا عايشين .. لا جراااح في قلوووب ... ولا دمع حزين .. وال ايه جاي الزمان يداويناااا .. من ايه جاي يا زماان تداوينااا ؟؟ ده الامل في عنيناا .. والفرح حواليناا حواليناا سأل الزمان و قال ايه غير الاحوال ؟ قلنالوو حبينااا ... و ارتحناا و انسينااا ... الجرح بتاع زماااان
تحديث
حطيت صور جديدة في البلوج التاني علي يمينك اللينك

هناك ٩٣ تعليقًا:

سلسبيل يقول...

الله الله الله
اللوحة جميله جدا وفيها حياه
....تسلم ايد اللي رسم يافندم
اما اسمع الاغنيه بقي عشان بحبها جدا

غير معرف يقول...

انا بحب العندليب جدا ودي من اكثر الاغاني الى بحبها وحفظاها وحسيت ان الصورة هتنطق

الصورة تجنن عبقيرية في التفاصيل

SomeOne يقول...

:)

الله
تسلم يا باشا

انت رسامها من
92
:)

بس جميلة فعلا
والاغنية مش محتاجة طبعا اتكلم عنها
:)

FATMA يقول...

جميلة
رسمك جميل

Reemo يقول...

وااااااااااااو
دى حلوه اوى ياعادل
هو انت اللى راسمها ؟؟؟

سكتم بكتم يقول...

روعة هو ده الفن اللي بجد

مش تقولي الفيديو كليب

أنت فنان حقيقي

أمــانــى يقول...

ايه الحلاوة دى
دا انت طلعت فنان كنت فاكرة بس ليك فى التصوير وطلع كمان الرسم
اهو الكراكيب ولا بلاش
:D

Ma 3lina يقول...

الصورة رااااااااااائعة

تصدق امبارح بليل كنت بقلب فى القنوات لقيت اغنية لعبد الحليم على روتانا زمان بس ايه باه اتمزكت و عدلت موودى

ربنا يرحمه بيمتعنا و الله

خمسة فضفضة يقول...

السلام عليكم ورحمة الله وبركاته

حلوه اوي الصوره موهبتك باينه فيها اوي
بس مش عارفه ايه هما نقطتين التحدي دول

وتحدي من اي جهه بالظبط ؟؟؟

هاستني بقي لحد ماتقولنا عليهم

غير معرف يقول...

ياااااااااااه
من سنة 92، بس حلوة اوى، قال وأنا اللى كنت فاكرة نفسى بعرف أرسم، أنا كده جنبك ولا حاجة

The Alien يقول...

رسمك حلو زي صورك

تحياتي

نفسنا يقول...

تم أفتتاح العدد الأول من مجلة نفسنا
نتمنى منكم زيارتنا

koukawy يقول...

فنان بيرسم فنان
اكيد لا تعليق يا ابو عبدو العزيز

أسوور يقول...

اللوحة تدل على موهبة فظيعة
والأغنية بأموت فيها وباغنيها دايما من وانا صغيرة أنا واختى سوا سوا واحنا مع بعض
تحياتى

Amr Ahmed يقول...

حبة روقان بقي

يا سلام

اللوحة دي اسمها روقان

اسمع حليم وسيبك من القرف الغنائي الحالي شوية

اللوحة رائعة

كراكيب عادل يقول...

كالعادة متابع تعليقاتكم وبترسم جواي احلي لوحة حب

نهى جمال يقول...

أول مرور

ورسمك عجبني

تسلم ايدك

والأغنية نو كومينت

عبد الحليم لا يحتاج لرأي طبعا


تحياتي

walaa يقول...

روووووووووعة .. يسلموا الأيادي يا فنان

اللوحة هتنطق .. عن جد جميييلة .. يا ترى اخدت منك أد إيه وقت لرسمها؟ .. وتقصد بايه نقطتين التحدي .. ملمح معين مثلا زي العينين وكده .. عموما هي كتير مطابقة لملامح عبدالحليم الله يرحمه ..

و أي دمعة حزن لا لا لا لا

أحمد سلامــة يقول...

