٠٣‏/٠٥‏/٢٠٠٧

من غير سبب مش عارف لية عندي امل !!


زي الطيور دي الي صورتها و ثقتها بان ربنا هيرزقها من قلب

البحر دة انا عندي امل ان حجات كتير هتكون احسن

فقط هي دعوة للتفاؤل

هناك ١١٥ تعليقًا:

Noony يقول...

عادل
السلام عليكم ورحمة الله وبركاته

جميلة أوي الصورة
فعلاً بتعث التفاؤل والأمل والخير الذي لا ينضب
البحر..حكايته حكاية
على أد ما بحبه على أد ما بخاف منه
بس برضه مبقدرش إني أبعد عنه كتير

صورة جميلة بجد
أحييك عليها يا فنان

نوني

كراكيب عادل يقول...

نوني

انتي اول وحدة تعلقي عليها ودة اجمل شئ

دة احساس اللحظة حاليا بجد زهقت من الانتقاد لكل شئ جواي وعند غيري عايز اتفائل لقيت الصورة دى كنت صورتها من فترها ترجمت الاحساس عندي لقيت نفسي بحطها مع اني كنت هكتب حاجة بس دي هتعبر اكتر

وفلا البحر دة حكاية

AHMED SAMIR يقول...

تصدق بالله ان الموضوع دة كان بيشغل بالي من حوالي 15 دقيقة بالضبط
هو احنا ممكن لسة نتفاءل بعد اللي بيحصل دة واللي منتظر انه لسة هيحصل؟
لقيت نفسي بقول اه..ممكن جدا نتفاءل
غدا يوم اخر
تحياتي ليك

كراكيب عادل يقول...

a.samir

دة توارد افكار الظاهر

بس فعلا كل حد بتجيلة فكرة التفاؤل

وساعات بيرفضها وممكن يحسها

علي الاقل نحسها

تحياتي

SomeOne يقول...

:)

تفاؤل
تفاؤل
تفاؤل

احمدك يارب
:)

كراكيب عادل يقول...

شادي فايد

؛)

الحمد للة

شكلك كدة مش عايز

مليش دعوة انا بعتلك الصورة اهو

FATMA يقول...

اممممممممم
كويس اوي
بحب اشوف كراكيبك يا عادل

Anima يقول...

يا ريت يا رببببببببب

Reemo يقول...

يا ريت يكون عندى ربع الامل اللى عندك يا عادل
مش عارفه بدات مصدقش ان بكره ممكن يكون احسن

~ Bato0ot ~ يقول...

yaaah bafra7 awy ama badkhol blog w bala2y feeh amal!!
w bgd el 7ayah matet3ash mn gheer amal!

سابرينا يقول...

لما تتفاءل بحاجه
تلأقيها
حلوه الصورة
! وحلو التشبه بيها.

gohayna يقول...

جميله الصوره يا عادل

بجد احنا محتاجين للتفأول
كنوع من علاج النفس علشان نقدر نستمر

بيني وبينك الواحد زهق من التشاؤم


تسلم ايدك يا عادل

غير معرف يقول...

هالووووو
انتا م بتتدخل الاميل لية
حبيبة

غير معرف يقول...

حبيبة
متفائل يا اخويااااا طيب عقبالناااااااا

رينـــــــــــا يقول...

ماشاءالله
البحر والطير والصورة وكلامك
ادانى فعلا تفائل
:D

كراكيب عادل يقول...

توتة توتة

انتي فين من زمان ؟؟

بالطريقة دي انتي مش بتحبي الكراكيب خالص كل سنة بنشوفك مرة

هكركب المدونة اكتر من كدة المرة الجاية

تحياتي

كراكيب عادل يقول...

anima

يارب ايوة بس ادعي انتي

وبصي للصورة دي تلات ساعات

ومعاكي بخور عين العفريت

وهتفرج قريب

هههههههههههه

تحياتي

كراكيب عادل يقول...

remoo

اية دة انتي جيتي هنا وبرضو منفعتش الصورة دي مالك بس ؟؟

شكلك كدة زعلانة من حاجة

برضو تفائلي بجد الخير جاي

وهتبقي ايام ورد

كراكيب عادل يقول...

~ Bato0ot

مش كدة برضو طيب متقولي للناس دول

نكد ونكد وتشاؤم

الامل بيدي دفعه وبيخلي الحياة اجمل

ربنا يخليكي ادخلي وربنا يستر المرة الجاية وافضل كدة :)

كراكيب عادل يقول...

sabrina

والله هو دة الي خلاني قلت كدة

لما نتفائل بحاجة هنلاقها

الصورة كلها تفائل ودنيا واسعة وسما مفتوحة

وبحر كل خير

تحياتي

كراكيب عادل يقول...

gohayna

الله يسلمك يا دكتورة

والله محتاجين حتي لو شئ بسيط

انا فرحان لو كنت قدرت اوصل جزء من التفائل ليكي


شكرااا

كراكيب عادل يقول...