بصراحة اني انحني احتراما وتقديرا لريشتك الممتازة يا عادل
مش هينفع اتكلم لني فعلا منبهر جدا بيها
تسلم ايدك والله
نقط التحدي ؟؟
معرفتش اوصل غير بإن اللوحة مرسومة بلون واحد غير الأبيض والأسود وده ابداع في اللعب برجات لون واحد في ملامح شخص كاملة
بس معرفش ده حقيقي ولا لأ
لكن ممكن يكون مش كده طبعا
التحدي التاني كنت ممكن اخمنه لو عرفت سنك
على العموم انت باي حال رائع وممتاااااااااااااز

غير معرف يقول...

نقطتين تحدى
صعب يعنى رسمهم ولا تحدى فى ايه بالظبط

safa7_karmooz يقول...

الله الله الله

عاللوحة الحلوة بجد

وعالاغنية اللى شكلى هدخل شان ااسمعها

loumi يقول...

العزيز عادل
من امبارح باحاول اعرف ايه نقطتين التحدى
ما عرفتش وغلب حمارى
اصل حمارى ده دايما مغلباه معايا
ههههههههههههههه
اللوحه بجد جميله تسلم ايديك
والاغنيه اجمل
بس بجد انا سمعتها كتيييييييييييييييير
بس اول مرة اقرا كلماتها
اصل اللحن دايما بياخدنى اكتر من الكلمات
انا مش ناقده فنيه بس بجد الاضاءه والظلال فى الصورة معمولين حلو
واللوحه دى العينين فيها سعيده
بعكس كل اللوحات اللى كانت بتترسمله وفيها حزن فى عنيه
تحياتى
تا ترى مخبى كراكيب تانى جميله زى دى؟

Noony يقول...

:)
أول مرة أقرأ كلمات الأغنية دي...شكراً
اللوحة تحفة
:)
نقطتين التحدي: يمكن الظل والإضاءة اللي في اللوحة
التانية مش عارفة
أصلي ماليش خالص في الكلام دة

بجد لوحة جميلة أوي....تسلم إيدك
المهم تحافظ على موهبتك وتنميها

:)
نوني

حواء يقول...

كراكيب ايه بقى المفروض تسميها تفانين عادل احيييييييييييك جميلة جدا .. بس ايه التاريخ القديم ده اللى عالصورة .. انا عايزة اسمع انا لك لى طول واسمر يا اسمرانى ممكن ؟؟؟.. بس برافو عليك

Tamer Nabil Moussa يقول...

صورة جميلة جداا ياعادل

ربنا يوفقك

تحياتى

نقطة مية يقول...

الله..ايه الفن ده كله..اللوحة متقنة
تحياتي

حواء يقول...

اه صحيح ايه حكاية الخميس آخر الليل دى ؟؟؟؟؟

AHMED SAMIR يقول...

لوحة ايه؟
دي حضرتك مش لوحة؟
انت بتسمي دي لوحة؟
دي تحفة فنية يا استاذ
دي ابداع يا فندم
تحياتي ليك يا فنان

بسمه عبدالباسط يقول...

اللوحة جميلة جدا جدا
والأغنية روعة من غير كلام

dandana يقول...

برافووو

harmless يقول...

هايل يا عادل
تسلم ايدك يا فنان

الغريب ان اسمك كراكيب عادل
وماشوفنلكش اى كراكيب

ما شوفناش منك غير كل ما هو جميل وشاعرى ومؤثر

فين الكراكيب؟

shermen يقول...

أولا ماشاء الله
الرسم جميل أوي انت فنان مبدع

ثانيا نقطتين التحدي
أنا فكرت كتير فيهم
ومش عارفه إذا كانت وجهة نظري صح ولا غلط
على كل حال أهي وجهة نظر بردوه

هما .... في رأيي
الأولى ... نظرة العين
الثانية ... الابتسامة

نسرين - أمة الله يقول...

السلام عليكم
يعنى حنقول بسم الله ما شاء الله
الصوره طبعا جميله من جميل
النتقطتين معرفش بصراحه يمكن يكون التاريخ مرتبط بحاجه معرفش والله

يا مراكبي يقول...

بسم الله ما شاء الله .. إبداع حقيقي مش أي كلام

ياترى لسة عندك الإحساس الجميل ده لحد دلوقت؟ أتمنى إنه يكون أيوة

بالنسبة للنقطتين .. أعتقد إن أولهم هي نظرة العينين اللي بتديني إحساس إنه باصص لحاجة بعيدة على يميني

والتانية هي إسقاط زاوية الإضاءة من الشمال فوق وظهرت على الشعر وبالعكس عملت ظلال على الناحية التانية يمين

شكلي عكيت .. مش كده؟

حواء يقول...