حبيبة

لا بدخل الايميل

وبعدين مالك هو انتي بطلتي موضوع التفائل دة مانتي غاطسة في التفائل

علي حد علمي يعني

كراكيب عادل يقول...

رينا

الحمد للة الي قدرت اوصلك دة

لو بس خمسة يدخلوا يحسوا بحاجة حلوة كفاية الباقي هنعملهم كورس تفاؤل


تسلمي رينا

Bossy يقول...

السلام عليكم
الصوره دي تحفه
ليك نظره جميله اوي للاشياء
وتفسير للصور بتاعتك بيدها معني تان
فنان بجد

كراكيب عادل يقول...

bossy

وعليكم السلام ورحمة اللة وبركاتة

الصورة احلي حاجة فيها انها بتعجب الناس

وتعليقك انتي احلي عليها شكلك حسك فني

تحياتي

الوردة السوداء يقول...

يارب

يبقى فى امل

walaa يقول...

الصورة حلوة فعلا .. يسلموا

بس تعرف شكلي هنتظر كورس التفاؤل .. تقول ايه بقى ناس كئيبة ..

بعيد عن السياق .. صورة المصرية تحفة .. اما التعليق فحكاية لوحدة ..

تحياتي ..

يا مراكبي يقول...

ده لازم يكون عندنا أمل وأكتر كمان .. لو في لحظة حسيت إن ما فيش أمل ساعتها مش ممكن نعيش ولازم نموت أحسن

الإنسان دايما بيعيش ويتحرك ويحاول في الدنيا بسبب الأمل

حتى لو فاضل في العمر .. فتافيت عمر

محمد عبد الغفار يقول...

لأنها الفطره السليمة التى فطر الله الناس عليها

غير معرف يقول...

تفائلوا بالخير تجدوه

http://1minelnas.blogspot.com

كراكيب عادل يقول...

الورد السوداء

يارب نعرف نتعامل مع الامل الي جوانا ونترجمة لواقع حلو

بس انا بفكر هو فية وردة سودا ولا دة بس اسم ولو فية اية اسمها ؟؟

تحياتي ونورتيني بزيارتك

كراكيب عادل يقول...

walaa

الصورة دي في الكويت علي فكرة

متحاوليش مش هتشوفي المنظر دة يتكرر دي كانت صدفة وخلاص

:)

كورس تفاؤل خلاص هنشوف بس كام واحد محتاجين علشان نجهز الكراسي ونشوف الموضوع دة

تحياتي يا ولاء

كراكيب عادل يقول...

مراكبي

فعلا لو مفيش امل كان الواحد نام في البيت وانتظر انتهاء حياتة

دائما تجد ما ابحث عنة في نفسي بس برضو مش هعفيك لازم تكتب اية الي عجبك في مصر متحاولش تتنصل صدقني فية حجات كتير حلوة حاول تفتكر بس

طب اقولك اسئل اولادك الصغيرين اية عاجبكم في مصر ؟؟

كراكيب عادل يقول...

محمد عبد الغفار

اللة يفتح عليك هما دول الكلمتين الي منتظرهم وانا دايما بنتظر تعليقك بصراحة هو دة الي انا اقصدة لو خلينا كل شئ جوانا علي الفطرة هنرتاح بس مش تاعبنا غير تلاعبنا

قصدي محاولة العبث مع كل شئ جوانا وحولنا ودايما بننسي ان السعادة من الداخل وليس في المسببات الخارجية

سيبك انت الفاهم فاهم برضو

كراكيب عادل يقول...

واحد من الناس


احسنت احسنت

وجدت المقصود ايضا تفائل تجد

تفائلوا بالخير تجدوة

الله ينور عليك

تحياتي لزيارتك وهزورك

harmless يقول...

عندك امل؟

فى اى مجال يدور هذا الامل؟
عموما؟
ام هناك ما تفكر فيه؟

هل الامل مطلق؟
ام تتخيل طريق يؤدى الى ما تأمل فيه؟

انا ايضا عندى امل
عندى امل ان يكون عندى امل
ربما

كراكيب عادل يقول...