على فكرة انا اما بكتب تعليق عند حد بيطلب الاول اكتب الحروف دى والا الكومنت مش بينزل بس مش عندى انا عند بعض البلوجرية

gohayna يقول...

ماشاء الله

ربنا يزيدك موهبه يا عادل

ورسمها يوم 14
9
دا تاريخ عيد ميلادي

اكيد كنت هتدهاني هديه


بجد والله تسلم ايدك

واستمر

حرام عليك تبطل


تحياتي ليك من الحر الرهيب

رينـــــــــــا يقول...

ماشاء الله
اللوحه تحفه
انت فنان اوى على فكرة:D

الاغنيه دى بمووووووووووووووووت فيها
بجد احسنت الاختيار
انا استمتعت اوى هنا انهاردة
تحياتى

admelmasry يقول...

فنان بمعني الكلمة
.
.
تحياتي يا فنان

صاحب البوابــة يقول...

لوحة جميلة جداً

تحياتي ايها الفنان

بالمناسبة لم اعد اراك في مدونتي

فلعل المانع خيراً

تحياتي اخي

غمض عينيك يقول...

عادل
دي اول مرة ليا ع البلوج بتاعك
انا مستمتع بكل بوست فيه بطريقة مش معقولة
انت بجد مبدع
تحياتي

غير معرف يقول...

ما شاء الله
و هو من كبار المطربين
أشكرك و في حفظ الله

غير معرف يقول...

حليم حلمنا في زمن بقى كل واحد بيطلع له صوت يغني وصورة تحفة مليئة بالحيوية

غير معرف يقول...

مممممممممم


حلوة

MAKSOFA يقول...

داانت عبقري فعلا
تسلم أيدك

Hannoda يقول...

أنا قاعدة فسيبر نت
وأول ما دخلت فتحت اللي نك بتاعك إنت و كام حد من المدونين اللي واحشني و ناوية أدخلهم إنهارده فوقت واحد و حطيت السماعات فودني

وبدأت أدخل لصفحة صفحة و أقرى و أعلق

وكنت لسة ما وصلتش ليك

وكنت طول الوقت مستنية لما أفتح الكونتس بتاعة حد فالمدونين تقف الأغنية فأعرف مين ده اللي حاطط أغنية بموووت فيها

أول ما سمعتها فودني حسيت إني فجأه فقهوة فاروق فبحري فاسكندرية

وحسيت ان الناس اللي حولي هنا كل واحخد حايقوم ينط من جهازه و يسقف على دخله الأغنية يهلل لسماع عبد الحليم

مش عارفة أقولك كمية الدفى اللي حسيتها وفرّحتني

أما اللوحة

رووووعة.. كنت عارفة إنك بترسم بس ما تخيلتش إني بكلم فنان مش مجرد حد بيعرف يرسم

و أنا بحتر الناس اللي بتعرف ترسم جدا

موهبة الرسم بتعنيلي
الإحساس القوي
و الصبر الشديد
وجمال النفس

أنا مش بمدح فيك.. أنا بمدح هواية الرسم
:)

لا بجد
الصورة جميلة و قعدت أفصصها عشان إتكسفت أعلق من غير ما عرف ايه نقطتين التحدي
بس ما عرفتش

حاتقول عليهم يعني حاتقول

:)

و الله واحشاني مدونتك و أكيد عارف إني متأخرة غصب عني.. أصل ده البديهي

غير معرف يقول...

في واحد غضبان مني لأني ما بدخلش مدونته

بس هو مش عارف اني الأيام دي ما بدخلش مدونات خالص

لأني بزاكر و كمان الشغل

اديني جيت بس لقيت احلى حاجة ممكن ألاقيها صورة للعندليب

جيت أقولك تسلم ايدك

غير معرف يقول...

اللوحة فيها شغل جامد جداا في الاضاءة
انا برسم كمان وياريت اتعرف عليك اكون شاكر لك

لو وافقت علي الاضافة في المسنجر

انا كنت نفكر نفسي فنان

هههههههههههههههههههه

Yassmina يقول...