هارملس

يا لهوي كل دة علشان قدمتلك دعوة بس

انا بقول دعوة للتفاؤل براحتك انت

اما عن الامل فهو فطري كما قال محمد عبد الغفار متقوليش انة مش عندك

الامل طبعا مش مطلق والا يتحول الي حلم

وحتي لو حلم واية يمنع في النهاية حلم

احسن من مفيش لابد من وجود مسببات تؤدي لنجاح الامل والا ظل ثابت

مفيش ربما يا هارملس دة موجود جواك بس فتش عنة هتلاقية

اساعدك ؟؟ :)

تحياتي لزيارتك

-_- يقول...

انا بقى خايف من بكرة

كراكيب عادل يقول...

sharm

خاف بس بحساب

خاف بس متخليش خوفك يمنعك من متعة اللحظة خاف خوف التحفيز للافضل

برضو تفائل

تحياتي يا د احمد

توهة يقول...

ومين سمعك
الواحد محتاج يتفاءل خاصة فى ايام الامنتحانات دى

كراكيب عادل يقول...

توهة

في الامتحانات وبعدها

ربنا ينجحك وتطلعي الاولي مكرر

:)

الدبور يقول...

من كام يوم شفت المنظر ده في بورسهيد كان نفسي اصورة
انت عملت كده مكاني
شكرا جدا ياباشاو الصورة اكتر من رائعه

ساعه الغروب يقول...

الله عليك

عارف المختصر المفيد

اهو انت عملت كدا

بجد الف شكر ليك و هخلى اد اخر حاجه هقراها النهارده
عشان افض فاكره التفاؤل اللى فيها


شكرا ليك

:)

كراكيب عادل يقول...

الدبور

اكيد البحر الابيض هتكون صورة مختلفة دي صورة الخليج العربي الي بيتخانقوا علي اسمة عايزين يسموة الخليج الفارسي

الصورة من سنة تقريبا بس اعتبر نفسك انت الي صورتها مفيش فرق بينا يا باشا

مدونتك فيها شغل جامد وخاصة عش الدبابير

تعرف كنت زمان انا وعيال صغيرة نروح نعاكس الدبابير وكانوا يجروا ورانا
كانت زي مغامرة فكرتني انت بيها

تحياتي

Hannoda يقول...

طيب أقولك؟؟
أنا كنت فاكرة المقولات بتاعت إن مادام الطير ببيطير و الصبح بيطلع و الربع بييجي كل سنه.. يبقى أكيد فيه أمل

كنت فاكرة إن كل ده كلام مسلسلات

بس لأ.. كل ده صح

مادام كل ده بيعدي قدام عنينا ومدام قلوبنا مع ربنا يبقى الأمل موجود

الغريب بقى... هو إنك جبت الصورة ده إزاي.. ياعادل مظم صورك بتخلّيني مش قادرة أتخيلك كنت واقف فين وإنت بتاخدها

أصلك يا إما راكب براشوت يا كنت قالب نورس معاهم

بس حيقي صورة جميلة و مريييييحة

كراكيب عادل يقول...

ساعة الغروب

والله فرحت اني عملت شعور حلو جواكي

انا اختصرت علشان الصورة بتحكي كلام كتير وبعدين شوفيها دلوقتي واخر النهار اعملك بوست تاني

:)

نورتيني

كراكيب عادل يقول...

هنود

انتي جيتي امتي ههههه كنت برد علي التعليقات ولما فتحت تاني لقيت تعليقك يعني انتي حاليا اون لاين

عارفة فية حجات كتير بلاقي نفسي متشابة معاكي فية بكلمك جد

علشان كدة بنتظر دايما تعقيبك
فعلا فعلا

الطيور مثال حي للامل

تروح جعانة وترجع ممتلئة البطون

رزقها جالها بس برضو هي راحتلة
الصورة فعلا فيها زاوية

ودي كانت اهم حاجة فيها
الصورة من مكان مرتفع والطيور كانت تحت كنت اتمني اقلب طير في اللحظة دي

بس مكنتش هصور هههههههههه

واللة ضحكتيني

دايما منوراني

Hannoda يقول...

أنا بتخيل إن الناس اتخلقت بقوالب
وده مش تعدّي أبدا على إسلوب خلق رنا لينا.. ده مجرد خيال ببرر بيه التشابه لما يدهشني

يعني انت الحب اتعمل جواك بقالب
والحياه اتخلقت جواك بقالب
\واحساسك بالمستقبل اتخلقت جواك بقالب.. وهكذا

وكل الناس اتخلقت شخصيتها بنفس القوالب مع اختلاف الترتيب

فزي ما كل واحد له 40 شبه و الله أعلم ده صح ولاّ ايه؟

بس أنا بحس إن كل واحد له أكتر من شبيه.. بس مش فكل المعاني
يعني ممكن أكون شبهك في نظرتي للحياه .. وشبه نقيضك في نظرتي للحب

وعشان كده الناس ببتلاقى و تندمج لإن كل دايما بيلاقوا أرض مشتركة في معتقداتهم

ويا سلاااام لما تبقى أكتر من أرض مشتركة

---------------

شفت بقى... قلتلي بستنى تعليقك .. أديك خلتني سقت فيها ورغيت كتيييير

BinO يقول...

تفاءلوا بالخير تجدوه

Ma 3lina يقول...

يااااااااااه

اخيرا حد متفاءل ربنا يكرمك و الله

من الصبح عمالة اقلب فى المدونات نفسى فى حاجة تفرح

الصورة معبرة اوى على فكرة

غير معرف يقول...

دعوه للتفاؤل
جميل اننا يكون عندنا امل
في كل حاجه حولينا
عارف كلمك عن الطيور
وثقتها بربنا
فكرني بحديث الرسول
صلى الله عليه وسلم
لو كنتم تتوكلون على الله حق تواكل لرزقكم كما ترزق الطيور تغدو خماصا وتعود بطانا

نسيب كله على ربنا ونخلي عندنا امل
علشان نعرف نعيش

اخيرا عرفت اعلق
:)
تحياتي يا فندم

حسام مراد يقول...

اولا الصوره حلوه اوى اوى
والكلام عن التفاؤل حلوه عشان انا بحب اسمع عن التفاؤل وكده فى الوقت ده بالذات فى ظل دخول الامتحانات علينا وانا ابيض ههههههههههه فبحب حد يحسسنى ان فى امل فى بكره وفى كل شئ

انا ع طول ياباشا بيبقى حلم عندى امل وتفاؤل على طول
وزى ماقال والت ديزنى
(
ما تستطيع ان تحلم به تستطيع ان تحققه
)
فعشان كده انا بحلم واتفائل وعندى امل على طوووووووووووووووووووووووووووول
سلامااااااااااااااااااااااات

كراكيب عادل يقول...

هنودة تاني

حاولت ومش انا بس نفسر النفس البشرية واخدت دورات كتير دورات قالوا ان الناس فية منهم السمعي والبصري والحسي وغيره ودورات قالوا فية العصبي والمشاكس والضحوك
ودورات تاني قالوا التوافق بين الناس وازي يتعمل بس كلامك فية برضو وجهة نظر قوالب موضوع جديد دة
وجوانب مشتركة بس تعرفي حتي لو كنت انا متفق مع انسان اليوم في جوانب معينة فية حجات كتير بتتغير بكرة زي اصدقاء الدراسة بنكون شخص واحد وبعد كام سنة كل شئ بيتغير لدرجة انة مش بيتبقي غير مجموعة ذكريات بنحاول نروحلها علشان نخلق حاجة مشتركة بيها في اعتقادي ان الحياة رحلة طويلة وكل واحد شايل علي كتفة حجات ممكن تكون تقيلة وممكن تكون خفيفة في اثناء الرحلة بنتعرف علي ناس وعلي طبيعة الشيلة الي علي كتف اي حد بيمد الخطاوي او يهدي ومعاه هيكون جنبة ناس علي نفس الخطاوي بيعرفوا بعض وتمشي بيهم الرحلةوفية منهم بتوقف بية الحياة في مرحلة معينة وبتنتهي رحلتة وبنطر احنا نكمل بدونة لان الحياة لازم تستمر وتعدي ومنهم ناس بيتاخروا عن خطاوينا او شيلتهم بتكون خفيفة فيمشوا بسرعة ويسبونا لوحدنا مع انهم موجودين في الحياة وحجات كتير مش هنخلص بس في النهاية عايز اقول

وحشتني المنجة اصل بحبها ههههههه
:)

كراكيب عادل يقول...

bino

احسنت دة قصدي بالظبط


بس بزمتك فية حد شايفة متفائل

علشان كدة دي مجرد فكرة جاتلي ومعاها صورة


نورتني لاول مرة وياريت تكرر الزيارة

بس اية الصورة دي رمز مدونتك عايز اكبرها شايف واحد طويل هدخل المدونة واشوفها هناك

كراكيب عادل يقول...

ما علينا
ازيك يا مرام انتي من هنا ورايح متقلبيش كتير ظبطي الموجة علي مدونتي

دنا هوريكي الي عمرك ما شوفتية
ومعاي في مدونتي
مش هتقدري تغمضي عنيكي

بزمتك التفائل مش حلو

وعجبني الدعاء دة الي في الاول تسلمي يا مرام

تحياتي

كراكيب عادل يقول...