انا اول مره اجي هنا
الصوره جميله على فكره وضحكه حليم فيها جميله
انا بحب حليم قوي اصلا

بجد رسمك حلو وهادي

أمــانــى يقول...

يــا عمــــــو ابو كراكيب
فى تاج لحضرتك ياريت تعمله
:D

reri يقول...

ده إنت رسمك جامد جدا
فنان بجد يا عادل
تسلم إيديك
والأغنيه طبعا مش محتاجه أقول رأيي

سلاماااااااااات يا فنان

reri يقول...
أزال المؤلف هذا التعليق.
LOJAIN يقول...

موهية عالية
ماشاء الله

Regards:
lojain :)

youssef يقول...

رائعة اللوحة و رائعة ابتسامتك و نظرتك المتفائلة او المحاولة للتفاؤل رغم كل شئ .. فعلا تحسد عليها ..
لكن لازم تكون عندنا خلفية فنية و نقدية معقولة عشان نعرف التحديات .. بنظرتي الانطباعية اعتقد العينين اول حاجة بتعمل البورتريه .. بادقق فيهم كويس واستمتع بالخطوط الجميلة..تناسق الالوان و الخلفية جميل و الظل الطفيف في الخلفية دوره كبير .. الابتسامة والارتفاعات و الانخفاضات حول الفم صعبة جدا ومهارة واضحة في تفصيلها ..لون البشرة برضه فيه مهارة كبيرة .. ده غير الاضاءة اللي بتفتح تدريجيا من يمين الوجه الي يساره و تعطي مصداقية رائعة للصورة.. جميل يافنان و الاجمل لو يكون الامل في عنينا و الفرح حوالينا رغم كل شئ
تحياتي العطرة

koukawy يقول...

فين بوستاتك فين

نقطة مية يقول...

فين جديدك....على فكرة الجزء الثاني نزل..يا ريت تقراه قبل ما انزل الثالث

و تديني رأيك

تحياتي

كلبوزة لكن سمباتيك يقول...

يا سيدي يا سيدي
و قال اية
حليم حتةواحدة
لااااا
ده انا ازغرط بقى

gohayna يقول...

عادل انت فين محتفي ليه

الحر ابتدي يأثر ولا ايه

تسجيل متابعه

فين الجديد حضرتك

كراكيب عادل يقول...

انا بدلت جهاز اللاب توب بجهاز جديد احدث واتكعبلت في الفستا علشان اشيلها وارجع للاكس بي موال لان حضراتهم بينزلو الفستا من غير تعريفات

للجهاز حاطين فيل ريكفري يرجع الجهاز لوحدة

طب انا معجبنيش الفستا

اعمل اية ؟؟؟

ودي تيجي طبعا برضو افرمت واتبهدل علشان اشحت الدريفر من النت ومن كل محل واحد

:((((((((((((((
بس هانت خلاص باقي الواي فاي وخلاص

عارف اتاخرت في الردود

معلث معلث

david santos يقول...

Alive the people of Palestine, against the fascism of Israel and the terrorism of the North America

Peace for Palestine

-_- يقول...

طب اقولك ايه بس

انا هعلق و ارجع للصفحة الرئيسية عشان اكمل الاغنية

بجد شايلك كم احترام في قلبي كبير بسبب الموضوع ده لاني من عشاق العندليب

على فكرة

مدونتى فيها موضوع ريحته وحشة
اللى بيقرف ميدخلش عندي

عشان التدوينتين مش هيبقوا لايقين على بعض خالص و منظري هيبقى وحش قدام الناس

:)))))))

الخيط الرفيع يقول...

بسم الله ما شاء الله
اية الفن دا كله
بجد الصور ممتعة جدا

NeRmeeN يقول...

بجد الصورة تحفة
فنان بجد يا عادل
(اظن انا ماجبتش جديد يعنى)

اسفة عن الانقطاع الطويل ده عشان الامتحانات وكمان ظروف كده

تحياتى ليك يا فنان

samvet يقول...

عادل اول مرة ازورك
بس دى مش كراكيب بجد
شكلك متواضع
يلا الى الامام دائما

Lemonada يقول...

الله الله الله
زمن جميل واغنية عسل وسكر وفطير مشلتت
ورسمة جامدة جداااا
يسلم اديك يا عم

على فكرة الصعوبة على ما اعتقد هي بالتجعيد عند العينين والفم والجبهة
صح؟!؟

انا بعشق عبد الحليم
يا عم يا بختك
بتعرف ترسم وتعبر عن مشاعرك وتكتب
لازم تكون على كدة بإذن الله براحة نفسية عشان بتفرغ الي جواك دايما بأشكال مختلفة

على فكرة مدونتي زعلانة منك
ابقى صالحا وزورها

غير معرف يقول...

ايه ده انا فاكر انى سبت تعليق هنا
لا مش مهم
طبعا مش محتاج اقولك رائع و كارثة عشان ديه اقل حاجة
..........
انت فين من زمان يا فنان يا جميل؟؟؟؟؟
طمنا عليك

غير معرف يقول...

ماشي يا عم عادل

يعني أنا أغيب شوية تنساني خالص

بس يللا مش مشكلة
أنا عرفت إنك كنت مشغول شوية

يعني مش عارف أقولك إية بصراحة

بصراحة توحفة
بيعجبني اهتمامك بالتفاصيل في البورتريه
بحب إن الوش يبقى واقعي كدة بكل خطوطه و تجاعيده

تحياتي يا صديقي العزيز

غير معرف يقول...

السلام عليكم

ماشاء الله عليك

تحخة والله

غير معرف يقول...

السلام عليكم

ماشاء الله عليك

تحفة والله

كراكيب عادل يقول...

بصراحة كلكم عندي غاليين

وحشتوني بجد ووحشتني تعليقاتكم

واكييد وحشتكم ردودي

بس انا هشكركم كلكم مرة وحدة

____________________________
___________________________

بشكر سلسبيل مي

=============================

بشكر مجهول
=============================

بشكرا شادي فايد

=============================

بشكر توتة توتة

=============================

بشكر ريمووووووو

============================

بشكر سكتم بكتم

=============================

بشكر اماني

============================

بشكر ما علينا مرام

===========================

بشكر دكتورة خمسة فضفضه

============================

بشكر بحبك يا مصر

===========================

كراكيب عادل يقول...

the alien

======================

نفسنا اميرة ويلز


========================

كوكو الكميل

========================

ياسمين

=======================

عمر احمد

=======================

نهي جمال

======================


شكرا ليكم كلكم

كراكيب عادل يقول...

ولاء

============================

احمد سلامة


============================

بحبك يا مصر

===========================

سفاح كرموز

-
=========================


شكرا ليكم وتحياتي

كراكيب عادل يقول...

لمى


===========================


نوني


==============================


بوسي كات


===============================

تامر نبيل


==============================

كمان شكرااااااااااااااااااااا

ليكم

كراكيب عادل يقول...

نقطة مياة


=========================

بوسي كات


==========================

a.samir

=========================

bos bos


=========================

دندنة

===========================

هارملس


=============================

الف تريليون شكرااااااااااااا

كراكيب عادل يقول...

شيرمين


==========================


نسرين امة الله


============================

مراكبي احمد باشا


============================

بوسي كات




================================

جهينة


==============================

رينا


============================

مية الف تريليون شكراااااااااااااااااا

كراكيب عادل يقول...

نيرفانا


==========================

مكسوفة


===========================

هنودة


===========================

انيما


=============================

مجهول


===============================


اماني

=================================

ريري


=================================

لوجين


==================================

يوسف


=================================


كوكو الكميل تاني


=================================

نقطة مية تاني


=================================

سمباتيك


==================================

جهينة تاني


==================================

ديفيد سانتوس ولد عمي


=================================

شارم احمد


================================

الخيط الرفيع


=================================


منصراوي

==================================

ليموند


=================================

محمد فوزي ال ربيع


=================================

مش قادرة



==================================



بشكركم بشكركم كلكم اموووووووووووووة


كان نفسي ارد علي كل واحد بتعليق بس بجد مقدرتش

اعذروني المرة دي


بس المهم ان اللوحة عجبتكم كلكم

ودة شئ فرحني

وخلاني اخدت مقلب في نفسي جامد

وعايش انا حاليا في دور الفنان قال

:)

المهم انا كنت قلت ان فية نقطتين


في اللوحة

وفية ناس وصلت والغالب لنقطة


الاضاءة في الانف والابتسامة مع العيون الحزينة


هما دول النقطتين


ومرة تاني اطنان شكر ليكم يا

اصدقائي

Bossy يقول...