محض روح

حديث الرسول
صلى الله عليه وسلم
لو كنتم تتوكلون على الله حق تواكل لرزقكم كما ترزق الطيور تغدو خماصا وتعود بطانا

انا مستني حد يكتب الحديث دة
انا رديت في التعليق فوق وقلت ان الطيور بتروح وهي جعانة وترجع مليئة البطون كنت عايز اخلي حد يرد علي بالحديث دة صدق رسول اللة صلي الله وعلية وسلم فقد اعطي جوامع الكلم كلمتين كافين ان تحل قضية كاملة اللة ينور عليك يا روح

تعبتي نفسك وعلقتي برضو مكانش لة لزوم التعب :)
زي واحد راح يزور اختة وهي معاها عيال صغيرين فبيقولها كنت هجيب معاي فاكهة للعيال قالت لة مفيش لزوم للتعب رد هو وقالها يا ستي خلي العيال تاكل ههههههههه وهو اصلا مجابش بس انتي علقتي اهو انا بهزر

تحياتي

كراكيب عادل يقول...

حسام مراد

تسلم يا حسام

طبعا لازم تتفائل حتي لو ابيض ههههه

ليلة الامتحان ذاكر هتكون المعلومات لسة طازة متخافش ربنا ينجحك يارب

شكلك من مدن القناة الراجل مع السمسمية دة دنا بحبها جد


تحياتي

بياترتس يقول...

حلو اوى تفكيرك
ودايما فيه أمل طبعا

كراكيب عادل يقول...

بياترتس

الامل موجود جوانا بس ازي نشغلة

ونعيش معاة ونوجد لحظات التفاؤل

انا بستهجي في اسم مدونتك يعني اية الاسم ؟؟

بياترتس ؟؟

أمــانــى يقول...

أكــيد فى امــل لغد افضــل
بس الهموم بتنسى الامل والتفاؤل
يعنى الدنيا عندك مش كراكيب
الحمدلله كل حاجة متظبطة
:-D

كراكيب عادل يقول...

اماني

اهلا ببنت الجنوب

هموم اية بس دة كفاية منظر النيل عندكم ينسي اكبر هم

نفس اصور من عندكم لغاية الان مرحتش اسوان تخيلي ؟؟

مهو فية كراكيب حلوة برضو ولا اية ؟؟

الحمد للة متظبطة وبنحاول نظبطها زيادة تشربي قهوة ؟؟

تحياتي يا اماني

أسوور يقول...

بصراحة الحياة من غير أمل حياة مالهاش معنى
بس تفتكر حياتنا فعلا ليها معنى؟؟
تحياتى على اللقطة المتميزة
وشكرا عشان عيد ميلاد جنى

Rosa يقول...

مرسي يا عادل على دعوة التفاؤل دي
ويسمع منك ربنا و تسود حالة التفاؤل دي وتستمر عندنا كلنا

Bou-ME يقول...

الله على الصورة فهلا تبعث تفاؤل....
تصدق و تؤمن بالله ! انا كان عندي شعور بالوحدة رهيب كتبت عنده في مدونتي, و فضل الشعور ده الي كان يوصل لمرحلة الاكتئاب لغاية ما شوفت الصورة دي !!!

فعلا ارتحت اما شوفتها.. و أنت فعلا فنان تستحق كل الاحترام و التقديـــر...
مش في التصوير بس, لأ ده في الؤسم كمان....
رسمة مصرية من زمان دي في منتهى الجمال...فعلا حسيت بالأصالة فيها..
ماشاء الله عليك بجد...فنان من الدرجة الأولى

أحمد سلامــة يقول...

مش من غير سبب ولا حاجه
عشان انت اكيد ايمانك بربنا سبحانه وتعالى كبير
واكيد حاسس بنعمه الكتييييييييير قوي اللي حوالينا
وعشان كده
مهما كانت ظروفك
حلوة او وحشه
مجلرد الايمان ده هيخليك دايما مستني الاحسن

bastokka طهقانة يقول...

صح ربنا رزاق كريم


اوروفوار

كراكيب عادل يقول...

ياسمين

الحياة من غير امل من غير معني

وسئلتي حياتنا لها معني ؟؟

كفاية الامورتين دول في حياتك هيعملوا الف معني ومعني بزمتك مش كلك امل تشوفيهم احسن ؟؟

وشكر علي اية دنا حتي مجبتش تورتة
هههههههههههههه

:)

كراكيب عادل يقول...

rosa

نورتيني لاول مرة

تعالي كتير وتلاقي التفاؤل بالهبل

وكلة دعوات مجاني

شرفتيني

كراكيب عادل يقول...