السلام عليكم

بعد اطنان الشكر والتقدير
جيت الحق اي جرام واقع كده ولا كده
والله اللوحه بتقول روعه يا فنان
بجد والاغنيه كمان كلهم تحس انهم حاله بعيده اوي عن الحياه بتاعتنا دلوقتي
بجد تسلم ايدك وربنا يعينك في الشغل وتخلص
ان شاء الله علي خير سلام

كراكيب عادل يقول...

بوسي

عامل حسابي

هتلاقي عندك طن ونص تشكرات وكمان نوصلهم للبيت

ههههههههههههههههههههه

فينك ؟؟

تسلمي يا بوسي كلك زوق

انا مبسوط وفرحان علشان الحجات دي عجبتكم


انا خلاص فضيت دة حتي قاعد بقزقز لب اهو

تامر حسين يقول...

اللوحه جميله وواضح انك من عشاق الزمن الجميل
اتمني تشوف مدونتي وتقولي رايك بجد هتفيديني
تحياتي

الملتقى يقول...

ندعوكم للمشاركة معنا فى
الملتقى
ملتقى ابداع المدونين
واراءهم ومواضيعهم
تسعدنا مشاركاتكم

كراكيب عادل يقول...

تامر حسين

تسلم

وهروح حالا عندك

كراكيب عادل يقول...

الملتقي

نتشرف

لية لا ؟؟

Radwa يقول...


انت اللى راسم الصوره دى بجد

دى جميله اوى
انا كان نفسى اكون بعرف ارسم بس يا خساره

بس انا ممكن اكتب واعبر بشعر او بنثر بس الرسم يفوق كل ادوات التعبير

Unknown يقول...

مش ممكن الصدفة دى دى أحب أغانى عبد الحليم لقلبى ... و برافو عليك أنك ماهتمتش تجيب الشبه بالضبط أكتر من أنك ترسم عبد الحليم زى ما أنت شايفه

كراكيب عادل يقول...

سندريلا

اهلا بيك

اة انا الي راسم

:)

كمان التعبير بالشعر والخواطر رسم وتعبير بشكل تاني

تحياتي

كراكيب عادل يقول...

عاليا حليم

انتي اتاخرتي جدااا

انا كنت حاطط الاغنية تسمعيها كمان

انتي اتاخرتي معلش شيلت الاغنية وامبارح بس حطيت فيروز

بس لو عايز لينك فية كل الاغاني حاضر مع انك اكيد متتوصيش دة يمكن عندك البروفات انتي

هههههههههه

تحياتي

Unknown يقول...

للأسف أنا فعلا جيت متأخر معلش ملحوقة و بالنسبة للمواقع أنا فعلا عندى موقع حلو أوى على هامش مدونتى

كراكيب عادل يقول...

عاليا حليم

ازيك

نشوف الموقع بتاعك دة \\

:)

حسن ارابيسك يقول...

جميل البوست وعند حق يجي عبدالحليم ويتفرج على غُنا الأيام دي
بس على فكرة أنا أول مرة اعرف إن البورتريه نوع من أنواع الزيت
مش انا اللي بقول انت اللي بتقول راجع تاني الكلام اللي انت كاتبه

كراكيب عادل يقول...

حسن ارابيسك

هههههههههههههههههههههه

موتني من الضحك

صحيح اية الي انا كاتبة دة

لا واكتر من 80 واحد علقوا

محدش انتبة

كبير يا باشا

انا اقصد ان اصعب انواع الرسم البورتيرية وكمان بالون الزيت

شوف انت عايز تحسب اية واحسبة

مليش مزاج اعدل في البوست تاني

هههههههههههههه

تحياتي

غير معرف يقول...

يسلمووووووووووووووووووووو


دردشة
شات
منتدى
منتديات

غير معرف يقول...

مش هاكتب حاجة يا عادل غير انى اقولك انى لما شفت لوحة حليم ومعاها موسيقى اغانيه بكيت مش عارفة ليه

رباب

واحد من الناس يقول...

حرام عليك ياعدول انت جيت علي الجرح بالصوره والاغنيه حاجه جميله بجد..يالتوفيق

Unknown يقول...

ممكن يكون قصدك بالتحدى الظلال واتجاه الضوء في الصوره ....انامعرفتى محدوده في هذا المجال