Mariam

فرحان انة عجبتك الصورة

وفرحان اكتر علشان وصلتلك الشعور دة

وكمان نورتيني لاول مرة

فعلا رحت عندك لقيت حرقة دم :)

ابقي تعالي هنا اعملي استراحة

تحياتي

كراكيب عادل يقول...

احمد سلامة

حبيبي

صاحب الفناجين والمزاج العالي

الحمد للة ونعم باللة طبعا

بس ساعات بتحس بشعور وعايز الكل يشاركك فية علشان كدة حطيت الصورة
والكلمتين البساط دول يمكن حد يشاركني

والحمد للة كلكم شاركتوني

تحياتي يا سلامة

كراكيب عادل يقول...

طهقانة

ونعم باللة فعلا رزاق وكريم

احسنتي


تحياتي

shermen يقول...

أخيرا دخلت مدونه
حسيت فيها بالتفاؤل
الله يكرمك
مفيش أحسن من التفاؤل
تحياتي

قصاقيص يقول...

إنتظار الأفضل في حد ذاته إيمان رائع
جميل الثقه في اللله وأقداره
:::::::::::::::::::
غنشاء الله بكرة دايما احسن

Unknown يقول...

صورة تبعث على التفاؤل فعلا
ولما تصحى تلاقى عندك امل مش لازم تدور على السبب
المهم فى امل
كراكيبك لطيفة

نسرين - أمة الله يقول...

السلام عليكم
عارف سيدنا محمد عليه الصلاه والسلام بيقول ايه
لو انكم تتوكلون على الله حق توكله لرزققكم كما يرزق الطير تغدو غماصا وتعود بطانا
ان شاء الله فى خير جاى
اكيد فى خير جاى

R.R يقول...

وما فائدة الحياه بدون امل
ربنا يديمه عليك
بجد دعوه جميله للتفاؤل
تحياتى

يا مراكبي يقول...

اللي عاجب أولادي في مصر حاجة واحدة .. إنهم بيلاقوا اللمة والعيلة والأصحاب حواليهم وده مش موجود هنا خالص .. لكن ده مؤقت لأنهم بينزلوا في الصيف لما الكل بيكون في أجازة وكمان مركزين علينا لقصر أجازتنا

لكن في الحقيقة أغلب أيام السنة في مصر الكل بيكون مشغول في شغله والمدارس وزحمة المرور اللي بتضيع الوقت وبتهلك الناس وماحدش بيبقى فاضي لحد بسبب الإنشغال وضغوط الحياة

لكن خلينا نقول إن فيه شوية دفء إجتماعي إحنا بنقتقده هنا تماما .. حتى لو لوقت محدود في السنة وهو شهور الصيف

لكل إختيار ثمن .. ولو ملايين المصريين الموجودين في الخارج خيروهم بين العودة لمصر عشان الإجتماعيات دي وبين الغربة لسد الإحتياجات المادية هتلاقيهم بيستحملوا غياب الإجتماعيات مقابل الماديات المطلوبة .. وده واقع مانقدرش نهرب منه .. صراحتنا مع نفسنا لازم تخلينا نعترف بكده

أنا كده وإنت كده وغيرنا ملايين برضه كده

جايز تعليق صادم شوية لكنها الحقيقة .. ماتزعلش مني

كراكيب عادل يقول...

shermen

ربنا يخليك

هفرش انا بالتفائل في المدونة

والي مش عايز يتفرج بس :)

نورتيني

كراكيب عادل يقول...

قصاقيص

اهلا يا مي

تعليقك في حد ذاتة تفائل

فعلا لازم ننتظر الافضل

وانشاءالله فية الخير الجاي كتير

تحياتي مي

كراكيب عادل يقول...

مناجاة

اسم مدونتك جميل

لما اصحي القي نفسي متفائل هحاول ابث التفائل دة لناس كتير

بس فية ناس غصب عنها بتكون في حالة

يأس ويمكن يكون للبعض العذر

ربنا يرحمنا جميعا

كراكيب عادل يقول...

نسرين

امة اللة كم جميل ان نفتخر بان نكون عبيد للة واللة الاسم دة فعلا بحبة

واسماء اولادي كلها تبدأ بعبد

والحديث دة هو المقصود من البوست دة اصلاااا

جزاكي اللة خير لتكرارة مرة اخري

تحياتي يا امة اللة

كراكيب عادل يقول...

r.r

معتقدش لها اي فائدة الحياة بدون امل

هتكون زي سفينة من غير وجهة

وسعيد ان الدعوة عجبتك


تحياتي

كراكيب عادل يقول...

مراكبي

تعليقك مش صادم ولا حاجة بالعكس انت واحد من اعز الناس الي قلبي في كل كلامهم
وافكارهم ومشاركني احساسي بالغربة والبعد عن الوطن ومشاركني برضو اننا لما نسافر برضو بنزهق بس بنقول هناك الاهل والاصحاب والاماكن الي عشنا فيها ولما الواحد يتعب يلاقي مية واحد تسأل وتقف جنبك في فرحك وحزنك وانت كمان بتلاقي نفسك ملهوف علي كل حد وكل حد ملهوف عليك الماديات طغت علي كل حياتنا مش انا وانت بس المجتمع كامل والي يرفض دة او ميعترفش بية كانة بيغرد برة السرب وهيلاقي نفسة مطرود من المجتمع

بعترف ان الفلوس اصبحت جزء من الشخصية
بس مش هي كل حاجة وبعدين فية ناس كتير هناك مرتاحين لانهم اتأقلموا علي الوضع وهنا هنتكلم علي وضعي ووضعك

احنا يمكن صعب نتحمل حجات كتير

لاننا شفنا حجات مختلفة في بلاد تاني

ودة من عيوب السفر هههههههه

:)

وعيالك دول عسل واللة ربنا يخليهم لك وميتحرموش من دفء الوطن لانهم كدة زي نبات الظل يالا هنعمل اية

تحياتي اخوي يا احمد

عالمى ازرق يقول...

يارب دايما فى تفائل

عالمى ازرق يقول...

يارب دايما فى تفائل

خمسة فضفضة يقول...

السلام عليكم ورحمة الله وبركاته

من غير التفاؤل ما ينفعش الانسان يعيش
لازم يكون فيه ولو ذرة امل ان بكره اكيد احلي وده بيدي حافز للمواصله والاستمرار في الحياة مع كل ما فيها من آلام


تحياتي

كراكيب عادل يقول...

عالمي ازرق

امين نفضل في تفائل دايم


تحياتي

كراكيب عادل يقول...

خمسة فضفضة

من غير التفاؤل ما ينفعش الانسان يعيش

هو ممكن يعيش بس من غير روح

جسد فقط

تعرفي التفائل في احلك الظروف بيخليكي تجتازي المحنة

تحياتي يا دكتورة

حواء يقول...

الصورة حلوة اوى وبعا لازم يبقى فى تفاؤل عشان نحاول نعيش او نتعايش مع اوجاعنا

أحمد العربي يقول...

يا سلام
كم هي حكمة عظيمة أن نكون متفائلين
(كن جميلاً تري الوجود جميلا) اشكرك علي تلك اللحظة السعيدة التي عيشتني فيها بعد رؤيتي لتلك الصورة

كراكيب عادل يقول...

bocycat

عشان نعيش لازم تفاؤل حلوة نعيش ونتعايش مع اوجاعنا دي

نتكيف علي الوضع ويا سلام لو شوية خيال من بتوعك مع حبة امل وشوية تفاؤل تبقي فوللي

نورتيني

كراكيب عادل يقول...

احمد العربي

انا فرحان ان الصورة عجبت ناس كتير بجد وانت منهم

وفرحان كمان اني قدرت اخليك تفضل للحظات عندي هنا وسعيد

بس اية البوست الي عندك دة موتني من الضحك

http://fekramsria.blogspot.com/2007/04/2080.html

هو دة بتاع حوار بين حفيدة وجدها 2070 سنة

تحياتي

صاحب البوابــة يقول...

كلماتك جميلة ومتفائلة للغاية

والصورة معبرة

تحياتي لقلمك المبدع

كراكيب عادل يقول...

صاحب البوابة

صباحة فل وتفاؤل انا لسة جاي المكتب لقيت تعليقك المتفائل تشرب نسكافية ؟؟

علي فكرة اسم مدونتك صاحب البوابة مميز والصورة كمان

تحياتي

loumi يقول...

عندما صادفنى اسمك اول مرة دخلت ووجدت دعوة الامل الجميله
ولان النورس هومن احب الطيور الي لانه اسم والدتى ولكنى لم اترك تعليق اول مرة
ثم صادفته للمرة الثانيه وكنت اشاهد هطول المطر من النافذه فاحسست بانتعاش ورغيه فى ترك تعليق
واعتقد انه لا حياه بدون امل مهما تعرضنا لمشاكل وفشلات يظل الامل موجود
ارجو ان لا اكون قد اطلت.حضرتك مدعو لمدونتى حيث اننى حديثه عهد .

كراكيب عادل يقول...

loumi

الحمد للة ان المطر نزل وتركتي تعليق

والحمد للة ان لقيتي طيور نورس الي بتحبيها

هههههههههههههه

هحطلك منها كتير
بس الصيف مفهوش مطر

:(

Esmeralda يقول...

الطبيعى يكون عندك تفاؤل و امل و ثقه بالله انه حيرزقك

فيه بوست جديد اهه مردتش ازعلك بس سيب كراكيبك هنا

كراكيب عادل يقول...

Esmeralda

الكراكيب هنا بس في المدونة

لما بروح اي مكان بروح خفيف

هههههههههههه

جاي حالا

khaled يقول...

nice work and have a nice weak end
:)

كراكيب عادل يقول...

خالد

ههههههههههههههه

انتي انضميت لسانتوس ولا اية

Big Trap Boy يقول...

Invitation from the tunisian bloggers
دعوة مفتوحة من المدونين التونسيين إلى كل مدوني المغرب الكبير
Invitation des bloggeurs tunisiens à tout les bloggeurs Maghrébins

shimaa mahdy يقول...

الصورة حلوة بجد
بس أنا مبسوطة أوى أنى أخيرا لاقيت حد متفائل.. يا رب دايما

NeRmeeN يقول...

يا ريت الواحد يكون متفاؤل فى حياته..انا بحاول اكون كده...خصوصا ان الرسول عليه الصلاة والسلام نهى عن التطير(التشاؤم يعنى)...اكتر الحاجات اللى بكون دايما متفائلة فيها ...لما الاهلى يلعب...بكون دايما متفائلة انه هيسكب هههههه حتى لما لاعب برشلونة :(
:(
تحياتى

كراكيب عادل يقول...

big trap boy

علم وينفذ اعتبر الدعوة وصلت

كراكيب عادل يقول...

بحبك يا مصر

لا دة فية كتير متفائلين

بس انتي مش واخدة بالك

واولهم انتي بتحبي كدة بل تبحثين

عنة دوما في كل مكان

الصورة جزء من بحثك او رمز لية

تحياتي لاول زيارة

كراكيب عادل يقول...

nermeen

فعلا الرسول لية الصلاة والسلام منع التطير والقرأن لانهم كانوا بيتطيروا قبل كدة قبل الاسلام بيطيروا طير لو راح شمال لها معني ولو راح يمين لها معني

وبعدن انا متخيلك لابسة احمر في احمر وكاتبة علي وشك الاهلي
ههههههههههههههه

اية حب الاهلي دة كلة ميكنش بيدكوي

من الفلوس الي علي قلبهم دي

اعترفي

:)

كلبوزة لكن سمباتيك يقول...

الامل لولاه عليا كنت في الدنيا ضحية

ماشية معاك حلاوة يا سيدي
:)))
تحياتي

كراكيب عادل يقول...

سمباتيك

الامل والتفاؤل هما الي بيخلو الحياة ملونة باحلي الوان

ماشية حلاوة بوجودك وتعليقاتك الجميلة

تسلمي يارب

koukawy يقول...

امين انشالله لينا كلنا

كراكيب عادل يقول...

koukawy

الخير كلة امين يارب

صاحب البوابــة يقول...
أزال أحد مشرفي المدونة هذا التعليق.
كراكيب عادل يقول...

صاحب البوابة

رجال صدقوا ما عاهدوا الله علية

رشا عبد الرازق يقول...

عارف
أعتقد إن في تأمل الصور اللي زي دي
مش عنينا إللي بتشوف وتحكم
ده جوانا هو اللي بيقول لعنينا تشوف إزاي
يعني انا لو راجعه من شغلي حرانه وزهقانه ومليون حاجه وحاجه مكركبالي دماغي بين ورق وحسابات ومخلياني قرفانه بجد ... أكيد مش هشوف من الصوره حاجه تتحس وهتبقا عيوني مشفتهاش ... ولو بصيت عليها وقلبي فرحان ... او دفيان أو شارب حنان أكيد هسمع صوت الميه ، والهواء لازم هيلمس ملامحي والطيور هتبعت لوداني همهمه ... وولو شفتها في لحظة وحده فعيني أكيد مش هتشوف غير حركة الميه .... لأني مش هحس إلا بالبرد ... مممممم ده مش رغي ... بس انا شفت صورتك دي وانا محتاجه أتوه ... فغرقت ! ... تحياتي لموهبتك :)

جسر الى الحياة يقول...

يا ريت كلنا يبقى عندنا امل بكده عمر الهمة ما هتفتر ولا هنحس بحزن ..اجمل حاجة فى لقطتك للطيور دى ان النورس فى حد ذاته طائر مبهج ونشيط وكله تفاؤل
لقطة اكثر من موفقة

غير معرف يقول...

Searching for Hope
Your art is talking wonderful feelings


Rain Elixir